మోడీని ప‌టేల్ స్థాయికి ఎత్తేస్తున్న‌ అమిత్ షా!

రెండోసారి ప్ర‌ధాని మంత్రి అయ్యాక న‌రేంద్ర మోడీ కొన్ని సాహ‌సోపేత నిర్ణ‌యాలు తీసుకున్నారు, దాన్ని ఎవ్వ‌రూ కాద‌న‌రు. ట్రిపుల్ త‌లాక్ ర‌ద్దుగానీ, కాశ్మీరులో ఆర్టిక‌ల్ 370 ర‌ద్దు విష‌యంలోగానీ భాజ‌పా స‌ర్కారు చూపించిన చొర‌వ ప్ర‌శంస‌నీయ‌మే. అయితే, కాశ్మీరు విష‌యంలో మోడీ చూపించిన చొర‌వ‌ను ఏకంగా స‌ర్దార్ వ‌ల్ల‌భాయ్ ప‌టేల్ స్థాయి ప్ర‌య‌త్నంగా అభివ‌ర్ణించారు కేంద్ర హోంమంత్రి అమిత్ షా. హైద‌రాబాద్ లోని జాతీయ పోలీస్ అకాడెమీలో జ‌రిగిన 70వ ఐ.పి.ఎస్. బ్చాచ్ పాసింగ్ అవుట్ సెర్మ‌నీలో పాల్గొన‌డానికి అమిత్ షా వ‌చ్చారు. ఈ సంద‌ర్భంగా మాట్లాడుతూ… సుర‌క్ష భార‌త్ అనే నినాదంతో మోడీ సర్కారు ప‌నిచేస్తుంద‌న్నారు.

అప్ప‌ట్లో స‌ర్దార్ వ‌ల్ల‌భాయ్ ప‌టేల్ ని ఉక్కు మ‌నిషి అన్నార‌నీ, ఇప్పుడు న‌రేంద్ర మోడీ కూడా ఉక్కు మ‌నిషే అని అమిత్ షా చెప్పారు. నిజాం పాల‌న‌లో ఉన్న హైద‌రాబాద్ తో స‌హా దాదాపు 500 సంస్థానాల‌ను విలీనం చేయ‌డంలో ప‌టేల్ కృషి మ‌రువ‌లేనిద‌నీ, అదే త‌ర‌హాలో న‌రేంద్ర మోడీ కూడా కాశ్మీరు అంశంలో చొరవ చూపించి ఆర్టిక‌ల్ 370 ర‌ద్దు చేశార‌న్నారు. జ‌మ్మూకాశ్మీర్ కి విముక్తి క‌ల్పించ‌డంతో మోడీ చ‌రిత్ర‌లో నిలిచిపోతార‌న్నారు. పాల‌కులు, సివిల్ స‌ర్వీసెస్ ఉద్యోగుల భుజాలపైనే దేశ భ‌విష్య‌త్తు ఆధార‌ప‌డి ఉంద‌న్నారు. సుర‌క్ష భార‌త్ ల‌క్ష్యాన్ని మోడీ పెట్టుకున్నార‌నీ, దాన్ని సాధించే దిశ‌గా ఐపీఎస్ లు ప‌నిచేయాల‌న్నారు. ప్ర‌జ‌ల్లో పోలీసుల‌పై, భ‌ద్ర‌త‌పై న‌మ్మ‌కం పెంచే విధంగా విధి నిర్వ‌హ‌ణ ఉండాల‌ని చెప్పారు.

నాడు సంస్థానాల విలీనం కోసం ప‌టేల్ తీసుకున్న చొర‌వ వేరు, ఇవాళ్ల కాశ్మీర్ లో 370 ర‌ద్దుకి మోడీ తీసుకున్న చొర‌వ వేరు. వాస్త‌వానికి, రెండింటినీ ఒకే త‌ర‌హా ప్ర‌య‌త్నం అని పోల్చ‌డ‌మే స‌రైంది కాదు. రెండూ ముఖ్య‌మైన అంశాలే, విడివిడిగా దేనిక‌దే ప్ర‌త్యేక‌మైంది. కానీ మ‌రీ ప‌టేల్ ఉక్కు మ‌నిషి అన్నార‌ని… మోడీని కూడా ఉక్కు మ‌నిషి అని అమిత్ షా అభివ‌ర్ణించ‌డం కాస్త అతిగా అనిపిస్తోంది. కాశ్మీరు అంశంలో మోడీ స‌ర్కారు చొర‌వ క‌చ్చితంగా ప్ర‌శంస‌నీయ‌మే, సాహ‌సోపేత నిర్ణ‌య‌మే. అయితే, ఈ నిర్ణ‌యం తీసుకునేందుకు కావాల్సిన‌ రాజ‌కీయ ప‌రిస్థితులు మోడీ స‌ర్కారుకు ఇప్పుడు అనుకూలించాయి. దీన్ని సంస్థానాల విలీనానికి ప‌టేల్ చూపిన చొర‌వ‌తో స‌రిపోల్చ‌లేం క‌దా!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అవకాశాలు రాని టీఆర్ఎస్ నేతలకు ఆశాకిరణం ఈటల..!

ఈటల రాజేందర్ ఒక్క సారిగా తెలంగాణ రాజకీయాలకు కేంద్ర బిందువు అయ్యారు. తనంతట తాను టీఆర్ఎస్ నుంచి వెళ్లిపోయి రాజకీయ పార్టీ పెట్టుకుంటే.. ఆయనను ఎవరూ పట్టించుకునేవారు కాదు. కానీ కేసీఆర్ ...

“నిపుణులు” ఇప్పటికీ అమాయకులుగానే కనిపిస్తున్నారా..!?

భారతదేశంలో ప్రస్తుతం హెల్త్ ఎమర్జెన్సీ తరహా పరిస్థితులు ఉన్నాయి. కేంద్రం అధికారికంగా ప్రకటించలేదు కానీ... అంత కంటే దారుణమైన పరిస్థితులు ఉన్నాయి. కరోనా బారిన పడుతున్న ప్రజలకు కనీసం ఆక్సిజన్ అందించలేని దౌర్భాగ్య...

ఆ పేలుడు అంత సీరియస్ కాదా..? చర్యలేవి..?

కడప జిల్లాలోని సున్నపురాయి గనుల్లో జరిగిన బాంబు పేలుడు ఘటనను వీలైనంత తక్కువగా చూపే ప్రయత్నాలు జరుగుతున్నాయి. పది మంది .. తునాతనకలైనా.. అధికారులు శరవేగంగా స్పందించలేదు. ఆ గని యజమాని ఎవరు..?...

మీడియా మైండ్‌సెట్‌తో వైసీపీ మైండ్ గేమ్..!

కరోనా కారణంగా ఆంధ్రప్రదేశ్ ప్రభుత్వం తీవ్ర ఇక్కట్లను ఎదుర్కొంటోంది. ఓ వైపు కేంద్రం... ఆక్సిజన్, వ్యాక్సిన్లు, రెమిడిసివర్ ఇంజక్షన్లు అన్నింటినీ అధీనంలోకి తీసుకుని అరకొరగా పంపుతోంది. దీంత ప్రజలు నానా...

HOT NEWS

[X] Close
[X] Close