సింహా, లెజెండ్ చిత్రాల‌తో నంద‌మూరి అభిమానుల్ని మెప్పించాడు బోయ‌పాటి శ్రీ‌ను. ఇప్పుడు స‌రైనోడుతో మెగా క్యాంప్‌లోనూ అడుగుపెట్టాడు. ఆ సినిమా కూడా హిట్టు కొట్టేసింది. బోయ‌పాటి సినిమాల్లో ది బెస్ట్ గా నిలిచింది. ఓవ‌రాల్ గా ఈ సినిమా రూ.70 కోట్ల వ‌ర‌కూ సాధించింది. ఇలాంటి భారీ క‌మ‌ర్షియ‌ల్ హిట్టు కొట్టిన త‌ర‌వాత మరో స్టార్ హీరోతో సినిమా చేయాలి. కానీ.. బోయ‌పాటి మాత్రం బెల్లంకొండ శ్రీ‌నివాస్‌తో సినిమా చేయ‌బోతున్నాడు. అందుకు సంబంధించిన క‌థ కూడా లాక్ అయిపోయింది. వ‌చ్చే నెల‌లో ఈ సినిమాప‌ట్టాలెక్క‌బోతోంది.
అయితే ఈలోగా బోయ‌పాటికి బోల్డ‌న్ని ఆఫ‌ర్లు వ‌రుస క‌డుతున్నాయి. స్టార్ హీరోలు సైతం ‘మాతో సినిమా చేస్తారా’ అని అడుగుతున్నార్ట. అయ‌తే బోయ‌పాటి మాత్రం ‘బెల్లం కొండ‌తో సినిమాపూర్త‌వ్వాలి’ అని చెబుతున్న‌ట్టు టాక్‌. స‌రైనోడుకి బోయ‌పాటి రూ.6 కోట్ల వ‌ర‌కూ పారితోషికం అందుకొన్నాడు. బెల్లంకొండ సినిమాకి రూ.10 కోట్ల వ‌ర‌కూ గిట్టుబాటు అయ్యింది. కేవ‌లం పారితోషికం కోస‌మే బోయ‌పాటి ఈ సినిమా చేస్తున్నాడ‌నుకోవ‌డానికి వీల్లేదు. ఇప్పుడు బోయ‌పాటికి అడిగినంత పారితోషికం ఇవ్వ‌డానికి నిర్మాత‌లూ రెడీగా ఉన్నారు. పైగా స్టార్ హీరోతో సినిమా చేస్తే వ‌చ్చే మైలేజీ వేరు. స‌రైనోడు కంటే ముందే బెల్లంకొండ‌కు మాట ఇవ్వ‌డం వ‌ల్ల ఈ సినిమా తీయాల్సివ‌స్తోంది. ఒక‌వేళ బోయ‌పాటి నాకు కొంచె టైమ్ కావాలి.. అని అడిగినా నిర్మాత‌లు అర్థం చేసుకొంటారేమో. కానీ బోయ‌పాటి మాత్రం ఏదోలా ఈసినిమాని గ‌ట్టెక్కించేద్దాం అనే ఆలోచ‌న‌లో ఉన్నాడు. పారితోషిం ఇస్తామ‌న్నా.. ప‌ట్టించుకోవ‌డం లేదు. ఈ రోజుల్లో మాట మీద నిల‌బ‌డి.. సినిమా చేయ‌డానికి రెడీ అవుతున్న బోయ‌పాటి లాంటివాళ్లు ఎంత‌మంది ఉంటారు చెప్పండి. ఆ విష‌యంలో ఈ మాస్ ద‌ర్శ‌కుడు గ్రేటే.
