వరలక్ష్మి శ‌ర‌త్ కుమార్‌… ఈ మ‌ధ్య తెలుగునాట గ‌ట్టిగా వినిపిస్తున్న పేరు ‘క్రాక్‌’లో త‌న పాత్ర‌కు మంచి పేరు వ‌చ్చింది. ‘నాంది’లో వరలక్ష్మి పాత్ర గుర్తుండిపోతుంది. ఈ రెండు సినిమాల త‌ర‌వాత.. వ‌రుస‌గా ఆమెకు అవ‌కాశాలు వ‌స్తూనే ఉన్నాయి. ఇప్పుడు త‌మిళం కంటే తెలుగులోనే ఎక్కువ బిజీ. అందుకే త‌న మ‌కాం చెన్నై నుంచి హైద‌రాబాద్ కు మార్చేసింది. ప్ర‌స్తుతం బాల‌కృష్ణ ‘వీర సింహారెడ్డి’లో కీల‌క పాత్ర పోషిస్తోంది. ఈ సినిమా త‌న కెరీర్‌కి ఓ మేలిమి మ‌లుపు అని భావిస్తోంది వరలక్ష్మి. ఈ సినిమాలో 5 పేజీల డైలాగ్ ని సింగిల్ టేక్ లో చెప్పేసి… బాల‌య్య‌తో పాటు చిత్ర‌బృందానికీ షాక్ ఇచ్చింద‌ట వరలక్ష్మి.
‘వీర సింహారెడ్డి’కి సంబంధించిన ఓ ఎమోష‌న‌ల్ సీన్‌ని బాల‌య్య – వ‌ర‌ల‌క్ష్మిల మ‌ధ్య ఇటీవ‌లే తెర‌కెక్కించారు. ఇందులో వ‌ర‌ల‌క్ష్మికి ఏకంగా 5 పేజీల డైలాగ్ ఉంది. దాదాపు మోనో యాక్ష‌న్‌లాంటిది. బాల‌య్య ముందు ఈ డైలాగ్ చెప్పాలి. వ‌ర‌ల‌క్ష్మికి తెలుగు అంతంత మాత్ర‌మే వ‌చ్చు. పైగా ముందున్నది బాల‌య్య. కాబ‌ట్టి.. ఈ సీన్ పూర్త‌య్యే స‌రికి ఓ రోజు ప‌డుతుందని అంతా ఫిక్స‌యిపోయారు.కానీ వరలక్ష్మి మాత్రం ఈ 5 పేజీల డైలాగ్ నీ సింగిల్ టేక్‌లో చెప్పి అంద‌రికీ షాక్ ఇచ్చింది. డైలాగ్ పూర్త‌వ‌గానే యూనిట్లోని స‌భ్యులంతా చ‌ప్ప‌ట్లు కొట్టార‌ట. బాల‌య్య‌తో స‌హా. థియేట‌ర్లో కూడా ఈ సీన్ క్లాప్ కొట్టిస్తుంద‌ని ఇన్ సైడ్ వ‌ర్గాల టాక్‌. ఈ సంక్రాంతికే ‘వీర సింహారెడ్డి’ విడుద‌ల కాబోతోంది. స‌మంత న‌టించిన ‘య‌శోద’లోనూ వరలక్ష్మి కీల‌క పాత్ర పోషించిన సంగ‌తి తెలిసిందే. ఈనెల 11న ‘య‌శోద’ విడుద‌ల అవుతోంది.
