హైదరాబాద్: ఓటుకు నోటు కేసులో ఐదవ నిందితుడు, సత్తుపల్లి ఎమ్మెల్యే సండ్ర వెంకటవీరయ్యకు ఏసీబీ కోర్టు షరతులతో కూడిన బెయిల్ మంజూరు చేసింది. రు.2 లక్షల పూచీకత్తు సమర్పించాలని, నియోజకవర్గంలోనే ఉండాలని కోర్టు ఆదేశించింది. ఏసీబీ పోలీసులు ఈనెల 6న సండ్రను అరెస్ట్ చేసిన సంగతి తెలిసిందే. ఓటుకు నోటు కేసులో అరెస్టయిన ఇతర నిందితులు రేవంత్ రెడ్డి, సెబాస్టియన్, ఉదయసింహ ఇప్పటికే హైకోర్టు ద్వారా బెయిల్ పొందారు.
తమ క్లయింట్ను రాజకీయ కుట్రతోనే ఇరికించారని సండ్ర తరపు న్యాయవాది ఆరోపించారు. మే 28వ తేదీన ఫిర్యాదు అందితే, 31న ఎఫ్ఐఆర్ నమోదు చేశారని, అందులో సండ్ర పేరు లేదని గుర్తు చేశారు.
