ఆ లోపాలు బాహుబలి 2లో ఉండవట

బాహుబలి పార్ట్ వన్ బాక్సాఫీస్ వద్ద రికార్డులు బద్దలుకొట్టడంతో బాహుబలి-2మీద ప్రేక్షకుల అంచనాలు తారాస్థాయికి చేరుకున్నాయి. అంతర్జాతీయ మార్కెట్ లో మరింత సంచలనం సృష్టించేరీతిలో బాహుబలి-2ని రెడీచేయాలని చిత్రబృందం శ్రమిస్తోంది. పార్ట్ -1 ద్వారా ఎదురైన విమర్శలు, లోపాలు చివరి పార్ట్ లో తలెత్తకుండా పకడ్బందీగా దర్శకుడు రాజమౌళి ప్లాన్ చేస్తున్నట్లు తెలిసింది. పార్ట్ -2 ప్రాజెక్ట్ ని రాజమౌళి ఓ సవాల్ గా తీసుకున్నారు.

బాహుబలి -1లో గ్రాఫిక్స్ పరంగానూ, కథాగమనం పరంగానూ వస్తున్న విమర్శలను రాజమౌళి పరిగణలోకి తీసుకుని పార్ట్ 2లో ఏ చిన్న విమర్శకూ తావివ్వకుండా మరిన్ని జాగ్రత్తలు తీసుకోవాలని భావిస్తున్నారు. అంతర్జాతీయంగా మార్కెట్ అంచనాలు పెరిగిపోతుండటంతో ఖర్చుకు ఏమాత్రం వెనుకాడకుండా నూటికినూరుశాతం పర్ఫెక్ట్ గాఉండేలా చివరి భాగం తీయబోతున్నారు. బాహుబలి పార్ట్ 1లో కొన్ని చోట్ల సహజత్వానికి దగ్గరగాలేని విధంగా గ్రాఫిక్స్ కనిపించాయన్న విమర్శలు వచ్చాయి. కథలో లీనమవడంతో చాలా సన్నివేశాలు చూసేవారికి అవి గ్రాఫిక్స్ ప్రభావమని అనిపించకపోయినా, ఆ తర్వాత నిదానంగా చూస్తుంటే లోపాలున్నట్లు తెలుస్తోంది. చిన్నచిన్న పొరపాట్లు కనిపించాయన్న విషయం చిత్రనిర్మాణ బృందమే అంగీకరించే పరిస్థితి వచ్చింది. అలాగే కథగామనంలో కూడా శృతిమించిన శృంగార సన్నివేశం (శివుడు-అవంతిక సీన్) , ప్రతీకారం తీర్చుకునే సన్నివేశం (దేవయాని పుల్లలు ఏరుకోవడం), మేకప్ విషయంలో లోపాలు వంటివాటిపై వచ్చిన విమర్శలను కూడా రాజమౌళి గమనించి, చివరి భాగం చిత్రీకరణలో మరిన్ని జాగ్రత్తలు తీసుకోబోతున్నట్లు తెలిసింది.

హిందీలోనూ షూట్

పార్ట్-1 ని తెలుగు, తమిళ భాషల్లో షూట్ చేయగా, దాన్ని హిందీ, మళయాల భాషల్లో డబ్ చేశారు. అయితే, బాలీవుడ్ మార్కెట్ ని దృష్టిలోపెట్టుకుని పార్ట్ -2 ని హిందీలో డబ్బింగ్ చిత్రంగా కాకుండా డైరెక్ట్ చిత్రంగా విడుదలచేయాలని దర్శకుడు రాజమౌళి భావిస్తున్నట్టు తెలిసింది. దీంతో ఈ చివరి భాగం చిత్రాన్ని తెలుగు, తమిళ భాషలతోపాటుగా హిందీలో కూడా షూట్ చేయబోతున్నారు. హిందీలో అగ్రశ్రేణి రచయితలు స్క్రిప్ట్ విషయంలో సహకరించబోతున్నట్లు చెప్పుకుంటున్నారు.

– కణ్వస

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

గుంటూరులో జగన్ – టీడీపీలో చేరిన జడ్పీ చైర్మన్ క్రిస్టినా !

గుంటూరులో జగన్మోహన్ రెడ్డి సిద్ధం అంటూ సభ పెట్టి పాత క్యాసెట్ ను తిరగేస్తున్న సమయంలో .. గుంటూరు జడ్పీ చైర్మన్ కత్తెర హెన్రీ క్రిస్టినా వేమూరులో ఎన్నికల ప్రచారసభలో పాల్గొంటన్న చంద్రబాబు...

హైద‌రాబాద్‌, బెంగ‌ళూరుల్లో.. `యునైటెడ్ తెలుగు కిచెన్స్‌` ప్రారంభం

తెలుగు వారి ప‌సందైన రుచుల‌కు పెట్టింది పేరు గోదావ‌రి జిల్లాలు. వెజ్ ఐటంల నుంచి నాన్‌వెజ్ డిషెస్ వ‌ర‌కు.. గోదావ‌రి రుచులు ప్ర‌పంచ వ్యాప్తంగా ఘుమ‌ఘుమ‌లాడుతూనే ఉన్నాయి. దీంతో తెలుగు వారు ఎక్క‌డ...

కోన వెంక‌ట్ రూ.50 కోట్ల ఆశ‌

ఈ రోజుల్లో ఏ సినిమాలో ఎంత స‌త్తా ఉందో ముందే ఊహించ‌డం క‌ష్టం. టిల్లు స్క్వేర్ లాంటి సినిమాలు వంద కోట్లు దాటేసి బాక్సాఫీసుని ఆశ్చర్య‌ప‌రుస్తున్నాయి. అందుకే త‌మ సినిమాల‌కు వంద కోట్లు,...

పులివెందుల బాధ్యతలు భారతికి ఇచ్చిన జగన్ !

పులివెందుల నియోజకవర్గ బాధ్యతలను భారతికి అప్పగించారు సీఎం జగన్. మరో వారం రోజుల్లో నామినేషన్లు ప్రారంభం కానున్న సమయంలో భారతి పులివెందులలోనే మకాం వేయనున్నారు. ఈ నెల ఇరవై ఐదో తేదీన సీఎం...

HOT NEWS

css.php
[X] Close
[X] Close