సిలికాన్ వ్యాలీగా పేరుపొందిన బెంగళూరులో ఇంటి అద్దెల గురించి ఎంతో మంది భిన్నమైన అనుభవాలు చెబుతూ ఉంటారు. సహజంగానే బెంగళూరులో ఇంటి అద్దెలు ఎక్కువ. ఇళ్ల ధరలు కూడా ఎక్కువే. కానీ నగర పరిసరాల్లో అఫోర్డబుల్ ఇళ్లు ఇంకా లభిస్తున్నాయి. రూ.50 లక్షల లోపు ఫ్లాట్లు ఇంకా లభ్యమవుతున్నాయి.

బెంగళూరు రియల్ ఎస్టేట్ మార్కెట్‌లో ప్రైమ్ ఏరియాల్లో చదరపు అడుగుకు ధరలు రూ.10,000కి పైగా ఉన్నాయి. కానీ, ఔటర్ జోన్స్‌లో – ముఖ్యంగా చందాపుర, హోస్‌కోటె, కెంగేరి, ఎలక్ట్రానిక్ సిటీ వంటి ప్రాంతాల్లో – అఫోర్డబుల్ ఆప్షన్లు పుష్కలంగా ఉన్నాయి. హోస్‌కోటె, రామమూర్తి నగర్, చందాపుర, అట్టిబెలె లో చదరపు అడుగుకు రూ.5,000కి లోపు ధరలు లఉంటాయి. ఇది మిడ్-సెగ్మెంట్ హోమ్స్‌కు ఆకర్షణీయం. ఈ ప్రాంతాల్లో 1BHK లేదా 2BHK ఫ్లాట్లు రూ.30-50 లక్షల మధ్య లభిస్తున్నాయి.

కెంగేరి, వెస్ట్ బెంగళూరులోని ఈ ప్రాంతం, మెట్రో లైన్ విస్తరణతో హాట్‌స్పాట్‌గా మారింది. ఇక్కడ 2BHK ఫ్లాట్లు రూ.36 లక్షల నుంచి మొదలవుతాయి, సర్జాపూర్ రోడ్, ఈస్ట్‌లో IT హబ్‌లకు సమీపంలో, 2BHKలకు రూ.38 లక్షలు, టెక్ మహీంద్రా , ఇన్ఫోసిస్ క్యాంపస్‌ల సమీపంలో. హోస్‌కోటెలో, బెంగళూరు-చెన్నై ఇండస్ట్రియల్ కారిడార్‌తో, 2BHKలు రూ.30-35 లక్షలలో లభిస్తున్నాయి. సౌత్‌లో చందాపుర మరింత బడ్జెట్-ఫ్రెండ్లీగా ఉంటుంది. యలహంక, నార్త్‌లో, ఎయిర్‌పోర్ట్ సమీపంలో 2BHKలు రూ.40 లక్షలు, చదరపు అడుగుకు రూ.5,500-7,000 వరకూ ఉంటుంది.

అయితే, ఈ అవకాశాలు తాత్కాలికమే. నిపుణులు చెబుతున్నారు. ఇన్‌ఫ్రా డెవలప్‌మెంట్‌తో వేగంగా ధరలు పెరుగుతున్నాయని అంటున్నారు. PMAY సబ్సిడీలను ఉపయోగించుకుంటే ఇంకా తక్కువకే మధ్యతరగతి ఇళ్లు లభిస్తున్నాయి.