14 ఏళ్ళ తర్వాత ఆంధ్రాలోకి: మొక్కు తీర్చుకోనున్న కేసీఆర్

హైదరాబాద్: తెలంగాణ ముఖ్యమంత్రి కేసీఆర్ అమరావతి శంకుస్థాపనకు వెళ్ళటం మొత్తంమీద ఖరారైపోయింది. ఈ నెల 22న జరిగే ఆ కార్యక్రమానికి వెళ్ళటంద్వారా 14 ఏళ్ళ సుదీర్ఘ విరామం తర్వాత ఆంధ్రా నేలపై అడుగుపెట్టబోతున్నారు. తిరుమల వెంకన్నను దర్శించుకోవటం మినహా ఆంధ్రా ప్రాంతంలో ఈ 14 ఏళ్ళలో కేసీఆర్ పర్యటించటం ఇదే ప్రథమం.

తెలంగాణ ఉద్యమం ఉవ్వెత్తున నడిచే రోజులలో ఆంధ్రా ప్రాంతంలో విభజనను సమర్థించే కొందరు తలపట్టిన కార్యక్రమాలకు కేసీఆర్ హాజరవ్వాల్సిఉన్నా అది ఎందుకనో వాస్తవరూపు దాల్చలేదు. 2010 మే నెలలో కత్తి పద్మారావు వంటి కొందరు నేతలు జై ఆంధ్ర ఉద్యమం, ఏపీ దళిత మహాసభ ఆధ్వర్యంలో రాష్ట్ర విభజనకు మద్దతుగా ఒక బహిరంగ సభను ప్లాన్ చేసి కేసీఆర్‌ను ఆహ్వానించారు. ఆ సభ ‘లైలా’ తుపాను కారణంగా రద్దయిపోయింది. కేసీఆర్ కూడా చాలా సందర్భాలలో తాను ఆంధ్రా ప్రాంతంలో పర్యటించి విభజన అవసరాన్ని వివరిస్తానని, విభజనవలన ఆంధ్రా ప్రాంతానికి లాభముంటుందని చెబుతానని ప్రకటించారుకూడా. లగడపాటి రాజగోపాల్, టీడీ వెంకటేష్ వంటి కాంగ్రెస్ నేతలు ఈ ప్రకటనను ఆహ్వానించి, తాముకూడా తెలంగాణలో పర్యటించి సమైక్య ఆంధ్రప్రదేశ్ అవసరాన్ని వివరించటానికి అనుమతించాలని డిమాండ్ చేశారు. అయితే శాంతి భద్రతల సమస్యల కారణంగా ఈ రెండింటిలో ఏదీ వాస్తవరూపు దాల్చలేదు.

మరోవైపు తెలంగాణ వస్తే తిరుమల శ్రీవారికి, బెజవాడ దుర్గమ్మకు, అజ్మీర్ దర్గాకు మొక్కుకున్న కేసీఆర్, పనిలో పనిగా అమరావతికి హాజరయ్యేముందు అమ్మవారిని దర్శించుకుని మొక్కు తీర్చుకోనున్నారు. కేసీఆర్ మొక్కులకోసం తెలంగాణ ప్రభుత్వం దేవాదాయ శాఖనుంచి రు.5.59 కోట్లు విడుదల చేసిన సంగతి తెలిసిందే. వాస్తవానికి కొద్దిరోజులలో కేసీఆర్ తిరుమలకు, బెజవాడకు వెళ్ళి మొక్కు తీర్చుకుందమనుకున్నారని, అయితే అమరావతి కార్యక్రమం కారణంగా ఆ మొక్కును ముందుకు జరిపారని తెలంగాణ ముఖ్యమంత్రి కార్యాలయ అధికారులు చెప్పారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఓటీటీకి ఓదార్పు విజ‌యాలు

థియేట‌ర్‌కి ఓటీటీ వేదిక ప్ర‌త్యామ్నాయం అవుతుంద‌ని భావిస్తున్న త‌రుణంలో వ‌రుస ప‌రాజ‌యాలు ఓటీటీని ఉక్కిరి బిక్కిరి చేశాయి. థియేట‌ర్లు మూత‌బ‌డిన త‌ర‌వాత నిర్మాత‌ల చూపుల‌న్నీ ఓటీటీపై ప‌డ్డాయి. హిందీ, తెలుగు, త‌మిళ‌, మ‌ల‌యాళ...

క‌రోనాతో నిర్మాత సోద‌రుడి మృతి

క‌రోనా ప‌డ‌గ చిత్ర‌సీమ‌పై ప‌డింది. ప్ర‌ముఖ నిర్మాత పోకూరి బాబూరావు సోద‌రు.. పోకూరి రామారావు క‌రోనా తో మృతి చెందారు. శుక్ర‌వారం రాత్రి ఆయ‌న క‌న్ను మూశారు. గ‌త కొన్ని రోజులుగా ఆయ‌న...

విద్యుత్ చట్టానికి వ్యతిరేకంగా కేసీఆర్ “సమైక్య” పోరాటం..!

తెలంగాణ సీఎం కేసీఆర్... కేంద్ర ప్రభుత్వంపై పోరాటానికి కొత్త ప్రణాళిక రచిస్తున్నారు. దానికి ప్రాతిపదిక.. కొత్త విద్యుత్ చట్టం. రాష్ట్రాల అధీనంలో ఉన్న విద్యుత్ వ్యవస్థలన్నిటినీ గుప్పిట పట్టేందుకు కేంద్రం కొత్త విద్యుత్...

లొంగిపోయిన మీడియానే తెలంగాణ ప్రజలకు శాపం..!

ప్రజాస్వామ్యంలో మీడియానే నిఖార్సయిన ప్రతిపక్షం. ఆ ప్రతిపక్షం కూడా పాలకులకు లొంగిపోతే జరిగేది ప్రజలకు నష్టమే. ప్రజలకు మేలు చేయడమే లక్ష్యంగా పని చేస్తామని చెప్పుకునే పత్రికలు..మీడియా ప్రభుత్వాలకు లొంగి పోవడం వల్ల......

HOT NEWS

[X] Close
[X] Close