అమిత్ షా రావ‌డం లేదు… విమోచ‌న స‌భ ఊపు త‌గ్గుతుందా?

తెలంగాణ‌లో సెప్టెంబ‌ర్ 17 విమోచ‌న దినోత్స‌వాన్ని ఘ‌నంగా నిర్వ‌హించాల‌ని భాజ‌పా నిర్ణ‌యించిన సంగ‌తి తెలిసిందే. దీన్నొక ప్ర‌భుత్వ పండుగ కార్య‌క్ర‌మంగా చేయాల‌నే ఉద్దేశంతో ఏర్పాట్లు జ‌రుగుతున్నాయి. ఈ సంద‌ర్భంగా హైద‌రాబాద్ లో భారీ బ‌హిరంగ స‌భ‌కు కూడా ప్లాన్ చేశారు. ఈ స‌భ‌కు ముఖ్య‌మంత్రి అతిథిగా కేంద్ర హోం మంత్రి, భాజ‌పా జాతీయ అధ్య‌క్షుడు అమిత్ షా వ‌స్తార‌ని కూడా టి. నేత‌లు చెప్పారు. అయితే, అనూహ్యంగా ఆయ‌న ప‌ర్య‌ట‌న ర‌ద్దు అయింది.

భాజ‌పా అధికార ప్ర‌తినిధి ప్రేమేంద‌ర్ రెడ్డి ఇదే విష‌యాన్ని అధికారికంగా ప్ర‌క‌టించారు. ప‌టాన్ చెరులో పార్టీ త‌ల‌పెట్టిన బ‌హిరంగ స‌భ‌కు అమిత్ షా హాజ‌రు కావ‌డం లేద‌ని చెప్పారు. ఆరోజున ఢిల్లీలో కొన్ని ముఖ్య‌మైన కార్య‌క్ర‌మాలున్నాయ‌నీ, అందుకే ర‌ద్దు చేసుకోవాల్సి వ‌చ్చింద‌న్నారు. ఆయ‌న స్థానంలో మ‌రో కేంద్ర‌మంత్రిని ముఖ్య అతిథిగా పంపిస్తార‌ని అన్నారు. నిజాం పాల‌న‌కు వ్య‌తిరేకంగా పోరాడిన ప్ర‌తీ ఒక్క‌ర్నీ స్మ‌రించుకోవాల‌నీ, విమోచ‌న దినోత్స‌వాన్ని రాష్ట్ర ప్రభుత్వం అధికారికంగా నిర్వ‌హించాల‌ని ఆయ‌న డిమాండ్ చేశారు. సెప్టెంబ‌ర్ 17న ఊరు నిండా జెండాలు అనే కార్య‌క్ర‌మాన్ని పార్టీ చేప‌డుతోందని చెప్పారు.

ఆరోజు అమిత్ షా బిజీ అని మాత్ర‌మే చెప్పారుగానీ, ఫ‌లానా కార్య‌క్ర‌మం వ‌ల్ల బిజీ అని చెప్ప‌లేదు. నిజానికి, తెలంగాణ‌లో విమోచ‌న దినోత్స‌వం అనేది ఒక సెన్సిటివ్ ఇష్యూగానే ఇన్నాళ్లూ ఉంది. ముస్లింల మ‌నోభావాల‌కు ఇబ్బంది క‌లిగించే విధంగా ఉంటుందా అనే అభిప్రాయంతోనే తెరాస కూడా ఈ టాపిక్ మీద ప్ర‌తీయేటా మౌనంగా ఉండిపోతూ ఉంటుంది. దీన్నే భాజ‌పా త‌మ‌కు ప‌నికొచ్చే రాజకీయాంశంగా త‌ల‌కెత్తుకుంది. అంద‌ర్నీ క‌లుపుకుని పోయే విధంగా ఈ ఉత్స‌వాల‌ను జ‌రిపేలా భాజ‌పా వ్యూహం మొద‌ట్నుంచీ లేదు. కాబ‌ట్టి, ఇలాంటి కార్య‌క్ర‌మానికి కేంద్ర హోం మంత్రి హోదాలో అమిత్ షా రావ‌డం అనేది కూడా కొన్ని విమ‌ర్శ‌ల‌కు ఆస్కారం ఉంది. తెలంగాణ‌లో కేసీఆర్ ని రాజ‌కీయాంగా ఎదుర్కొనే క్ర‌మంలో ఈ విమోచ‌న దినోత్స‌వాన్ని నిర్వ‌హిస్తున్నా… రాష్ట్ర ప‌రిధి దాటి ఆలోచిస్తే, ఈ విష‌యంలో భాజ‌పా అనుస‌రిస్తున్న తీరు ముస్లింల ప‌ట్ల ఆ పార్టీ వ్య‌వ‌హార శైలికి అద్దం ప‌ట్టే అంశంగానూ క‌నిపిస్తోంది. ఈ టాపిక్ మీదే మొత్తం ఫోక‌స్ అంతా పెట్టేసి, విమ‌ర్శ‌లు చేస్తూ పోతే… తెలంగాణ‌లో భాజ‌పాకి ఎంతో కొంత మైలేజ్ రావొచ్చేమోగానీ, ఇత‌ర రాష్ట్రాల్లో ముస్లింల స్పంద‌నను కూడా ప్ర‌భావితం చేసే అవ‌కాశం ఉంటుంది క‌దా! అమిత్ షా ప‌ర్య‌ట‌న ర‌ద్దు వెన‌క ఇంత లోతైన చ‌ర్చ జ‌రిగిందో లేదో తెలీదుగానీ… ఆయ‌న‌ ప‌ర్య‌ట‌న ర‌ద్దుతో ఈ స‌భ‌కు కొంత ఆక‌ర్ష‌ణ త‌గ్గుతుంద‌నేది వాస్త‌వం.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చిరంజీవి ని కలవడం పై వివరణ ఇచ్చిన సోము వీర్రాజు

ఆంధ్రప్రదేశ్ బిజెపి అధ్యక్షుడిగా ఈరోజు అధికారికంగా పగ్గాలు చేపట్టారు సోము వీర్రాజు. పార్టీని 2024లో అధికారంలోకి తీసుకురావడానికి కృషి చేస్తానని ఆయన వ్యాఖ్యానించారు. ఈ సందర్భంలో విలేకరులతో మాట్లాడుతూండగా, ఇటీవల చిరంజీవిని...

జగన్ “స్టే” ఆశల్ని వమ్ము చేసిన తప్పుల పిటిషన్..!

మూడు రాజధానుల బిల్లుల అమలుపై హైకోర్టు ఇచ్చిన స్టేటస్‌కోపై స్టే తెచ్చుకుందామనుకున్న ఏపీ సర్కార్‌కు.. కాలం కలసి రావట్లేదు. సుప్రీంకోర్టులో పిటిషన్లు వేస్తున్న ఏపీ ప్రభుత్వ న్యాయ నిపుణులు తప్పుల తడకలుగా వేయడంతో.....

మాకు మహానగరాల్లేవ్.. సాయం చేయండి : జగన్

కేంద్రం నుంచి సాయం పొందాలంటే.. ముఖ్యమంత్రి జగన్మోహన్ రెడ్డి చేసే విజ్ఞప్తులు కాస్త భిన్నంగా ఉంటాయి. కరోనా వైరస్ ఎక్కువ ప్రభావం చూపుతున్న పది రాష్ట్రాల సీఎంలతో ప్రధాని మోడీ వీడియో...

ఏపీలో బీజేపీ అధికారంలోకి రావడం అవసరం  : రామ్మాధవ్

ఆంధ్రప్రదేశ్‌లో ప్రతిపక్ష స్థానం ఖాళీగా ఉందని..  దాన్ని భర్తీ చేయాలని బీజేపీ జాతీయ ప్రధానకార్యదర్శి రామ్‌మాధవ్ పార్టీ కార్యకర్తలకు పిలుపునిచ్చారు. సోము వీర్రాజు.. ఏపీ  బీజేపీ అధ్యక్షుడిగా బాధ్యతలు చేపడుతున్న కార్యక్రమంలో పాల్గొనేందుకు...

HOT NEWS

[X] Close
[X] Close