అభిమానిని క‌లుస్తానంటున్న ‘అయ్య‌గారు’

టాలీవుడ్ లో ‘అయ్య‌గారు’ అనే నిక్ నేమ్ ఏ హీరోకి ఉందో తెలుసా?

– ఇంకెవ‌రు? అఖిల్ కే.

‘కింగ్ కొడుకొచ్చాడు. అయ్య‌గారొచ్చారు… అయ్య‌గారే నెంబ‌ర్ వ‌న్‌’ అంటూ ఓ అభిమాని `హ‌లో` స‌మ‌యంలో సోష‌ల్ మీడియాలో ర‌చ్చ ర‌చ్చ చేశాడు. ఆ త‌ర‌వాత‌… త‌ను మీమ్స్ లో ఎక్కువ‌గా క‌నిపించాడు. మీమ్స్ తో `అయ్య‌గారు` అనే ప‌దం ఎంత పాపుల‌ర్ అయ్యిందంటే.. `మోస్ట్ ఎలిజిబుల్ బ్యాచిల‌ర్‌`లో చివ‌రి డైలాగ్ గా అయ్య‌గారు ని వాడారు. ‘న‌న్ను పెళ్లి చేసుకుంటారా? అయ్య‌గారూ’ అని పూజా హెగ్డేతో అనిపించారు. అలా… ఈ `అయ్య‌గారు` మ‌రింత చేరిపోయింది.

అఖిల్ ఫ్యాన్ అన‌గానే గుర్తొచ్చేది.. ‘అయ్య‌గారు’ ఎపిసోడే. ఇప్పుడు ఈ అభిమానిని అఖిల్ కూడా క‌ల‌వాల‌నుకుంటున్నాడు. “న‌న్ను అయ్య‌గారు అని పిల‌వ‌డంతో మీమ్స్ లో త‌ను బాగా పాపుల‌ర్ అయిపోయాడు. నాకంటే త‌న‌ని ఎక్కువ పాపుల‌ర్ చేశారు. అందుకే చివ‌ర్లో ఆ డైలాగ్ పెట్టాం. అత‌న్ని క‌ల‌వాల‌ని వుంది. త్వ‌ర‌లోనే క‌లుస్తా“ అని త‌న ఫ్యాన్ గురించి చెప్పుకొచ్చాడు అఖిల్. `మోస్ట్ ఎలిజిబుల్ బ్యాచిల‌ర్‌` రిలీజ్ రోజున కూడా స‌ద‌రు అభిమాని విన్యాసాలు బాగా వైర‌ల్ అయ్యాయి. అఖిల్ పోస్ట‌ర్ కి పాలాభిషేకాలు చేస్తూ – ఫ్లెక్సీ ముందు డాన్సులు చేశాడు ఆ ఫ్యాన్‌. ఇప్పుడు అఖిల్ నుంచే పిలుపు వ‌స్తోంది. ఇది క‌దా అస‌లైన కిక్కు.