ఇప్పటి వ‌ర‌కూ మెగా ఫ్యాన్స్‌గా ఉన్న కుటుంబం ఇప్పుడు మెగా ఫ్యాన్స్ – అల్లు ఫ్యాన్స్‌గా విడిపోతోందా?? మెగా కుటుంబం నుంచి బ‌న్నీ వేరు కుంప‌టి పెట్ట‌బోతున్నాడా?? ప్ర‌స్తుతం టాలీవుడ్‌లో జ‌రుగుతున్న ఆస‌క్తిక‌ర‌మైన చర్చ ఇది. ఇటీవ‌ల జ‌రిగిన ప‌రిణామాలు బ‌న్నీకి చేదు అనుభ‌వాన్ని క‌లిగించాయ‌ని, అందుకే బ‌న్నీ ఈ సాహ‌సోపేత‌మైన నిర్ణ‌యం తీసుకొన్నాడ‌ని భోగ‌ట్టా. చెప్ప‌ను బ్ర‌ద‌ర్ అన్న కామెంట్ ని ప‌ట్టుకొని ప‌వ‌న్ క‌ల్యాణ్ ఫ్యాన్స్ రేపిన దుమారం. బ‌న్నీని హ‌ర్ట్ చేసింద‌ట. తాను సొంత‌కాళ్ల‌పై నిల‌బ‌డినా ఇప్ప‌టికీ ఒక‌రి గొడుగు నీడ‌న ఉండ‌డం.. త‌న‌కు న‌చ్చ‌డం లేద‌ని అందుకే అల్లు ఫ్యాన్స్ అన్న పేరు జ‌నంలోకి తీసుకెళ్లాల‌ని, త‌న‌కంటూ సేప‌రేట్ ఫ్యాన్ ఫాలోయింగ్ ఏర్ప‌ర‌చుకోవాల‌ని గ‌ట్టిగా నిర్ణ‌యం తీసుకొన్న‌ట్టు తెలుస్తోంది.
ఈ విష‌యంలో అల్లు అర‌వింద్ కూడా బ‌న్నీని స‌పోర్ట్ చేస్తున్న‌ట్టు అత్యంత విశ్వ‌స‌నీయ వ‌ర్గాల స‌మాచారం. ఒక మ‌న‌సు ఆడియో వేడుక‌లో బ‌న్నీ మాట్లాడిన ప‌ద్ధ‌తి చిరంజీవికి కూడా న‌చ్చ‌లేద‌ట. ఈ విష‌యంపై చిరు బ‌న్నీని మంద‌లించార‌ని, దాంతో బ‌న్నీ మ‌రింత హ‌ర్ట‌య్యాడ‌ని… వేరు కుంప‌టి పెట్టి, త‌న అభిమాన గ‌ణాన్ని పెంచుకోవ‌డమే ఉత్త‌మ‌మ‌ని బ‌న్నీ భావిస్తున్నాడ‌ని తెలుస్తోంది. బ‌న్నీ స‌న్నిహితులు కూడా ‘నీకంటూ ఓ స్టార్ డ‌మ్ వ‌చ్చింది.. ఇక ఎవ‌రి అండా అవసరం లేదు’ అని బాగానే ఎక్కిస్తున్న‌ట్టు స‌మాచారం. మ‌రి.. బ‌న్నీ నిర్ణ‌యం త‌న కెరీర్‌ని ఎలాంటి మ‌లుపుల‌కు, కుదుపుల‌కూ గురి చేస్తుందో తెలియాలంటే.. కాస్త ఓపిక ప‌ట్టాలి.
