పార్ట్ టైమ్ స్పీకర్.. ఫుల్‌టైమ్ అధికార ప్రతినిధి..!

రాజధాని విషయంలో.. ఉత్తరాంధ్రలో ఓ ఎమోషన్ ఉందని.. దాన్ని చంద్రబాబును తిట్టడం ద్వారానే.. హైలెట్ చేయవచ్చని.. వైసీపీ నేత తమ్మినేని సీతారాం గట్టిగా భావిస్తున్నారు. ఉత్తరాంధ్రలో అలాంటి వ్యూహాన్ని అమలు చేసే సమర్థులైన వైసీపీ నేతలు ఆయనకు కనిపించినట్లుగా లేరు. అందుకే.. తానే స్వయంగా.. తన రాజ్యాంగబద్ధ హోదాను పక్కన పెట్టేసి.. మైక్ అందుకుంటున్నారు. దాదాపుగా ప్రతీ రోజు.. శ్రీకాకుళంలో చంద్రబాబును చెడామడా తిట్టేస్తున్నారు. చంద్రబాబు ఓ మనిషా.. అని స్టార్ట్ చేసి.. అమరావతి రైతుల్ని పెయిడ్ ఆర్టిస్టులుగా అవమానకరంగా మాట్లాడేస్తున్నారు. అదే సమయంలో.. తమ ఉత్తరాంధ్ర ఆకలితో అలమటిస్తున్నదని.. జగన్ అన్నం పెట్టాలని చూస్తూంటే.. చంద్రబాబు తన్నేస్తున్నాడని.. సెంటిమెంట్ పెంచేందుకు తన వంతు సీరియస్‌గా ప్రయత్నాలు చేస్తున్నారు. అంతేనా.. టీడీపీ నేతల్ని రెచ్చగొట్టేందుకు.. ఉత్తరాంధ్ర టీడీపీ నేతలవి ఒక బతుకులేనా అంటూ.. హేళన చేస్తున్నారు.

తమ్మినేని సీతారం.. ఓ రాజ్యాంగబద్ద పదవిలో ఉన్నారు. స్పీకర్‌గా ఆయన పార్టీలకు .. కుల, మత , ప్రాంత రాజకీయాలకు అతీతంగా వ్యవహరించాల్సి ఉంటుంది. కానీ సీతారాం మాత్రం.. వాటన్నింటినీ.. మొదటి నుంచి పరిగణనలోకి తీసుకోవడం లేదు. అసలు ఈ విశాఖ రాజధాని అంశం రాక ముందు నుంచే ఆయన చంద్రబాబుపై బూతులు లంకించుకుంటున్నారు. అగ్రిగోల్డ్ విషయంలో చంద్రబాబు బట్టలూడదీస్తామని… ఆయన వ్యాఖ్యానించారు. ఫలితంగా.. ఆయనపై… కూడా.. టీడీపీ నేతలు అదే రేంజ్‌లో ఫైరయ్యారు. చివరికి స్పీకర్ పదవికి ఉన్న గౌరవాన్ని కూడా ఆయన కాపాడలేకపోతున్నారన్న విమర్శలు ఎక్కువగానే వినిపిస్తున్నాయి.

తమ్మినేని వ్యాఖ్యలను.. ఆయన సమీప బంధువు.. ఆముదాల వలస మాజీ ఎమ్మెల్యే కూన రవికుమార్.. సెటైరిక్‌గా ఎప్పటికిప్పుడు తిప్పికొడుతున్నారు. ఆయన పోతరాజులాగ… బయటకు వచ్చి.. తనను తాను కొట్టుకుంటున్నారని… విమర్శిస్తున్నారు. తమ్మినేనికి శ్రీకాకుళంపై.. ఉత్తరాంధ్రపై అంత అభిమానం ఉంటే… ఆముదాల వలసలో సెక్రటేరియట్ పెట్టించాలని డిమాండ్ చేస్తున్నారు. అయితే.. స్పీకర్ తమ్మినేని మాత్రం.. రివర్స్‌లో వచ్చే సవాళ్లను పట్టించుకోవడం లేదు. తన దారిలో తాను వెళ్తున్నారు. అందుకే్.. తమ్మినేని స్పీకర్ గా కంటే..అధికార ప్రతినిధిగానే తన బాధ్యతలు ఎక్కువగా నిర్వహిస్తున్నారని.. జనం సెటైర్లు వేస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్

ఆంధ్రప్రదేశ్ ప్రభుత్వం ఉద్యోగులకు దసరా కానుక ప్రకటించింది. పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్ ఇచ్చారు. డీఏల చెల్లింపునకు కార్యాచరణ కూడా ప్రభుత్వం ప్రకటించింది. జులై 2018...

ఎన్నికలు నిర్వహణ వద్దంటున్న వైకాపా

దేశంలో కరోనా లాక్ డౌన్ విధించినప్పుడు ఎన్నికలు వాయిదా వేశారని నిమ్మగడ్డ రమేష్‌కుమార్‌ను కులం పేరు పెట్టి మరీ బూతులు తిట్టిన మంత్రులు ఇప్పుడు.. అదే రమేష్ కుమార్ ఎన్నికలు పెడతానంటే...

అమరావతిలో “రియల్ పెయిడ్ ఉద్యమం” స్టార్ట్..!

అమరావతిలో పోటీ ఉద్యమాలు జరుగుతున్నాయి. భూములిచ్చిన రైతులు లాఠీదెబ్బలకు ఓర్చుకుని పోరాటం చేస్తూంటే.. వారికి పోటీగా కొంత మంది ఇప్పుడు ఉద్యమాలను ప్రారంభిస్తున్నారు. శంకుస్థాపన చేసి ఐదేళ్లయిన సందర్భంగా రైతుల సభ...

తిరుపతిలో బీజేపీ పోటీ ఖాయం.. కానీ అభ్యర్థి మాత్రం పక్క పార్టీ నుంచి..!

తిరుపతి పార్లమెంట్ ఉపఎన్నికల్లో పోటీ చేసి.. తాము ఏపీలో బలపడ్డామని నిరూపించుకోవాలని భారతీయ జనతా పార్టీ ఉబలాట పడుతోంది. ముఖ్యంగా ఏపీ వ్యవహారాల ఇన్చార్జ్‌గా ఉన్న సునీల్ ధియోధర్ తాను.. పార్టీని...

HOT NEWS

[X] Close
[X] Close