అన్ని ఎగ్జిట్‌పోల్స్‌లోనూ ఒకే విన్నర్ కేజ్రీవాల్..!

ఢిల్లీ అసెంబ్లీ ఎన్నికల్లో ఆమ్‌ ఆద్మీ పార్టీదే సంచలనాత్మక విజయం అని.. అన్ని న్యూస్ చానళ్ల ఎగ్జిట్ పోల్స్ ప్రకటించాయి. 70 స్థానాలున్న అసెంబ్లీలో ఆమ్ ఆద్మీ పార్టీకి 50 నుంచి 60 సీట్లు వరకూ వస్తాయని… అన్ని చానళ్లు అంచనా వేశాయి. న్యూస్‌ ఎక్స్‌ పోల్ స్టార్ట్ ఎగ్జిట్ పోల్ ఆప్‌ 53-57, బీజేపీ 11-17, కాంగ్రెస్‌ 0-2 సీట్లు ఇచ్చింది. టైమ్స్‌ నౌ ఐపీఎస్‌వైఎస్ ఫలితాలు ఆప్‌ 44, బీజేపీ 26 స్థానాలుగా తేల్చాయి.

రిపబ్లిక్‌ టీవీ జన్‌కి బాత్ సర్వేలో ఆప్‌ కి 48-61, బీజేపీ 9-21, కాంగ్రెస్‌ 0-1సీట్లుగా తేలింది. న్యూస్‌-18.. ఆప్‌ 44, బీజేపీ 26, ఇండియా టీవీ ఆప్‌ 44, బీజేపీ 26, ఎన్డీటీవీ ఆప్‌ 49, బీజేపీ 20, కాంగ్రెస్‌ 1, ఏబీపీ- సీఓటర్‌ ఆప్‌ 49-63, బీజేపీ 05-19, కాంగ్రెస్‌ 4గా అంచనా వేశాయి.

ఒక్కటంటే.. ఒక్క ఎగ్జిట్ పోల్ కూడా.. బీజేపీకి అనుకూలంగా రాలేదు. కనీసం.. విజయానికి దగ్గరగా కూడా రాలేదు. పార్లమెంట్ ఎన్నికల్లో ఢిల్లీలో ఆమ్ ఆద్మీ పార్టీ కనీస పోటీ ఇవ్వలేకపోయింది. దీంతో.. అసెంబ్లీ ఎన్నికల్లో పరాజయం పాలవుతారని చాలా మంది అనుకున్నారు. కానీ బీజేపీపై పెరుగుతున్న వ్యతిరేకత… కేజ్రీవాల్ కు కలసి వచ్చినట్లుగా కనిపిస్తోంది. ఆయన ప్రజల కేంద్రం పరిపాలన చేశారని.. డబ్బులు పంచిపెట్టే పథకాల కన్నా.. వారికి కనీస మౌలిక సదుపాయాలు కల్పించే ప్రయత్నం చేశారని..అందుకే ప్రజల మద్దతు పొందగలిగారని అంటున్నారు. కాంగ్రెస్ పార్టీ పూర్తిగా నిర్వీర్యం అయిపోయినట్లుగా ఎగ్జిట్ పోల్స్ చెబుతున్నాయి.

ఫలితాలు ఇంతే వస్తే.. బీజేపీకి వరుస పరాజయాల్లో మరొకటి చేరినట్లవుతుంది. కేంద్రంలో రెండో సారి అధికారంలోకి వచ్చిన తర్వాత..జరిగిన ఎన్నికల్లో ఒక్క హర్యానాలో మాత్రమే.. ఎన్నికల తర్వాత మిత్రపక్షాన్ని పెట్టుకుని ప్రభుత్వాన్ని ఏర్పాటు చేయగలిగింది. ఢిల్లీ ఫలితాలు దేశ రాజకీయాల్ని మలుపు తిప్పే అవకాశం కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చైనా ప్రొడక్ట్స్ బ్యాన్ చేద్దాం అన్న నాగబాబు, కౌంటర్ ఇచ్చిన నెటిజన్లు

భారత్ చైనాల మధ్య ఉద్రిక్తతలు 1960వ దశకం నుండి ఉన్నాయి. అప్పుడప్పుడు హిందీ చీనీ భాయి భాయి అంటూ సత్సంబంధాలు నెరపడం, మళ్ళీ అప్పుడప్పుడు చైనా కయ్యానికి కాలు దువ్వడం దశాబ్దాలుగా జరుగుతోంది....

పరిహారం, పర్యావరణానికి ఎల్జీ పాలిమర్స్ కట్టిన రూ.50 కోట్లు ..!

ఎల్జీ పాలిమర్స్ సంస్థ కలెక్టర్ వద్ద డిపాజిట్ చేసిన యాభై కోట్ల రూపాయలను..పర్యావరణ పునరుద్ధరణ.. బాధితులకు పరిహారం కోసం వినియోగించాలని నేషనల్ గ్రీన్ ట్రిబ్యూనల్ స్పష్టమైన తీర్పును వెల్లడించింది. కేంద్ర పర్యావరణ...

మరో మూడు నెలలు సీఎస్‌గా సహాని..!

ఆంధ్రప్రదేశ్ ప్రభుత్వ ప్రధాన కార్యదర్శి నీలం సహానికి మరో మూడు నెలల పొడిగింపు లభించింది. మామూలుగా ఆమెకు జూన్ 30వ తేదీతో రిటైర్ కావాల్సి ఉంది. అయితే.. ప్రభుత్వం కేంద్ర ప్రభుత్వానికి...

ప్రజల కోసం ప్రభుత్వాన్ని నిలదీస్తానంటున్న ఆనం..!

ప్రజల కోసం ప్రభుత్వాన్ని... అధికారులను నిలదీయడానికి సిద్దమని ప్రకటించారు వైసీపీ ఎమ్మెల్యే ఆనం రామ నారాయణరెడ్డి. అధికారులను సరే కానీ..ప్రభుత్వాన్ని నిలదీస్తామనే మాటే నెల్లూరు రాజకీయాల్లో హాట్ టాపిక్ అవుతోంది. అంతటితో వదిలి...

HOT NEWS

[X] Close
[X] Close