నెల్లూరులో మరో లేడీ డాన్ పోలీసులకు పట్టుబడ్డారు. ఇప్పటికే పోలీసుల సాయంతో వైసీపీ హాయాంలో ఓ ఆట ఆడుకున్న నిడిగుంట అనే లేడీ డాన్ జైల్లో ఉన్నారు. ఇప్పుడు కామాక్షి అనే మరో గంజాయి డాన్ ను పోలీసులు అరెస్టు చేశారు. సీపీఎం కు చెందిన పెంచయ్య అనే నేతను కొంత మంది హత్య చేశారు. పోలీసుల దర్యాప్తులో ఈ కామాక్షినే హత్య చేయించిందని తేలింది. ఏ పార్టీ అధికారంలో ఉంటే ఆ పార్టీకి జన సమీకరణ చేస్తూ.. తన దందాలు కొనసాగిస్తోంది.

పెంచలయ్య హత్య తర్వాత కామాక్షి ఆమె గ్యాంగ్ పారిపోయి కోవూరులోని ఓ ఫ్యాక్టరీలో దాక్కున్నారు. వారిని పట్టుకునేందుకు వెళ్లిన సమయంలో పోలీసులపైనే దాడి చేశారు. అక్కడ కాల్పులు జరగడంతో ఓ నిందితుడికి గాయాలయ్యాయి. కానిస్టేబుల్‌కూ తీవ్ర గాయాలయ్యాయి. తర్వాత కామాక్షిని అరెస్టు చేశారు. ఆమె ఇంట్లో సోదాలు చేసి పెద్ద ఎత్తున గంజాయి స్వాధీనం చేసుకున్నారు. ఆయుధాలు, కొన్ని డాక్యుమెంట్లు లభించాయి.

కామాక్షి ఇప్పటికే అనేక కేసుల్లో నిందితురాలిగా ఉంది – హత్యాయత్నాలు, గంజాయి వ్యాపారం, రైల్వే ఆస్తుల మోసం, సస్పెక్ట్ షీట్లు వంటివి. ఆమె సోదరుడు జేమ్స్ కూడా గంజా నెట్‌వర్క్‌లో పాలుపంచుకుంటూ, పలు కేసుల్లో నిందితుడు. గంజాయికి వ్యతిరేకంగా ప్రచారం చేస్తూ కామాక్షి ముఠా గురించి పెంచలయ్య పోలీసులకు సమాచారం ఇస్తున్నాడని ప్లాన్ చేసి చంపేశారు. ఆమె గ్యాంగ్ విద్యార్థులు, యువకులకు గంజాయిని సరఫరా చేస్తూ. వస్తోంది.

కామాక్షి, ఆమె గ్యాంగ్ పై NDPS చట్టం, హత్యా, మొండి దాడి వంటి సెక్షన్లు విధించారు. నేరాలు చేయడానికి, రౌడీ పనులు చేయడానికి మగవాళ్లే కాదని ఆడవాళ్లు కూడా ముందే ఉంటారని వీరు నిరూపిస్తున్నారు. ఇంకాఎంత మంది ఇలాంటి వాళ్లు ఉన్నారో పోలీసులు ఆరా తీస్తున్నారు.