“అప్పడం వ్యాక్సిన్” కనిపెట్టిన కేంద్రమంత్రికే కరోనా..!

కరోనా వైరస్‌కు ప్రపంచ ప్రఖ్యాత శాస్త్రవేత్తల దగ్గర్నుంచి భారతీయ జనతా పార్టీ నేతల వరకూ..అందరూ.. మందు కనిపెట్టే పనిలో బిజీగా ఉన్నారు. సైంటిస్టులు ఇంకా కుస్తీలు పడుతున్నారు కానీ.. భారతీయ జనతా పార్టీ నేతలు మాత్రం.. చాలా ఫాస్ట్‌గా ఉన్నారు. ఒకరు హనుమాన్ చాలీసా చదవాలంటారు.. మరొకరు గోమూత్రం తాగాలంటారు.. ఇంకొకాయన .. కరోనాను తరిమికొట్టే అప్పడాలు అంటూ… రిలీజ్ చేసేశారు. ఆ అప్పడాలు తింటే కరోనా పారిపోతుందని కూడా సర్టిఫికెట్ ఇచ్చేస్తారు. వీరందరూ సాదాసీదా బీజేపీ కార్యకర్తలు కాదు.. ఎంపీలు.. కేంద్రమంత్రులు. ఇలా కేంద్రమంత్రి అర్జున్ రామ్ మేఘ్వాల్‌ “అప్పడం వ్యాక్సిన్‌”ను కొద్ది రోజుల కిందట విడుదల చేశారు. ఓ అప్పడంను చటుక్కున విరుచుకుని తిని.. ఇక తనకు కరోనా రాదన్నట్లుగా కలరింగ్ ఇచ్చారు.

ఆయన కరోనా అప్పడాల అమ్మకాలు పెరిగాయో లేదో కానీ… ఇప్పుడు ఆయనకే కరోనా పాజిటివ్ వచ్చిందని తేలింది. కరోనా లక్షణాలు కనిపించటంతో ఆయన టెస్ట్ చేయించుకున్నారు. పాజిటివ్ రావడంతో ఢిల్లీలోని ఎయిమ్స్‌ ఆస్పత్రిలో చేరారు. తనని కాంటాక్ట్ అయిన వారంతా టెస్టులు చేయించుకోవాలని మంత్రి సూచించారు. ఈ విషయం బయటకు తెలిసిన వెంటనే.. సహజంగానే ఆయనపై సెటైర్లు ప్రారంభమవుతాయి. అయ్యాయి కూడా. సోషల్ మీడియాలో ఇప్పుడీ అప్పడాల మంత్రి ట్రెండింగ్.

కరోనాను మార్కెట్ చేసుకోవడానికి ప్రతి ఒక్కరూ ప్రయత్నిస్తున్నారు. ప్రజల్ని భయపెట్టి.. తమ వస్తువులు వాడితే… కరోనాను తరిమికొట్టవచ్చని ప్రోత్సహిస్తున్నారు. చివరికి… పతంజలి బాబా రామ్ దేవ్ కూడా.. ఈ వ్యాపారంలోకి వచ్చారు. పెద్ద ఎత్తున కరోనిల్ అమ్ముతున్నామని చెబుతున్నారు. ఇదేదో బాగుందని బీజేపీ నేతలు… అప్పడాల దాకా వచ్చేశారు. అది వారితో.. వారికి సంబంధించిన వారిదో కానీ మార్కెటింగ్ కోసం.. తమ తెలివితేటలనంతా ప్రదర్శించేసి.. నవ్వుల పాలవుతున్నారు. అంతకూ.. ఆయన ప్రపంచానికి పరియచం చేసిన కరోనా అప్పడాల బ్రాండ్ ఏమిటో తెలుసా..” బాబ్జీ”

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

భ‌ళా బెంగ‌ళూరు..ప్లే ఆఫ్‌లో చోటు

ఎనిమిది మ్యాచ్‌లు ఆడితే.. అందులో 7 ఓట‌ములు. పాయింట్ల ప‌ట్టిక‌లో చిట్ట చివ‌రి స్థానం. ఇలాంటి ద‌శ‌లో బెంగ‌ళూరు ప్లే ఆఫ్‌కి వెళ్తుంద‌ని ఎవ‌రైనా ఊహించి ఉంటారా? కానీ బెంగ‌ళూరు అద్భుతం...

రేవంత్‌తో ముగ్గురు బీజేపీ ఎమ్మెల్యేల భేటీ

సీఎం రేవంత్ రెడ్డితో ముగ్గురు బీజేపీ ఎమ్మెల్యేలు సమావేశం అయ్యారు. ఈసీ పర్మిషన్ వస్తే మంత్రి వర్గ సమావేశం నిర్వహించాలనుకున్న రేవంత్ రెడ్డి సచివాలయంలోనే ఉన్నారు. అయితే హఠాత్తుగా ఆయనను...

టీమిండియా కోచ్ రేసులో గంభీర్ – అందుకే కోహ్లీ రిటైర్మెంట్ కామెంట్స్..?

టీమిండియా కోచ్ గా రాహుల్ ద్రవిడ్ కాంట్రాక్ట్ జూన్ నెలలో ముగుస్తుండటంతో తదుపరి ఎవరిని ఎంపిక చేస్తారన్న దానిపై ఆసక్తి నెలకొంది. ఇదివరకు రికీ పాంటింగ్, స్టీఫెన్ ఫ్లెమింగ్ తో పాటు పలువురు...

జగన్ లండన్ పర్యటనలోనూ స్కిట్స్ !

ఏపీలో బస్సు యాత్రలు చేసేటప్పుడు జగన్ కు మోకాళ్ల మీద నిలబడి దండాలు పెట్టే బ్యాచ్ ను ఐ ప్యాక్ ఏర్పాటు చేస్తుంది. ఆ వీడియోలు సర్క్యూలేట్ చేసుకుంటూ ఉంటారు. ఇదేం బానిసత్వంరా...

HOT NEWS

css.php
[X] Close
[X] Close