అ.ఆ సినిమాతో త‌న కెరీర్‌లో మరో సూపర్ హిట్‌ని వేసేసుకొన్నాడు నితిన్. ఈ సినిమాతో నితిన్ మార్కెట్ మ‌రి కొంచెం పెరిగింద‌న్న‌ది వాస్త‌వం. మ‌రీ ముఖ్యంగా ఓవ‌ర్సీస్‌లో ఓవ‌ర్ నైట్ స్టారైపోయాడు నితిన్. దాంతో నితిన్ త‌దుప‌రి సినిమా ఎప్పుడు, ఎవ‌రితో అన్న విష‌యాల్లో ఆస‌క్తి మొద‌లైపోయింది. కొండా విజ‌య్ కుమార్‌తో ఓ సినిమా చేస్తాన‌ని మాటిచ్చాడు నితిన్. నితిన్‌తో గుండెజారి గ‌ల్లంత‌య్యిందే సినిమాని తెర‌కెక్కించాడు కొండా. ఆసినిమా సూపర్ హిట్ట‌య్యింది. ఆ న‌మ్మ‌కంతోనే కొండా చెప్పి క‌థ‌కు గ్రీన్ సిగ్న‌ల్ ఇచ్చాడు. గుండెజారికి ఇది సీక్వెల్ అన్న ప్ర‌చారం కూడా జ‌రిగింది.
అయితే నితిన్ ఇప్పుడు త‌న మ‌న‌సు మార్చుకొన్నాడ‌ని టాక్‌. గుండెజారి – 2ని ప‌క్క‌న పెట్టి మరో ద‌ర్శ‌కుడితో ట్రావెల్ అవ్వ‌డానికి రెడీ అవుతున్నాడ‌ట. ఆ ద‌ర్శ‌కుడెవ‌రో కాదు, కిషోర్ తిరుమ‌ల శెట్టి. నేను – శైల‌జ‌తో రామ్‌కి ఓ హిట్టిచ్చాడు కిశోర్‌. ఇప్పుడు నితిన్‌కి ఓ స్టోరీ వినిపించాడ‌ట. ఆ కథ నితిన్‌కి బాగా న‌చ్చ‌డంతో వెంట‌నే పట్టాలెక్కించ‌డానికి రెడీ అయిన‌ట్టు టాక్‌. అ.ఆ త‌ర‌వాత నితిన్ చేయ‌బోయే సినిమా ఇదేన‌ని చెప్పుకొంటున్నారు. ఈ చిత్రాన్ని త‌న సొంత బ్యాన‌ర్‌లోనే తెర‌కెక్కించాల‌ని నితిన్ ఫిక్స‌య్యాడ‌ట. క‌థ‌పై అంత గురి కుదిరింద‌న్న‌మాట.
