అందాల నటి ఐశ్వర్యా రాయ్ ఇప్పుడు ఇంట్లో ఇబ్బంది పడుతోందట. ఐష్ చాలా కాలం తర్వాత ఓ ఫుల్ లెంగ్త్ రొమాంటిక్ మూవీలో నటిస్తోంది. ఆరాధ్యకు జన్మనిచ్చిన తర్వాత నాలుగేళ్ల పాటు సినిమాలకు దూరంగా ఉంది. ఆ తర్వాత సినిమాల్లో రీ ఎంట్రీ ఇచ్చింది. జజ్బాలో ఓ పవర్ ఫుల్ మహిళగా లీడ్ రోల్ లో నటించింది. అయితే అది కమర్షియల్ గా అంత సక్సెస్ కాలేదు. ఈ మధ్యే వచ్చిన సరబ్ జీత్ సినిమా కూడా అంతంత మాత్రంగానే ఆడింది.
అవి ఎలా ఉన్నా, కరణ్ జోహార్ తాజా సినిమాలో ఐష్ సెంటర్ ఆఫ్ అట్రాక్షన్.
యే దిల్ హై ముష్కిల్ సినిమాలో రణబీర్ కపూర్ తో నటిస్తోంది. ఇందులో అనుష్క శర్మ మరోహీరోయిన్. దీపావళి కానుకగా విడుదల కాబోతున్న ఈ సినిమా షూటింగ్ లో ఐష్ బిజీ బిజీగా ఉంది.
ఇది రొమాంటిక్ సినిమా కాబట్టి హీరో హీరోయిన్ల మధ్య హాట్ కెమిస్ట్రీ తప్పదు. కథానుసారం కొన్ని సీన్లలో రణబీర్, ఐశ్వర్య క్లోజ్ గా నటించారట. రణబీర్ తో మరీ ఇంత సన్నిహితంగా నటించడం అవసరమా అని అమితాబ్ బచ్చన్ కుటుంబం ఫీలవుతోందట. ఇప్పుడు రొమాంటిక్ సినిమాలో నటించడం అవసరమా అని వాళ్ల అభిప్రాయం. అసలు ఐశ్వర్య ఈ సినిమా ఓకే చెప్పినప్పుడే బచ్చన్ ఫ్యామిలీకి ఇష్టం లేదట. అయినా ఆమె స్వేచ్ఛకు అడ్డు చెప్పడం ఎందుకని ఊరుకున్నార
ఇప్పుడు కూడా వాళ్లు నోరు తెరిచి ఏమీ అనకపోయినా, ఇశ్వర్యకు కొంచెం ఇబ్బందిగానే ఉందని టాక్. ఇంట్లో అంతా హాయిగా నవ్వుతూ గడిపే ఫ్యామిలీ. ఇప్పుడు కొంత ఎడమొహం పెడమొహంగా ఉండటంతో ఐష్ ఫీలవుతోందని, ఇబ్బంది పడుతోందని బాలీవుడ్ సమాచారం. పైగా ఈ సినిమా షూటింగ్ ఒక్క దేశంలో లేదు.
ఈ సినిమా షూటింగ్ లండన్ లో మొదలైంది. ఆ తర్వాత పారిస్ లో జరిగింది. అటు తర్వాత ఆస్ట్రియాలోని వియన్నా తదితర ప్రదేశాల్లో షూట్ చేశారు. ఆ తర్వాత ముంబైకి లొకేషన్ మార్చారు. కాబట్టి ఐష్ కూడా చాలా రోజులు ఇంటికి, దేశానికి దూరంగా విదేశాల్లో ఉంది. ముంబై షూటింగ్ పూర్తి చేసిన తర్వాత పోస్ట్ ప్రొడక్షన్, అక్టోబర్ 28న విడుదలకు దర్శక నిర్మాత కరణ్ జోహార్ భారీగా సన్నాహాలు చేస్తున్నాడు.
అన్నట్టు… ధూమ్ 2 సినిమాలో హృతిక్ రోషన్ తో చనువుగా నటించడం కూడా అప్పట్లో బచ్చన్ ఫ్యామిలీకి నచ్చలేదని ప్రచారం జరిగింది. అప్పటికే ఐశ్వర్య, అభిషేక్ పెళ్లి దాదాపుగా ఖరారైంది. అలాంటి సమయంలో హృతిక్ తో ఐశ్వర్య లిప్ లాక్ సీన్ లో నటించడం అమితాబ్ దంపతులకు ఇబ్బంది కలిగించిందట. ఇప్పుడు రణబీర్ తో క్లోజ్ గా నటించడంపై ఫీలవుతున్నారట. ఒకింత కోపంగానూ ఉన్నారని బాలీవుడ్ ఖబర్.
