స‌మంత ఆరోగ్య ప‌రిస్థితి ఏం బాలేదు. ఆ విష‌యాన్ని స‌మంతే ప్ర‌క‌టించింది. త‌ను చికిత్స తీసుకొంటున్న‌ట్టు చెప్పింది. త్వ‌ర‌లోనే కోలుకొంటాన‌ని ధీమా వ్య‌క్తం చేసింది. అయితే… కొన్ని వెబ్ సైట్లూ, యూ ట్యూబ్ ఛాన‌ళ్లూ స‌మంత‌పై ర‌క‌ర‌కాల వార్త‌లు రాసేసి, క‌థ‌నాలు ప్ర‌చారం చేశాయి. `స‌మంత చావు బ‌తుకుల్లో ఉంది` అంటూ హెడ్డింగులు పెట్టి వ్యూస్ కోసం అడ్డదారులు తొక్కింది. ఈ విష‌యం స‌మంత వ‌ర‌కూ వెళ్లింది. అందుకే కాస్త ఎమోష‌న‌ల్ గా స్పందించింది.
స‌మంత న‌టించిన ‘య‌శోద’ శుక్ర‌వారం విడుద‌ల అవుతోంది. ఇంత అనారోగ్యంలోనూ.. స‌మంత ఈ సినిమా ప్ర‌మోష‌న్ల‌లో పాల్గొంటోంది. స‌మంత వీడియో ఇంట‌ర్వ్యూ ఇప్పుడు బ‌య‌ట‌కు వ‌చ్చింది. అందులో… స‌మంత ప్ర‌తీ ప్ర‌శ్న‌కు ఓపిగ్గా స‌మాధానం ఇచ్చింది. ఆరోగ్యంపై వ‌చ్చిన వార్త‌లపై స్పందించింది. ఎలా ఉన్నారు? అని అడిగితే.. ”బతికే ఉన్నా – ప్ర‌స్తుతానికైతే చావ‌లేదు” అంటూ ఎమోష‌న‌ల్ గా బ‌దులు ఇచ్చింది. `నా ఆరోగ్యంపై వ‌చ్చిన వార్త‌లు హెడ్డింగులు చ‌దివా. వాటి గురించి ప్ర‌స్తుతం అన‌వ‌స‌రం` అంటూ స‌మాధానం దాటేసింది. త‌న ఆరోగ్యంపై వ‌చ్చిన క‌థ‌నాల ప‌ట్ల.. స‌మంత పూర్తి అసంతృప్తితో, అస‌హ‌నంతో ఉన్న‌ట్టు స‌మంత మాట‌ల్ని బ‌ట్టి అర్థ‌మ‌వుతోంది. ”నేను ఫైట్ చేస్తున్నా. ప్ర‌స్తుతం ఉన్న స్థితిలో అది అంత ప్రాణాంత‌కం కాదు. చాలామంది ఎన్నో స‌వాళ్ల‌తో యుద్ధం చేస్తున్నారు. అంతిమంగా విజ‌యం మ‌న‌దే” అంటూ ఆశాభావం వ్య‌క్తం చేసింది స‌మంత.
