థ్రిల్లు బ‌న్నీకి… బిల్లు ప్రొడ్యూస‌ర్‌కి!

హీరోల్ని ప్ర‌స‌న్నం చేసుకోవ‌డ‌మే నిర్మాత‌ల ప‌ని. అంత‌కంటే పెద్ద అదృష్టం ఏముంటుంది? పైగా స్టార్ హీరోలు ఏం చెబితే అది చేయ‌డానికే ఈవాల్టి నిర్మాత పుట్టాడు. ఎక్క‌డ హీరోగారికి కోపాలు వ‌చ్చేస్తాయో అన్న నిర్మాత‌ల పాలిటి భ‌యాలే.. హీరోల‌కు ర‌క్ష‌ణ క‌వ‌చాలు. ఆయుధాలు. ఇది వ‌ర‌కు సెట్ వ‌ర‌కే హీరోల ఆధిప‌త్యం ఉండేది. క్ర‌మంగా… బిజినెస్‌లోనూ, ఆఖ‌రికి ప్ర‌చారంలోనూ వాళ్ల మాట తు.చ త‌ప్ప‌కుండా పాటించాల్సివ‌స్తోంది. `అల‌.. వైకుంఠ‌పుర‌ములో` సినిమాకి అదే జ‌రిగింది.

ఈ సినిమా హిట్టు నుంచి సూప‌ర్ హిట్టు, బ్లాక్ బ‌స్ట‌ర్ హిట్టు… ఆల్ టైమ్ ఇండ్ర‌స్ట్రీ హిట్టు వ‌ర‌కు ప‌రిగెట్టింది. సినిమాలో విష‌యం ఉంది కాబట్టి ప్రేక్ష‌కులూ ఆశీర్వ‌దించారు. దానికి మించి బ‌న్నీ త‌న ప్ర‌మోష‌న్ల‌తో ఉక్కిరిబిక్కరి చేశాడు. ఇది వ‌ర‌కు బ‌న్నీ ఏ సినిమాకీ చేయ‌న‌టువంటి ప్ర‌మోష‌న్లు.. ఈ సినిమాకి జ‌రిగాయి. సినిమా విడుద‌ల‌కు ముందు ఒక ఎత్తు. విడుద‌లైన త‌ర‌వాత మ‌రో ఎత్తు. దాదాపు ప‌ది ఈవెంట్లు. అన్నీ భారీగానే. దాని విలువ దాదాపు ఐదారు కోట్లు. ఈ సినిమా ప్ర‌మోష‌న్లు లేక‌పోయినా నిల‌బ‌డుతుంది. ఎందుకంటే మార్కెట్లో మ‌రో సినిమా లేదు. పైగా ఫ్యామిలీ అంతా చూసే సినిమా క‌నిపించ‌లేదు. దాంతో సంక్రాంతి త‌ర‌వాత కూడా అల వైకుంఠ‌పుర‌ములో హ‌వా కొన‌సాగింది. దానికి బ‌న్నీ ఇచ్చిన ప్ర‌మోష‌న్లు ఎంత వ‌ర‌కూ వ‌ర్క‌వుట్ అయ్యాయో తెలీదు గానీ, ఈ పేరు చెప్పి నిర్మాత‌ల‌కు 5 నుంచి 6 కోట్లు ఖ‌ర్చయ్యాయి. ప్ర‌తీరోజూ పేప‌ర్‌లోనో, టీవీలోనూ త‌మ సినిమా క‌నిపించాల‌న్న త‌ప‌న బ‌న్నీది. త‌న త‌ప‌న అర్థం చేసుకోద‌గిన‌దే. అయితే… ఆ బిల్లు మాత్రం నిర్మాత‌లే ఖ‌ర్చు పెట్టాల్సివ‌చ్చింది. ఈ సినిమాలో గీతా ఆర్ట్స్ నిర్మాణ బాగ‌స్వామి అయిన‌ప్ప‌టికీ.. బిల్లు మాత్రం హారిక హాసిని కే వెళ్లింద‌ని ఇన్ సైడ్ వ‌ర్గాల టాక్‌.
వాళ్లు కూడా `సినిమా ఎలాగో ఆడేస్తోంది క‌దా, పైగా హీరోగారు హ‌ర్ట‌వుతారు` అని ఇష్టం లేక‌పోయినా.. ఈవెంట్ల‌కు స్పాన‌ర్ చేస్తూనే ఉన్నారు మొన్న మీడియాకి పార్టీ ఇవ్వ‌డంతో ఈ ప్ర‌మోష‌న్ హంగామా ముగిసింది. దాంతో నిర్మాత‌లూ ఊపిరి పీల్చుకున్నారు. లేదంటే.. ఈ హ‌వా ఇంకొన్ని రోజులు కొన‌సాగేది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మీడియా వాచ్ : టీడీపీకి తలవంపులు తెస్తున్న ఏబీఎన్ యూ ట్యూబ్ చానల్ !

రాజకీయాల్లో ప్రత్యర్థి ఎప్పుడూ మేలే చేస్తాడు. ఎందుకంటే అతడు ప్రత్యర్థి నేరుగా తలపడతాడు. అతన్ని గెలవాలని పోరాడతారు. కానీ సపోర్ట్ చేస్తామని ముందుకొచ్చేవారితోనే అసలు ముప్పు ఉంటుంది. అలాంటి వారి పట్ల జాగ్రత్తగా...

హరీష్‌కు ఆహ్వానం లేదు.. కవిత వెళ్లలేదు !

టీఆర్ఎస్ ప్లీనరీలో అంతా కేటీఆర్ షో నడిచింది. బయట మొత్తం ఫ్లెక్సీలు కేసీఆర్‌వి ఉంటే.. లోపల హడావుడి మొత్తం కేటీఆర్‌దే. ప్లీనరీలో ఆయనకు ప్రమోషన్ ఇస్తూ ఓ నిర్ణయం తీసుకున్నారు. అందుకే విపక్షాలు...

3 పథకాలు – ఒకే మీట .. అకౌంట్లలో డబ్బులు వేయనున్న జగన్ !

ఏపీ ప్రభుత్వ నగదు బదిలీ పథకాల్లో భాగంగా అక్టోబర్ క్యాలెండ్‌లో ఉన్న పథకాలకు నేడు సీఎం జగన్ మీట నొక్కి డబ్బులు విడుదల చేయనున్నారు. రైతుభరోసా పథకం కింద యాభై లక్షలకుపైబడిన...

అసాంఘిక శక్తులుగా వాలంటీర్లు.. బాలింతపైనే అత్యాచారయత్నం !

వాలంటీర్లు ప్రభుత్వానికి సేవ చేస్తూ ప్రజలపై అఘాయిత్యాలకు పాల్పడటానికి తమకు అదే లైసెన్స్ అన్నట్లుగా వ్యవహరిస్తున్నారు. రోజు రోజుకు వారి ఆకృత్యాలు వెలుగులోకి వస్తున్నాయి. తాజాగా గుంటూరు జిల్లా మాచవరం మండలం పిల్లు...

HOT NEWS

[X] Close
[X] Close