‘ఆచార్య‌’ని మ‌ళ్లీ రేసులోకి తెచ్చిన సిద్ధ‌

ఆచార్య‌…. చిరంజీవి – కొర‌టాల కాంబినేష‌న్‌లో రూపుదిద్దుకుంటున్న సినిమా. ఎప్పుడో విడుద‌ల కావాల్సింది. కానీ ర‌క‌ర‌కాల కార‌ణాల వ‌ల్ల వాయిదా ప‌డుతూ వ‌స్తోంది. ఇది చిరంజీవి సినిమా. పైగా అప‌జ‌యం అంటూ ఎరుగ‌ని కొర‌టాల శివ ద‌ర్శ‌క‌త్వంలో రూపొందిన సినిమా. అందులోనూ… రామ్ చ‌ర‌ణ్ ఓ కీల‌క పాత్ర పోషిస్తున్నాడు. ఎలా చూసినా ఈ సినిమా క్రేజు ఆకాశాన్ని తాకాల్సిందే. కానీ.. అనుకున్నంత హైప్ ఈ సినిమాకి లేద‌న్న‌ది నిజం. దానికి కార‌ణాలెన్నో. ఓ వైపు పుష్ప‌.. మ‌రోవైపు ఆర్‌.ఆర్‌.ఆర్… టాలీవుడ్ ని షేక్ చేసేస్తున్నాయి. ఈ రెండు సినిమాల గురించి జ‌నం మాట్లాడుకున్నంత‌గా మ‌రో సినిమా గురించి చ‌ర్చించుకోవ‌డం లేదు. దాంతో.. మిగిలిన సినిమాలు కంటికి ఆన‌డం లేదు. పైగా.. ఇప్పుడున్న ప‌రిస్థితుల్లో సినిమాల గురించి మాట్లాడుకునే తీరికే ఎవ‌రికీ లేకుండా పోతోంది. సినిమా బాగుంటే చూస్తారు. లేదంటే ప‌ట్టించుకోరు. అందుకే.. ఏ సినిమాపైనా ప్ర‌త్యేకమైన అంచ‌నాలు పెట్టుకోవ‌డం లేదు. ఆ కోవ‌లో ఆచార్య చేరిపోయింది.

అయితే స‌డ‌న్ గా ఆచార్య‌ని రేస్‌లోకి తీసుకొచ్చింది సిద్ధ టీజ‌ర్‌. రామ్ చ‌ర‌ణ్ ఈ సినిమాలో సిద్ధ‌గా క‌నిపిస్తున్న సంగ‌తి తెలిసిందే. సిద్ధ పాత్ర‌ని ప‌రిచ‌యం చేస్తూ.. ఆదివారం ఓ టీజ‌ర్ వ‌దిలారు. నిజానికి ఈ టీజ‌ర్‌పై కూడా ఎలాంటి బ‌జ్ లేదు. కాక‌పోతే.. టీజ‌ర్ అంద‌రికీ న‌చ్చేసింది. ముఖ్యంగా చిరుత‌నీ, చిరుత పిల్ల‌నీ చిరు, చ‌ర‌ణ్‌ల‌తో పోల్చుతూ.. తీసిన చివ‌రి షాట్ అయితే – ఫ్యాన్స్‌కి మ‌రింత బాగా న‌చ్చేసింది. ఇలాంటి సీన్లు థియేట‌ర్లో చూస్తే.. ఆ కిక్కే వేరుగా ఉంటుంది. యూ ట్యూబ్‌లో ప్ర‌స్తుతానికి ఈ టీజ‌రే ట్రెండింగ్‌.సోష‌ల్ మీడియాలో ఈ షాట్ గురించి మాట్లాడుకోవ‌డం మొద‌లెట్టారు. మార్కెట్ వ‌ర్గాల దృష్టి కూడా ఒక్క‌సారిగా ఆచార్య‌పై మ‌ళ్లింది. కొర‌టాల శివ ఏదో మ్యాజిక్ చేయ‌బోతున్నాడ‌న్న ధీమా.. ఈ టీజ‌ర్ తో మ‌రింత క‌లిగింది. ఇప్పుడు ఇలాంటి స‌ర్‌ప్రైజ్ మూమెంట్స్‌.. ఆచార్య నుంచి ఇంకొన్ని కావాలి. ఫిబ్ర‌వ‌రి 4న విడుద‌ల అవుతోంది కాబ‌ట్టి.. ఆచార్య ప్ర‌మోష‌న్ల‌కు కావ‌ల్సినంత స‌మ‌యం ఉంది. మెల్ల‌మెల్ల‌గా జోరు పెంచుకుంటూ పోతే.. సంక్రాంతిసినిమాల హ‌డావుడి త‌గ్గాక – ఆచార్య ప్ర‌మోష‌న్లు స్పీడందుకుంటే… మ‌ళ్లీ ఆచార్య రేసులోకి రావ‌డం ఖాయం.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైష్ణ‌వ్ తేజ్‌… ‘రంగ రంగ వైభ‌వంగ‌…!’

ఉప్పెన‌తో ఎంట్రీ ఇచ్చిన మ‌రో మెగా హీరో వైష్ణ‌వ్ తేజ్‌. ఆ సినిమా సూప‌ర్ డూప‌ర్ హిట్ట‌య్యింది. ఆ త‌ర‌వాత వ‌చ్చిన `కొండపొలెం` నిరాశ ప‌రిచినా, ఆ ఎఫెక్ట్ వైష్ణ‌వ్ కెరీర్‌పై ప‌డ‌లేదు....

టీడీపీ హయాంలో జరగలేదా ? “కేసినో”పై ఇదే వైసీపీ ఎదురుదాడి !

కొడాలి నాని గుడివాడలో కేసినో నిర్వహించి అడ్డంగా దొరికిపోయారు. ఆధారాలు ఒకదాని తర్వాత ఒకటి వెల్లువగా బయటకు వస్తూనే ఉన్నాయి. ఈ అంశంపై వైసీపీ తన విధానాన్ని ప్రకటించాల్సిన సమయంలో.. అడ్డగోలుగా...

పీకల మీదకు తెచ్చేశాక సజ్జల మాట్లాడరెందుకు !?

ప్రభుత్వ ముఖ్య సలహాదారు సజ్జల రామకృష్ణారెడ్డి వ్యవహారం హాట్ టాపిక్ అవుతోంది. ఆయన ఇంతకు ముందు వరకూ ప్రతి విషయాన్ని మీడియాతో చెప్పే బాధ్యత తీసుకునేవారు. చంద్రబాబుకు కౌంటర్ఇచ్చే బాధ్యత కూడా ఆయనే...

తగ్గింపుతోనే జీతాలు.. కొత్త జీవో రిలీజ్ !

ఏపీ ప్రభుత్వం పీఆర్సీపై ఉద్యోగుల్ని నచ్చ చెప్పేందుకు కమిటీ వేశామని చెబుతోంది చెబుతున్నా..తమ నిర్ణయాల విషయంలో మాత్రం వెనక్కి తగ్గడం లేదు. కేబినెట్ భేటీలో పీఆర్సీకి ఆమోద ముద్ర వేసేసి.. కొత్త...

HOT NEWS

css.php
[X] Close
[X] Close