న‌రేష్ ఉగ్ర రూపమిదిగో

నాందితో అల్ల‌రి న‌రేష్ కొత్త చాప్ట‌ర్ మొద‌లైంది. ఆ సినిమాల‌తో మ‌ళ్లీ హిట్ బాట ప‌ట్టాడు న‌రేష్‌. అంతే కాదు…. న‌టుడిగానూ త‌న‌దైన మార్క్ వేశాడు. ఆ సినిమాతో విజ‌య్ క‌న‌క‌మేడ‌ల ద‌ర్శ‌కుడిగా ప‌రిచ‌యమ‌య్యాడు. ఇప్పుడు వీరిద్ద‌రి కాంబినేష‌న్‌లో మ‌రో సినిమా మొద‌లైంది. అదే.. `ఉగ్రం`. స‌న్ స్క్రీన్ పిక్చ‌ర్స్ సంస్థ నిర్మిస్తోంది. ఈరోజు లుక్ పోస్ట‌ర్ విడుద‌ల చేశారు. న‌రేష్ లుక్ డిఫ‌రెంట్ గా క‌నిపిస్తోంది. హెయిర్ స్టైల్ సైతం కొత్త‌గా ఉంది. ఒంటి నిండా ర‌క్తం, వీపులో గుచ్చుకొన్న క‌త్తి… తో న‌రేష్ గెట‌ప్ రివీల్ చేశారు. పోస్ట‌ర్ చూడ‌గానే.. నాంది త‌రహాలో ఇదో కొత్త ర‌క ప్ర‌య‌త్నం అనిపిస్తోంది. నాంది న్యాయ వ్య‌వ‌స్థ చుట్టూ అల్లుకొన్న క‌థ అయితే.. ఇదో థ్రిల్ల‌ర్‌. దాదాపుగా నాంది టీమే ఈ చిత్రానికి ప‌ని చేస్తోంది. మాట‌లు అబ్బూరి ర‌వి అందిస్తున్నారు. శ్రీ‌చ‌ర‌ణ్ పాకాల సంగీతాన్ని స‌మ‌కూరుస్తున్నారు. ఈరోజే హైద‌రాబాద్ లో ఈ చిత్రం లాంఛ‌నంగా ప్రారంభమైంది.