ఆ ప్రాజెక్ట్ చూస్తామంటే కుదరదంటోన్న ఏపీ..!

ఓ ప్రాజెక్ట్‌ను చూడటానికి వస్తామని కృష్ణాబోర్డు అంటోంది. చూసేందుకు కూడా ఒప్పుకోబోమని.. ఏపీ సర్కార్ తేల్చి చెబుతోంది. కృష్ణా బోర్డు మాత్రం.. అదే పనిగా తాము వస్తున్నామని తేదీ ఖరారు చేసి ఏపీ సర్కార్‌కు సమాచారం ఇస్తోంది. ఎలాగైనా అడ్డుకుంటామని ఏపీ సర్కార్ సంకేతాలు పంపుతోంది. ఇది రెండు, మూడునెలలుగా సాగుతోంది. ఆ ప్రాజెక్ట్ రాయలసీమ ఎత్తిపోతల. సంగమేశ్వరం వద్ద నిర్మిస్తామని ప్రభుత్వం హడావుడి చేస్తున్న ప్రాజెక్ట్. నిజానికి ఈ ప్రాజెక్ట్‌కు ఇంత వరకూ పునాది కూడా పడలేదు. వేయవద్దని ఎన్జీటీతో పాటు కృష్ణాబోర్డు నుంచి ఆదేశాలు ఉన్నాయి. కానీ ఏపీ సర్కార్ అవేమీ పట్టించుకోకుండా నిర్మాణాలు చేస్తోందన్న ఆరోపణలు ఉన్నాయి. అందుకే… పరిశీలన చేస్తామని కృష్ణాబోర్డు అంటూంటే.. వద్దే వద్దని ఏపీ సర్కార్ అంటోంది.

ప్రాజెక్ట్ పరిశీలనకు వస్తామని ఇప్పటికి మూడు సార్లు కృష్ణాబోర్డు లేఖ రాసింది. ఈ ఒక్కటి చూసేందుకు ఏ మాత్రం సిద్ధంగా లేని ఏపీ సర్కార్.. ఆ ఒక్కటి కాదు.. తెలంగాణలోని అన్ని అక్రమ ప్రాజెక్టులు చూడాలని డిమాండ్ చేస్తోంది. ఆ మేరకు అధికారిక లేఖ పంపింది. అయితే కృష్ణాబోర్డు మాత్రం… మిగతా వాటి సంగతేమో కానీ సంగమేశ్వరం ప్రాజక్ట్‌ను చూసేందుకు 19, 20 తేదీల్లో వస్తామని, ప్రాజెక్టు గురించి అన్ని విషయాలు తెలిసిన అధికారిని అందుబాటులో ఉంచాలని ఆదేశించింది. ఆ ప్రాజెక్టు నివేదికల్ని కూడా అందచేయాలని ఆదేశించింది. అయితే ఏపీ సర్కార్ బోర్డు చైర్మన్ వైఖరిని తప్పు పడుతూ మరో లేఖ రాసింది. కృష్ణాబోర్డు అంటే చైర్మన్ మాత్రమే కాదని.. ఏపీ సర్కార్ వాదన.

నిజానికి కృష్ణాబోర్డు రాయలసీమ ఎత్తిపోతల పథకం ప్రాంతాన్ని పరిశీలించడానికి వస్తామని చెప్పడానికి అసలు కారణం.. అక్కడ అనుమతుల్లేకుండా నిర్మాణాలు ప్రారంభమయ్యాయని తెలంగాణ నుంచి ఫిర్యాదులు వెళ్లడమే. ఆ ఫిర్యాదులను పరిశీలించి వాస్తవాలు వెల్లడించడానికి కృష్ణాబోర్డు ప్రయత్నిస్తోంది. అక్కడ నిర్మాణాలేమీ జరగడం లేదని ఏపీ సర్కార్ చెబుతోంది. కానీ పరిశీలించడానికి మాత్రం అంగీకరించడం లేదు. దీంతో అక్కడ ఏపీ ప్రభుత్వం నిర్మాణాలు చేసేస్తోందన్న అనుమానాలు పెరిగిపోవడానికి కారణం అవుతున్నాయి. చూపించాల్సిన ప్రాజెక్ట్ చూపించేసి.. ఆ తర్వాత తెలంగాణ ప్రాజెక్టులను కూడా చూడాలని ఏపీ డిమాండ్ చేస్తే సముచితంగా ఉంటుందన్న అభిప్రాయం సాగునీటి రంగ నిపుణుల్లో వస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రమేష్ ఆస్పత్రికి రఘురామ..! హైకోర్టు ఆదేశాలనైనా పాటిస్తారా..?

కోర్టు ఆదేశాలను ఉల్లంఘించి అయినా రమేష్ ఆస్పత్రికి రఘురామకృష్ణరాజును తరలించకూడదనుకున్న సీఐడీ అధికారులు.. ప్రభుత్వానికి షాక్ తగిలింది. సీఐడీ కోర్టు ఆదేశించించినట్లుగానే.. రమేష్ ఆస్పత్రికి రఘురామకృష్ణరాజును తరలించాలని స్పష్టం చేసింది. గుంంటూరు ప్రభుత్వాసుపత్రిలో...

జైలుకు ఆర్ఆర్ఆర్.. కోర్టును లైట్ తీసుకున్న సీఐడీ..!

ఆంధ్రప్రదేశ్ సీఐడీ అధికారులు కోర్టులను లెక్క చేయలేదు. ఎంపీ రఘురామకృష్ణరాజుకు వైద్యం అందించాలని ఇచ్చిన ఆదేశాలను పక్కన పెట్టేసి.. జిల్లా జైలుకు తరలించేశారు. ఆయనకు వైద్యం అందించే విషయంలోనే కాదు.. వైద్య నివేదిక...

టీవీ9 ప్రాథమిక నివేదిక.. ఆర్ఆర్ఆర్‌కి సొరియాసిస్..!

రఘురామకృష్ణరాజు కాళ్లకు ఉన్న దెబ్బల గురించి టెస్టులు చేసి నివేదిక ఇవ్వాలని సీఐడీ కోర్టు.. హైకోర్టులు ఆదేశించాయి. వైద్యులు నివేదికల కోసం.. కోర్టు ఇచ్చిన సమయం దాటి మరీ టెస్టులు చేస్తున్నారు. నివేదికలు...

రేవంత్‌కు పోలీసులే అలా ప్రచారం చేసి పెడతారు..!

హైదరాబాద్‌లో రూ. ఐదు రూపాయల భోజన కేంద్రాలయిన అన్నపూర్ణ క్యాంటీన్లు కొనసాగుతాయని మీడియాకు సమాచారం ఇచ్చిన తెలంగాణ సర్కార్.. నిజానికి ఆపేసింది. దాంతో పేదలు తీవ్ర ఇక్కట్లు పడుతున్నారు. చాలా చోట్ల టీఆర్ఎస్...

HOT NEWS

[X] Close
[X] Close