`క‌న్న‌ప్ప` కు స్టార్ బ‌లం పెరుగుతూ పోతోంది. ఇప్ప‌టికే ప్రభాస్, మోహ‌న్ లాల్‌, శివ‌రాజ్ కుమార్, న‌య‌న‌తార.. వీళ్లంతా ఈ ప్రాజెక్ట్ లో భాగం పంచుకొన్నారు. అక్షయ్ కుమార్ శివుడిగా న‌టించ‌బోతున్నాడంటూ ప్ర‌చారం జ‌రిగింది. ఇప్పుడు అదే నిజ‌మైంది. క‌న్న‌ప్ప సెట్లో శివుడు ఎంట్రీ ఇచ్చేశాడు. ఈ విష‌యాన్ని… చిత్ర‌బృందం అధికారికంగా ప్ర‌క‌టించింది. ఇందుకు సంబంధించి ఓ వీడియో కూడా విడుద‌ల చేసింది. అక్షయ్, విష్ణు, మోహ‌న్ బాబు.. క‌లిసిన ఈ వీడియో ఇప్పుడు సోష‌ల్ మీడియాలో వైర‌ల్ అవుతోంది.
అక్షయ్ కుమాన్ న‌టిస్తున్న తొలి సౌత్ ఇండియ‌న్ మూవీ ఇదే. ఈ ప్రాజెక్టు కోసం అక్షయ్ వారం రోజుల కాల్షీట్లు కేటాయించిన‌ట్టు స‌మాచారం. ఇటీవ‌ల లుక్ టెస్ట్ కూడా జ‌రిగింద‌ని, శివుడి పాత్ర‌లో అక్షయ్ ప‌ర్‌ఫెక్ట్ గా సెట్ అయ్యార‌ని తెలుస్తోంది. ప్ర‌స్తుతం రామోజీ ఫిల్మ్ సిటీలో `క‌న్న‌ప్ప` షూటింగ్ జ‌రుగుతోంది. ఈ వారం రోజుల్లో అక్షయ్ పై కీల‌క సన్నివేశాల్ని తెర‌కెక్కించ‌బోతున్నారు. త్వ‌ర‌లోనే ప్రభాస్ ఆగ‌మ‌నం కూడా ఖాయంగా క‌నిపిస్తోంది. ప్రభాస్ నందీశ్వ‌రుడి పాత్ర‌లో క‌నిపించ‌నున్న‌ట్టు ఇన్ సైడ్ వ‌ర్గాల టాక్‌.
