కొరటాల శివ వంద శాతం సక్సెస్ రేటు వున్న దర్శకుడు. ఆయన సినిమాలన్నీ విజయాలే. అయితే కొరటాల సినిమాలన్నీ మిక్సడ్ టాక్ తోనే మొదలౌతాయి. ఫస్ట్ షోతోనే పక్కా కమర్షియల్ హిట్ అనే టాక్ తెచ్చుకున్న సందర్భాలు తక్కువ. శ్రీమంతుడు, భరత్ అనే నేను సినిమాలు అయితే చాలా స్లోగా ఉన్నాయనే టాక్ తో మొదలై బ్లాక్ బస్టర్ విజయాన్ని అందుకున్నాయి. ఇప్పుడు ఆయన నుంచి ‘ఆచార్య’ సినిమా వస్తుంది. అయితే ఈ సినిమా ట్రైలర్ నుంచే మిశ్రమ స్పందన వస్తుంది.
ఆచార్య ట్రైలర్ చాలా మంది మెగా ఫ్యాన్స్ కి పెద్ద కిక్ ఇవ్వలేదు. బేసిక్ గా ట్రైలర్ చూసిన తర్వాత సినిమా చూడాలనే హైప్ మూమెంట్ రావాలి. అలాంటి హై ఆచార్య ట్రైలర్ క్రియేట్ చేయలేకపొయిందనే అభిప్రాయం వ్యక్తమౌతుంది. కొరటాల హీరో క్యారెక్టరైజేషన్ చాలా కామ్ గా వుంటుంది. మెగాస్టార్ కి ఇమేజ్ కి ఇది భిన్నం. మెగాస్టార్ అంటేనే హుషారు. ఆ హుషారు ఆచార్య ట్రైలర్ లో మిస్ అయ్యింది. అందుకే ఇప్పుడు చిత్ర యూనిట్ మరో ట్రైలర్ ని కట్ చేయాలనీ నిర్ణయించుకుంది. ఇటివల భీమ్లా నాయక్ సినిమాకి కూడా ఇదే జరిగింది. మొదటి రిలీజ్ చేసిన ట్రైలర్ ఫ్యాన్స్ కి కిక్ ఇవ్వలేదు. దీంతో రెండో ట్రైలర్ కట్ చేసి ఫ్యాన్స్ ని ఖుషి చేశారు. ఇప్పుడు ఆచార్య టీమ్ కూడా మరో సాలిడ్ ట్రైలర్ ని కట్ చేసే పనిలో వుందని తెలుస్తుంది.
