బ్రహ్మోత్సవం ఎప్పుడు?? ఈనెల 20న వ‌స్తుందా, లేదంటే వాయిదా ప‌డుతుందా? ఇలా మహేష్ అభిమానుల్లో ఎన్ని ప్ర‌శ్న‌ల్లో. ద‌ర్శకుడు శ్రీ‌కాంత్ అడ్డాల ప్ర‌తీ స‌న్నివేశాన్నీ చెక్కుతూ పోతుంటాడు. దాంతో షూటింగ్ పోస్ట్ ప్రొడ‌క్ష‌న్ వ్య‌వ‌హారాలు ఎప్పుటికీ తెవ‌ల‌వు. అందుకే ఈనెల 20న ఈ సినిమా రావ‌డం క‌ష్ట‌మ‌ని అనుకొన్నారు.అయితే ఆ అనుమానాల‌న్నీ మహేష్ ప‌టాపంచ‌లు చేసేశాడు. ఈనెల 20 న బ్రహ్మోత్సవం విడుద‌ల కావాల్సిందే అంటూ.. ఆర్డ‌ర్ వేశాడ‌ట. దాంతో బ్రహ్మోత్సవం రిలీజ్ డేట్ ఫిక్స‌యిపోయింది. రేపు (శ‌నివారం) బ్రహ్మోత్సవం ఆడియో ఫంక్ష‌న్ జ‌ర‌గ‌బోతోంది. ఈ వేడుక‌లో మహేష్ స్వయంగా విడుద‌ల తేదీ ప్ర‌క‌టిస్తాడ‌ని చెబుతున్నారు.
శ‌నివారం హైద‌రాబాద్‌లోని జేఆర్‌సీ ఫంక్ష‌న్ హాల్‌లో బ్ర‌హ్మొత్స‌వం ఆడియో వేడుక‌కు ఏర్పాట్లు చురుగ్గా సాగుతున్నాయి. ఈ కార్య‌క్ర‌మానికి ముఖ్య అతిథిగా సూప‌ర్ స్టార్ కృష్ణ హాజ‌ర‌వుతారు. కృష్ణ చేతుల మీదుగా ఆడియో వేడుక చేసుకొన్న మహేష్ సినిమాల‌న్నీ హిట్ట‌య్యాయి. అందుకే… బ్రహ్మోత్సవం ఆడియోనీ ఆయ‌న చేతుల మీదుగా రిలీజ్ చేయాల‌ని చిత్ర‌బృందం భావించింది. ఈ కార్య‌క్ర‌మానికి నాగార్జున, వెంక‌టేష్ లు కూడా వ‌స్తార‌న్న ప్రచారం జ‌రుగుతోంది.
