ఆర్కే పలుకు : జగన్ వల్లే కుటుంబంలో చిచ్చు..!

వైఎస్ కుటుంబంలో ఏం జరుగుతుందో… ఆంధ్రజ్యోతి ఎండీ వేమూరి రాధాకృష్ణకు తెలిసిపోతోంది. ఆ కుటుంబం నుంచి ఎవరైనా రాధాకృష్ణకు మిత్రులు ఉన్నారో.. లేకపోతే అంతకు మించిన సోర్స్ ఏమైనా ఏర్పాటు చేసుకున్నారేమో కానీ.. వైఎస్ కుటుంబంలో చీమ చిటుక్కుమన్నా… రాధాకృష్ణకు తెలిసిపోతోంది. అయితే చాలా విషయాలు .. న్యూస్‌గా పత్రిక వెల్లడించడంలేదు. అప్పుడప్పుడూ సందర్భాన్ని బట్టి తన వారంతపు ఆర్టికల్ “కొత్తపలుకు”లో బయట పెడుతూ వస్తున్నారు. తాజాగా.. ఈ వారం… ఆయన పూర్తిగా జగన్ ఫ్యామిలీలో ఏర్పడిన చిచ్చుపైనే ప్రధానంగా దృష్టి పెట్టి కథనం రాశారు. ఏం జరిగింది.. ఏం జరుగుతుంది.. ఏం జరగబోతోందని విశ్లేషించినట్లుగా ఆయన కథనం ప్రకారం… వైఎస్ కుటుంబంలోజగనే చిచ్చు పెట్టారు. ఆ చిచ్చు ఆయననే చుట్టు ముట్టబోతోంది.

వైఎస్ కుటుంబంలో జగన్మోహన్ రెడ్డి చిచ్చు పెట్టేశారు. వైఎస్ రాజశేఖర్ రెడ్డి హయాంలో అందరూ ఒకే మాట.. ఒకే బాటగా ఉండే కుటుంబాన్ని జగన్మోహన్ రెడ్డి.. తన నిర్వాకంతో రెండుగా చీల్చేశాడని.. ఆడవాళ్లందరూ..జగన్మోహన్ రెడ్డికి వ్యతిరేకం అయ్యారని… ఆంధ్రజ్యోతి రాధాకృష్ణ విశ్లేషించారు. ప్రతీ వారం తను రాసే ఆర్టికల్‌లో ఎప్పటిలాగానే ఈ వారం కూడా.. జగన్‌ను టార్గెట్ చేశారు. దానికి కావాల్సిన సరంజామాను ఆయనకు ఈ వారం… వైఎస్ సునీత ఇచ్చారు. ఢిల్లీలో తన తండ్రి హత్య కేసు నిందితుల్ని జగన్ కాపాడుతున్నారని ఆమె వ్యక్తం చేసిన ఆవేదనకు.. మరింత ఇన్‌సైడ్ ఇన్ఫర్మేషన్‌తో రాధాకృష్ణ… లోతుగా విశ్లేషించారు.

వైఎస్ వివేకానందరెడ్డిని ఎవరు చంపారో.. వైఎస్ కుటుంబంలో అందరికీ తెలుసు. అన్ని వేళ్లూ.. వైఎస్ భాస్కర్ రెడ్డి, వైఎస్ అవినాష్ రెడ్డి వైపే చూపిస్తున్నాయి. కానీ చర్యలు తీసుకోవడానికి ఎవరూ సిద్ధంగా లేరు. నాన్నకు న్యాయం చేయాలని అడగడానికి వెళ్లిన సునీతతో.. జగన్ రెడ్డి వాళ్లను శిక్షిస్తే.. వాళ్లు బీజేపీలోకి వెళ్తారు అని చెప్పారట…దాంతో జగన్ ఎలాగూ కేసును నీరుగారుస్తాడని అర్థమయ్యి… ఆమె సీబీఐ విచారణ కోసం కోర్టుకు వెళ్లింది. సీబీఐ విచారణకు ఆదేశించినా ముందుకు సాగడం లేదు. అక్కడా మేనేజ్ చేస్తున్నారు. ఈ పరిస్థితుల్లో సునీత కన్నీరు పెట్టుకునే పరిస్థితి వచ్చింది.

ప్రస్తుతం వైఎస్ కుటుంబం అడ్డంగా చీలిపోయింది. షర్మిల వైపు తల్లి విజయలక్ష్మి ఉన్నారు. జగన్ ఎవర్నీ దగ్గరకు రానీయకుండా చక్రవర్తిలా సింహాసనంపై కూర్చుని పరిపాలిస్తున్నారు. కుటుంబంలో ఏర్పడిన చిచ్చును కూడా ఆయన లైట్ తీసుకున్నారు. ఎవరు ఉంటే ఏంటి.. ఎవరు లేకపోతే ఏంటీ అన్నట్లుగా ఆయన పరిపాలిస్తున్నారు. ఫలితంగా వైఎస్ కుటుంబంలో… ఆడపిల్లలు రోడ్డున పడే పరిస్థితి వచ్చింది. చెల్లెళ్లకు న్యాయం చేయలేని జగన్ …తమకేం చేస్తాడని ఇతర ఫ్యామిలీ సభ్యులు.. జగన్‌పై ఆశలు పెట్టుకోడం మానేశారు. వారంతా షర్మిల వైపు చేరుతున్నారు. ఇది త్వరలో పెద్ద చిచ్చుగా మారి జగన్‌నుచుట్టుముట్టే అవకాశం కనిపిస్తోంది. ఇదీ… ఆర్కే।… అంతిమంగా విశ్లేషించిన అంశం. జరుగుతున్నపరిణామాలు చూస్తే.. ఇది అతిశయోక్తి కాదేమో..?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రమేష్ ఆస్పత్రికి రఘురామ..! హైకోర్టు ఆదేశాలనైనా పాటిస్తారా..?

కోర్టు ఆదేశాలను ఉల్లంఘించి అయినా రమేష్ ఆస్పత్రికి రఘురామకృష్ణరాజును తరలించకూడదనుకున్న సీఐడీ అధికారులు.. ప్రభుత్వానికి షాక్ తగిలింది. సీఐడీ కోర్టు ఆదేశించించినట్లుగానే.. రమేష్ ఆస్పత్రికి రఘురామకృష్ణరాజును తరలించాలని స్పష్టం చేసింది. గుంంటూరు ప్రభుత్వాసుపత్రిలో...

జైలుకు ఆర్ఆర్ఆర్.. కోర్టును లైట్ తీసుకున్న సీఐడీ..!

ఆంధ్రప్రదేశ్ సీఐడీ అధికారులు కోర్టులను లెక్క చేయలేదు. ఎంపీ రఘురామకృష్ణరాజుకు వైద్యం అందించాలని ఇచ్చిన ఆదేశాలను పక్కన పెట్టేసి.. జిల్లా జైలుకు తరలించేశారు. ఆయనకు వైద్యం అందించే విషయంలోనే కాదు.. వైద్య నివేదిక...

టీవీ9 ప్రాథమిక నివేదిక.. ఆర్ఆర్ఆర్‌కి సొరియాసిస్..!

రఘురామకృష్ణరాజు కాళ్లకు ఉన్న దెబ్బల గురించి టెస్టులు చేసి నివేదిక ఇవ్వాలని సీఐడీ కోర్టు.. హైకోర్టులు ఆదేశించాయి. వైద్యులు నివేదికల కోసం.. కోర్టు ఇచ్చిన సమయం దాటి మరీ టెస్టులు చేస్తున్నారు. నివేదికలు...

రేవంత్‌కు పోలీసులే అలా ప్రచారం చేసి పెడతారు..!

హైదరాబాద్‌లో రూ. ఐదు రూపాయల భోజన కేంద్రాలయిన అన్నపూర్ణ క్యాంటీన్లు కొనసాగుతాయని మీడియాకు సమాచారం ఇచ్చిన తెలంగాణ సర్కార్.. నిజానికి ఆపేసింది. దాంతో పేదలు తీవ్ర ఇక్కట్లు పడుతున్నారు. చాలా చోట్ల టీఆర్ఎస్...

HOT NEWS

[X] Close
[X] Close