”రెండేళ్ళ తర్వాత మళ్ళీ మీ ముందుకు వచ్చాను. పుష్ప నాలుగు సినిమాల కష్టం” అన్నారు అల్లు అర్జున్. పుష్ప ప్రీ రిలీజ్ ఈవెంట్ గ్రాండ్ గా జరిగింది. సినిమా యూనిట్ తో పాటు రాజమౌళి, కొరటాల శివ, మారుతి, బుచ్చిబాబు తదితరులు పాల్గొన్నారు. ఈ వేడుకలో అల్లు అర్జున్ మాట్లాడుతూ… సినిమా యూనిట్ అందరికీ కృతజ్ఞతలు చెప్పారు.
”దేవిశ్రీ అద్భుతమైన ఆల్బం ఇచ్చారు. చంద్రబాస్ ఒకొక్క పాట ఒక్కో స్టయిల్ లో అదరగొట్టారు. సమంత కి థ్యాంక్స్.. వూ కొడతావా పాట మాములుగా వుండదు. దేవిశ్రీ ప్రసాద్- సుకుమార్- అల్లు అర్జున్.. మ్యాజిక్ మళ్ళీ చూస్తారు. రష్మిక వండర్ ఫుల్. అద్భుతంగా నటించింది. మిగతా నటులు, సాంకేతిక వర్గం అద్భుతంగా చేసింది” అని చెప్పుకొచ్చారు.
” సుకుమార్, దేవిశ్రీ ఈ ఈవెంట్ లో లేకపోవడం లోటుగానే వుంది. కానీ అద్భుతమైన ప్రోడక్ట్ ఇవ్వడానికి వాళ్ళు కష్టపడుతున్నారు. థియేటర్ లో ది బెస్ట్ చూస్తారు. సుకుమార్ నా డార్లింగ్ డైరెక్టర్, నేను సుకుమార్ వేరు కాదు. మా ఇద్దరిలో ఎవరికి పేరు వచ్చినా అది ఇద్దరికీ దక్కుతుంది. నిర్మాతలు అద్భుతంగా సహరించారు. మైత్రి బ్యానర్ లో పుష్ప ఒక మైల్ స్టోన్ సినిమాగా నిలిస్తుంది, డిసెంబర్ 17అందరికీ థియేటర్ లో పార్టీ. పుష్ప రాజ్ .. తగ్గేదేలే” అంటూ ఫ్యాన్స్ ని ఉత్సాహపరిచారు బన్నీ.
ఇదే వేడుకలో బాలకృష్ణ అఖండ సినిమా విజయాన్ని ప్రస్థావించారు అల్లు అర్జున్. అఖండ ప్రేక్షకులని మళ్ళీ థియేటర్ లోకి తీసుకొచ్చింది. అదే జోరుని పుష్ప కొనసాగుస్తుందనే నమ్మకం వుంది. తర్వాత వస్తున్న ఆర్ఆర్ఆర్, భీమ్లా నాయక్, రాధే శ్యామ్ , ఆచార్య.. ఇలా అన్నీ సినిమాలు విజయాలు సాధించాలి. సినిమా గెలవాలి” అని కోరుకున్నాడు బన్నీ.
