ఏపీ బీజేపీ రథయాత్ర వాయిదా..!

అనుమతి ఇవ్వకపోతే బీజేపీ విశ్వరూపం చూస్తారని రథయాత్ర గురించి భారీగా ఏర్పాట్లు చేసుకుంటున్న ఆంధ్రప్రదేశ్ భారతీయ జనతా పార్టీ నేతలు… రథయాత్రను ఇప్పుడు వాయిదా వేసుకున్నారు. పంచాయతీ ఎన్నికలు దూసుకు రావడంతో.. జనసేనతో కలిసి అన్ని చోట్లా పోటీ చేయాలన్న లక్ష్యంతో రథయాత్రను తాత్కాలికంగా ఆపేస్తున్నట్లుగా సోము వీర్రాజు ప్రకటించారు. ఆలయాలపై దాడులకు నిరసనగా.. ఫిబ్రవరి నాలుగో తేదీ నుంచి ఎనిమిది రోజుల పాటు.. కపిల తీర్థం నుంచి రామతీర్థం వరకు యాత్ర చేయాలని బీజేపీ నేతలు సంకల్పించారు. దీనికోసం ఏర్పాట్లు కూడా ప్రారంభించారు.

అయితే అనూహ్యంగా పంచాయతీ ఎన్నికలు ఖరారు కావడంతో ఇప్పుడు… దానికే ప్రాధాన్యం ఇవ్వాలని నిర్ణయించుకున్నారు. ఈ మేరకు.. పార్టీ నేతలు.. నిర్ణయం తీసుకుని హైకమాండ్‌కు తెలిపారు. హైకమండ్ కూడా అంగీకరించడంతో రథయాత్ర వాయిదా పడింది. పంచాయతీ ఎన్నికలు ముగిసిన తర్వాత.. ఆగిపోయిన మున్సిపల్, జడ్పీటీసీ, ఎంపీటీసీ ఎన్నికలు జరిగే అవకాశం ఉంది. ఆ తర్వాత తిరుపతి పార్లమెంట్ నియోజకవర్గం ఉపఎన్నికలు జరుగుతాయి. ఇదయ్యే సరికి మార్చి అయిపోతుంది. ఆ తర్వాతే రథయాత్ర గురించి ఆలోచించాలని బీజేపీ నేతలు భావిస్తున్నారు.

అయితే అప్పటికే ఆలయాలపై దాడుల అంశం పాతబడిపోతుందా.. రథయాత్ర చేస్తే.. అంత పబ్లిసిటీ వస్తుందా అన్నదాన్ని బేరీజు వేసుకుని తదుపరి కార్యాచరణ ఖరారు చేసుకునే అవకాశం ఉంది. జనసేనతో విస్తృత సంప్రదింపులు జరుపుతున్న బీజేపీ నేతలు పంచాయతీల్లోనూ కలిసి పోటీ చేయాలని భావిస్తున్నారు. చాలా గ్రామాల్లో రెండు పార్టీలకు పెద్దగా క్యాడర్ నిర్మాణం లేకపోవడంతో.. వీలైనన్ని ఎక్కువ చోట్ల పోటీ చేయాలనుకుంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలో తిరుగుబాటు వార్తలు..! సజ్జల వివరణ..!

వైఎస్ఆర్ కాంగ్రెస్ పార్టీలో తిరుగుబాటు అంటూ రిపబ్లిక్ టీవీలో వచ్చిన ఓ కథనం ఇప్పుడు వైసీపీలో అలజడి రేపుతోంది. ఎంతగా అంటే.. ఆ పార్టీకి జగన్ తర్వాత జగన్ అంతటి వ్యక్తిగా బరువు,...

స్టీల్ ప్లాంట్ అమ్మకం ఆగదని కేంద్రంతో చెప్పించిన వైసీపీ ఎంపీలు..!

విశాఖ స్టీల్ ప్లాంట్ ప్రైవేటీకరణను అడ్డుకోవడానికి తమ వద్ద ప్రత్యేకమైన ప్రణాళిక ఉందని చెబుతున్న వైసీపీ నేతలు... ఢిల్లీ నుంచి మాత్రం ఏపీకి స్టీల్ ప్లాంట్‌తో సంబంధం లేదనే ప్రకటనలు...

తెలంగాణ మహిళల గురించి సరే….షర్మిల తన హక్కుల కోసం ఎలా పోరాడుతారు..!?

తెలంగాణలో రాజకీయ పార్టీ పెట్టి.. రాజన్న రాజ్యం తీసుకు వచ్చి.. అందరికీ న్యాయం చేసేయాలన్న పట్టుదలతో ఉన్న వైఎస్ రాజశేఖర్ రెడ్డి కుమార్తె షర్మిల అంతర్జాతీయ మహిళా దినోత్సవాన్ని కూడా ఉపయోగించుకున్నారు. పెద్ద...

చంద్రబాబు బూతులు మాట్లాడుతున్నారంటున్న సజ్జల..!

ఆంధ్రప్రదేశ్‌లో ఎన్నికల ప్రచారాలు కానీ.. రాజకీయ విమర్శలు కానీ బూతుల రేంజ్‌లో ఎవరు చేస్తారు..? అంటే ప్రత్యేకంగా సమాధానం వెదుక్కోవాల్సిన అవసరం లేదు. అయితే అదే వైసీపీ నేతలు ఇప్పుడు.. చంద్రబాబు, లోకేష్...

HOT NEWS

[X] Close
[X] Close