షాకింగ్ : గుడ్డివాడిగా రామ్

న‌వ‌త‌రం హీరోలు ఛాలెంజ్‌ల‌ను బాగానే స్వీక‌రిస్తున్నారు. రొటీన్ పాత్ర‌ల్ని ప‌క్క‌న పెట్టి స‌వాల్ విసిరే పాత్ర‌ల‌వైపు మొగ్గు చూపిస్తున్నారు. అందుకే వెండి తెర‌పై కొత్త‌ర‌కం సినిమాల్నిచూసే అవ‌కాశం ద‌క్కుతోంది. ఇప్పుడు రామ్ కూడా అదే చేయ‌బోతున్నాడు. గుడ్డివాడిగా న‌టించ‌డానికి ఒప్పుకొని అంద‌రికీ షాక్ ఇచ్చాడు. నేను శైల‌జ‌తో మ‌ళ్లీ ఫామ్ లోకి వ‌చ్చిన రామ్‌.. త్వ‌ర‌లో అనిల్ రావిపూడితో ఓ సినిమా చేయ‌బోతున్నాడు. ప‌టాస్‌, సుప్రీమ్ ల త‌ర‌వాత అనిల్ చేయ‌బోయే హ్యాట్రిక్ సినిమా ఇది. ఈ సినిమాలో రామ్ గుడ్డివాడిగా క‌నిపించ‌నున్నాడు. ఈ విష‌యాన్ని అనిల్ రావిపూడి ట్విట్ట‌ర్‌లో ధృవీక‌రించాడు కూడా.

రామ్ ప్ర‌స్తుతం సంతోష్ శ్రీ‌నివాస్ ద‌ర్శ‌క‌త్వంలో ఓ సినిమా చేస్తున్నాడు. సెప్టెంబ‌రులో షూటింగ్ పూర్త‌వుతుంది. ఈలోగా.. అనిల్ స్క్రిప్టుని పూర్తి స్థాయిలో సిద్ధం చేసేస్తాడ‌ట‌. ఎన‌ర్జిటిక్ రామ్‌ని గుడ్డివాడి పాత్ర‌లో ఊహించుకోని అనిల్ సాహ‌సం చేస్తే… ఆ పాత్ర‌ని రామ్ ఒప్పుకొని ఓ సంచ‌ల‌నానికి తెర‌లేపాడు. మ‌రి వీరిద్ద‌రూ తెర‌పై ఏం చూపిస్తారో..??