వైరస్ గురించి చెప్పారని చంద్రబాబుపై క్రిమినల్ కేసులు..!

ప్రతిపక్ష నేత.. టీడీపీ అధినేత చంద్రబాబు కాలు కదిపితే.. నోరు మెదిపితే కేసు అన్నట్లుగా ఏపీ సర్కార్ వ్యవహరిస్తోంది. ఆంధ్రప్రదేశ్‌లోని కర్నూలు జిల్లాలో కరోనా వైరస్ కొత్త వేరియంట్ ఎన్‌-440కే పుట్టిందని… అది శరవేగంగా విస్తరిస్తోందని… ఈ విషయాన్ని సీసీఎంబీ ప్రకటించిందని… చంద్రబాబు ప్రెస్‌మీట్లలో చెప్పారు. ఇంగ్లిష్ మీడియాలోనూ పెద్ద ఎత్తున కథనాలు వచ్చాయి. సీసీఎంబీ రిపోర్టులతో తెలుగు రాష్ట్రాల ప్రజలు నెగెటివ్ రిపోర్టులు ఉంటే మాత్రమే తమ రాష్ట్రాల్లోకి రావాలని ఆంక్షలు విధించాయి. అయితే అలాంటి వేరియంట్ ఏదీ లేదని.. అంతా చంద్రబాబు తప్పుడు ప్రచారం చేస్తున్నారని ఏపీ సర్కార్ చంద్రబాబుపై ఎదురుదాడికి దిగింది.

అది సరిపోలేదని అనుకున్నారేమో కానీ.. ఏకంగా క్రిమినల్ కేసులు పెట్టేసింది. సుబ్బయ్య అనే వ్యక్తి ఫిర్యాదు ఇచ్చారంటూ చంద్రబాబుపై నాన్ బెయిలబుల్ కేసులు నమోదు చేసారు. కర్నూలులో ఎన్‌-440కే వైరస్‌ ఉందన్న చంద్రబాబు వ్యాఖ్యలతో.. సామాన్య జనాలు భయాందోళనకు గురవుతున్నారని సుబ్బయ్య ఆందోళనగా వచ్చి ఫిర్యాదు చేయడంతో.. ఐపీసీ 155, 505(1)(బి)(2) సెక్షన్ల కింద చంద్రబాబుపై పోలీసులు కేసు నమోదు చేసేశారు. చంద్రబాబుపై 2005 ప్రకృతి వైపరీత్యాల చట్టంలోని సెక్షన్‌ 54 కింద కేసు పెట్టారు. చంద్రబాబుపై ఎఫ్ఐఆర్‌ రిజిస్టర్ చేసేశారు. టీడీపీ నేతలను కేసులు పెట్టి వేధించడానికి కర్నూలు వైసీపీ నేతలకు బాగా అచ్చి వచ్చినట్లుగా ఉంది.

ఇప్పటికే దేవినేని ఉమపై కేసు పెట్టారు. ఇప్పుడు చంద్రబాబుపై కేసు పెట్టారు. రాజధాని భూముల విషయంలో ఎమ్మెల్యే ఆళ్ల రామకృష్ణారెడ్డి ఫిర్యాదు చేశారని ఎస్సీ ఎస్టీ కేసులు పెట్టేసిన పోలీసులు ఈసారి.. వైరస్ గురించి మాట్లాడినందుకు కేసులు పెట్టేశారు. ఏపీలో టీడీపీ నేతలపై సాగుతున్న కేసుల పరంపరంలో ఇదొక మచ్చు తునకేనని టీడీపీ నేతలు గుర్తు చేస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

క్లైమాక్స్‌పై ఆధార‌ప‌డిన ‘ల‌వ్ స్టోరీ’ జాత‌కం

చాలాకాలం త‌ర‌వాత‌... బాక్సాఫీసు ద‌గ్గ‌ర కాస్త హంగామా క‌నిపిస్తోంది.. లవ్ స్టోరీ వ‌ల్ల‌. శేఖ‌ర్ క‌మ్ముల ద‌ర్శ‌కత్వం వ‌హించిన సినిమా ఇది. నాగ‌చైత‌న్య - సాయి ప‌ల్ల‌వి జంట‌గా న‌టించారు. శేఖ‌ర్ పై...

వివేకా హత్య కేసులో టీవీచానళ్లపై సీబీఐ గురి !

వైఎస్ వివేకానందరెడ్డి హత్య కేసులో సీబీఐ అధికారులు అసలు విషయాల కన్నా కొసరు అంశాలపైనే ఎక్కువ దృష్టి కేంద్రీకరించినట్లుగా కనిపిస్తోంది. తాజాగా వారు మీడియా ప్రతినిధుల్ని విచారిస్తున్నారు. అయితే అది అప్పట్లో ఎవరు...

“టీటీడీ ప్రత్యేక ఆహ్వానితుల” జీవో సస్పెన్షన్ !

వివాదాస్పదంగా మారిన టీటీడీ ప్రత్యేక ఆహ్వానితుల జీవోను హైకోర్టు నాలుగు వారాల పాటు సస్పెండ్ చేసింది. పాలక మండలితో పాటు విడిగా 52 మందిని ప్రత్యేక ఆహ్వానితులుగా నియమిస్తూ ఏపీ ప్రభుత్వం నిర్ణయం...
video

‘పెళ్లి సంద‌D’ ట్రైల‌ర్‌: న‌టుడిగా ద‌ర్శ‌కేంద్రుడి అరంగేట్రం

https://www.youtube.com/watch?v=vIzDDbIFoI0 కొంత‌మంది ద‌ర్శ‌కుల‌కు తెర‌పై మెర‌వాల‌ని ఉంటుంది. అందుకే చిన్న చిన్న పాత్ర‌ల్లో త‌ళుక్కున మెరిసి వెళ్తుంటారు. వంద సినిమాలు చేసినా, ఒక్క సినిమాలోనూ, ఒక్క ఫ్రేమ్ లోనూ క‌నిపించ‌లేదు రాఘ‌వేంద్ర‌రావు. ఇప్పుడెందుకో ఆయ‌న‌కు...

HOT NEWS

[X] Close
[X] Close