రేపు ఏకంగా 4 సినిమాలు విడుద‌ల అవుతున్నాయి. వాటిలో… ఆ అమ్మాయి గురించి చెప్పాలి సినిమా ఒక‌టి. ఇంద్ర‌గంటి మోహ‌న‌కృష్ణ ద‌ర్శ‌క‌త్వం వ‌హించిన సినిమా ఇది. సుధీర్ బాబు హీరో. ఈ సినిమా ఫ‌లితం ఎలా ఉంటుందా..? అని విజ‌య్ దేవ‌ర‌కొండ ఆసక్తిగా ఎదురు చూస్తున్నాడు. ఎందుకంటే దిల్ రాజు బ్యాన‌ర్‌లో విజ‌య్ ఓ సినిమా చేయాలి. దిల్ రాజు.. చాలా మంది ద‌ర్శ‌కుల‌తో క‌థ‌ల విష‌యంలో చ‌ర్చిస్తున్నాడు. అందులో ఇంద్ర‌గంటి మోహ‌న కృష్ణ ఒక‌డు. ఇంద్ర‌గంటితో సినిమా అంటే కొన్ని సౌల‌భ్యాలున్నాయి. ఒక‌టి.. సినిమాని తొంద‌ర‌గా, అనుకొన్న బ‌డ్జెట్ లో పూర్తి చేసి ఇవ్వ‌గ‌ల‌డు. మినిమం గ్యారెంటీ ఉంటుంది. అన్నింటికంటే ముఖ్యంగా విజ‌య్‌కి ఓ రొమాంటిక్ ఎంట‌ర్‌టైనర్ కావాలిప్పుడు. ఈ జోన‌ర్‌లో.. ఇంద్ర‌గంటి దిట్ట. సో.. విజ‌య్ ఇంద్ర‌గంటితో సినిమా చేయ‌డానికి చాలా ఇంట్ర‌స్ట్ చూపిస్తున్నాడు. అయితే.. ఎవ‌రికి ఛాన్స్ ఇవ్వాల‌న్నా.. హిట్‌, ఫ్లాపుల ట్రాక్ చూడ‌డం త‌ప్ప‌నిస‌రి. ఆ అమ్మాయి గురించి మీకు చెప్పాలి హిట్ట‌యితే… విజ‌య్ – ఇంద్ర‌గంటి కాంబోకి త‌లుపులు తెర‌చుకొన్న‌ట్టే. ఫ‌లితం తేడా కొడితే మాత్రం విజ‌య్ అంత రిస్క్ చేయ‌క‌పోవొచ్చు. ఎందుకంటే ఆల్రెడీ లైగ‌ర్ రూపంలో.. విజ‌య్‌కి గ‌ట్టి దెబ్బ త‌గిలింది. ఇలాంటి టైమ్ లో విజ‌య్ రిస్క్ చేయ‌డు. సో… ఈ కాంబో ఉంటుందా, లేదా? అనేది రేపు ఈపాటికి తేలిపోతుంది.
ఆ అమ్మాయి కోసం… విజ‌య్ వెయిటింగ్‌!
