‘ఇష్క్‌’ సినిమాని నితిన్ ఎప్ప‌టికీ మ‌ర్చిపోలేడు. ఎందుకంటే.. వ‌రుస ఫ్లాపుల త‌ర‌వాత త‌న‌కు ఓ హిట్ ఇచ్చిన సినిమా అది. త‌న‌పై త‌న‌కు న‌మ్మ‌కాన్ని క‌లిగించిన సినిమా ఇది. త‌న కెరీర్ మ‌ళ్లీ గాడిలో ప‌డ‌డానికి అవ‌కాశం ఇచ్చిన సినిమా అది. అందుకే ఆ సినిమా అంటే విప‌రీత‌మైన ప్రేమ. స్క్రీన్ ప్లేల‌లో ఓ ఆట ఆడుకొనే విక్ర‌మ్ కె.కుమార్ ఓ సింపుల్ ల‌వ్ స్టోరీ కూడా తీయ‌గ‌ల‌డ‌ని నిరూపించిన సినిమా అది. అయితే ఆ త‌ర‌వాత వీరిద్ద‌రి కాంబోలో మ‌రో ప్రాజెక్ట్ ప‌ట్టాలెక్క‌లేదు. ఇన్నాళ్ల‌కు మ‌ళ్లీ ఈ కాంబోలో ఓ సినిమా రాబోతోంది.
అవును… నితిన్, విక్ర‌మ్ మ‌ళ్లీ ప‌ని చేయ‌డానికి స‌మాయాత్తం అవుతున్నారు. ఈ సినిమాని నితిన్ త‌న సొంత బ్యాన‌ర్‌లోనే నిర్మించాల‌ని చూస్తున్నాడు. ఇటీవ‌ల ‘మాచ‌ర్ల నియోజ‌క‌వ‌ర్గం’, ‘ఎక్ట్స్రా’ సినిమాల‌తో వ‌రుస ప‌రాజ‌యాలు తెచ్చుకొన్నాడు నితిన్. ప్ర‌స్తుతం `రాబిన్ హుడ్‌` అనే సినిమాలో న‌టిస్తున్నాడు. ‘త‌మ్ముడు’ అనే మ‌రో సినిమా కూడా ప‌ట్టాల‌పై ఉంది. ఇవి రెండూ పూర్త‌య్యాక విక్ర‌మ్ కె.కుమార్ తో సినిమా సెట్స్‌పైకి వెళ్తుంది. ప్ర‌స్తుతం విక్ర‌మ్ నితిన్ కోసం క‌థ‌ని సిద్ధం చేసే ప‌నిలో బిజీగా ఉన్నార‌ని టాక్‌. ఈ సినిమాకు సంబంధించిన పూర్తి వివ‌రాలు త్వ‌ర‌లో వెల్ల‌డ‌వుతాయి.
