ఔను ..లెక్కకు మించి ఏపీ అప్పులు..! మరి కేంద్రం ఏం చేసింది..?

ఆంధ్రప్రదేశ్ ప్రభుత్వం పరిమితికి మించి అప్పులు చేసిందని కేంద్రం పార్లమెంట్‌లో లెక్కలు చెప్పింది. రూ. నాలుగు వేల కోట్లకుపైగా ఎక్కువగా తెచ్చుకుందని.. ఇప్పటి వరకూ వచ్చిన బడ్జెట్ లెక్కల ప్రకారం తెలిసిందని చెప్పుకొచ్చింది. అయితే ఏపీ సర్కార్ అప్పులపై చాలా కాలంగా ఆరోపణలు ఉన్నాయి. చట్ట విరుద్ధమైన పద్దతుల్లో … లెక్కల్లోకి రాకుండా అప్పులు చేస్తోందని.. అదీ కూడా.. ఇరవై ఏళ్ల పాటు ఆదాయాన్ని తాకట్టు పెడుతోందన్న విమర్శలు కూడా ఎదుర్కొంటోంది. అయితే కేంద్రం మాత్రం ఇప్పటి వరకూ ఒక్క సారంటే ఒక్క సారి కూడా.. ఏపీ ఆర్థిక పరిస్థితి.. ఆర్థిక నిర్వహణపై ఆరా తీయలేదు. కనీసం ఏం చేస్తున్నారో కూడా ప రిశీలించలేదు.

ఎఫ్‌ఆర్బీఎం చట్టం ప్రకారం.. తీసుకోవాల్సిన రుణం కంటే ఎక్కువ తీసుకోవడానికి అవకాశం లేదు. అలా తీసుకోకుండా ఉండటానికి చట్టం తీసుకు వచ్చారు. ఈ చట్టాన్ని అమలు చేస్తున్నారో లేదో చూడాల్సిన బాధ్యత కేంద్రంపై ఉంది. ఆ పరిమితికి మించి ఎక్కడా అప్పులు ఆయా ప్రభుత్వాలకు ఇవ్వకుండా… దక్కకుండా చూడాల్సిన బాధ్యత కూడా కేంద్రానిదే. కానీ అలాంటి చర్యలు తీసుకోలేదు. రాజకీయ కారణాలతో… చూసీ చూడనట్లుగా ఉన్నారు. ఎఫ్‌ఆర్‌బీఎం పరిమితికి మించి రుణాలు ఇవ్వొద్దని.. బ్యాంకులు, ఆర్థిక సంస్థలను ఆదేశించించలేదు. అలాగే.. ఆర్బీఐ కూడా.. ఎలాంటి ఆంక్షలు పెట్టలేదు. ఎప్పుడు దరఖాస్తు చేసుకుంటే అప్పుడు బాండ్లు వేలం వేయడానికి చాన్స్ ఇచ్చారు.

ప్రస్తుతం .. అధికారికంగా బడ్జెట్ లెక్కల్లోనే రూ. యాభై వేల కోట్ల లోటులో ఏపీ ఉందని కేంద్రం చెబుతోంది. కానీ లెక్కల్లోకి రాని అప్పులు.. ఇతర వ్యవహారాలను పరిగణనలోకి తీసుకుంటే.. ఇంకా ఎక్కువే ఉంటుందని నిపుణులు అంచనా వేస్తున్నారు. ఇలాంటి పరిస్థితి స్వతంత్ర భారత చరిత్రలో ఏ రాష్ట్రానికీ ఉండదు. రేపటి రోజున రాష్ట్రం దివాలా తీసి.. ప్రజలకు కనీస మౌలిక వసతులు కూడా కల్పించలేని దారుణ స్థితికి వెళ్తే.. కేంద్రమే బాధ్యత వహించాల్సి ఉంటుంది. అప్పుడు మీరు ఎన్నుకున్న పాలకులే ఇలా చేశారని చెప్పడానికి .. ఎదురుదాడి చేయడానికి కేంద్రం ప్రయత్నించవచ్చు. కానీ నిబంధనలను పక్కాగా అమలు చేసి.. రాజ్యాంగ పరంగా పాలన జరిగేలా చూడాల్సిన బాధ్యత కేంద్రంపై ఉందని.. ప్రజాస్వామ్య వాదులు గుర్తు చేస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేటీఆర్‌పై డ్రగ్స్ ఆరోపణలు చేయవద్దని రేవంత్‌కు కోర్టు ఆదేశం

తెలంగాణ పీసీసీ అధ్యక్షుడు రేవంత్ రెడ్డికి హైదరాబాద్ సిటీ సివిల్ కోర్టులో షాక్ తగిలింది. తెలంగాణ మంత్రి కేటీఆర్ దాఖలు చేసిన పరువు నష్టం పిటిషన్‌ను వారించిన కోర్టు ఇక పై ఈడీ...

షర్మిల దీక్షను అడ్డుకున్న పోలీసులు – డబ్బులివ్వలేదని కూలీల ఆందోళన

నిరుద్యోగ ఉద్యమంలో భాగంగా ప్రతి మంగళవారం చేస్తున్న దీక్షను ఈ వారం హైదరాబాద్ శివారులోని బోడుప్పల్ లో చేయాలని వైఎస్ఆర్ తెలంగాణ పార్టీ అధ్యక్షుడు షర్మిల అనుకున్నారు. అయితే పోలీసులు అనుమతించలేదు. ఆమె...

అచ్చెన్న, నిమ్మలకు అసెంబ్లీలో మైక్ ఇవ్వరట !

అసెంబ్లీలో తెలుగుదేశం పార్టీ తరపున గట్టి వాయిస్ వినిపించే ఎమ్మెల్యేలు అచ్చెన్నాయుడు, రామానాయుడుకు మైక్ ఇవ్వకూడదని అసెంబ్లీ ప్రివిలేజ్ కమిటీ స్పీకర్ తమ్మినేని సీతారాంకు సిఫార్సు చేసింది. త్వరలో అసెంబ్లీ వర్షాకాల...

‘లూసీఫ‌ర్‌’కి మ‌ళ్లీ రిపేర్లు

మ‌ల‌యాళ `లూసీఫ‌ర్‌`ని తెలుగులో `గాడ్ ఫాద‌ర్‌`గా రీమేక్ చేస్తున్న సంగ‌తి తెలిసిందే. చిరంజీవి క‌థానాయ‌కుడు. మోహ‌న్ రాజా ద‌ర్శ‌కుడు. ఈ సినిమా షూటింగ్ అధికారికంగానూ మొద‌లైంది. అయితే.. మ‌ళ్లీ బ్రేక్ వ‌చ్చి ప‌డింది....

HOT NEWS

[X] Close
[X] Close