తళుక్కుమన్న ఐశ్వర్య

భారత రిపబ్లిక్ డే పరేడ్ కు ముఖ్యఅతిథిగా వచ్చిన ఫ్రాన్స్ అధ్యక్షుడు హోలెండ్ ఏర్పాటు చేసిన లంచ్ పార్టీలో ఓ తార తళుక్కుమంది. ఆమె ఐశ్వర్యా రాయ్. రాజ్ పథ్ లో పరేడ్ ముగిసిన తర్వాత హోలెండ్ ప్రత్యేక లంచ్ కు వెళ్లారు. భారత్ లో ఫ్రాన్స్ రాయబారి ఈ విందు ఏర్పాట్లు చేశారు. ఎంతో మంది సెలెబ్రిటీలు, పారిశ్రామిక వేత్తలు, ఇతర ప్రముఖులు ఈ లంచ్ కు హాజరయ్యారు.

హోలెండ్ ప్రత్యేకంగా ఆహ్వానం పంపిన ఐశ్వర్యా రాయ్ మాత్రం ప్రత్యేక ఆకర్షణగా నిలిచింది. హోలెండ్ మన దేశానికి ముఖ్య అతిథి అయితే, ఆయన విందుకు ఐష్ చీఫ్ గెస్ట్ అయింది. ఎర్రటి బనారసీ పట్టు చీరలో తళుక్కుమన్న ఈ తారను చూసి హోలెండ్ ఆప్యాయంగా పలకరించారు. ఎంతో ఉల్లాసంగా ఆమెతో మాటామంతీ జరిపారు. సినిమాల గురించి, కేన్స్ ఉత్సవాల గురించీ మాట్లాడుకున్నారు. ఐశ్వర్య గలగలా నవ్వుతూ మాట్లాడుతుంటే హోలెండ్ అలా చూస్తూ ఉండిపోయారు. ఈ విందులో ఐష్ చాలా ప్రత్యేకంగా కనిపించిందని, చాలా గ్లామరస్ గా ఉందని సోషల్ మీడియాలో పోస్టింగ్స్ వెల్లువెత్తాయి. చాలా కాలం తర్వాత ఐష్ ఇంత పెద్ద లంచ్ పార్టీకి హాజరైంది. ఇదీ ఒక సంచలనమే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com