గ్రేటర్ ఎన్నికల ప్రచారంలో పాల్గొనున్న బాబు, లోకేష్

ఆంధ్రప్రదేశ్ ముఖ్యమంత్రి చంద్రబాబు నాయుడు, తెదేపా జాతీయ ప్రధాన కార్యదర్శి నారా లోకేష్ ఇరువురూ కూడా తెదేపా, బీజేపీల తరపున జి.హెచ్.ఎం.సి. ఎన్నికల ప్రచారంలో పాల్గొనబోతున్నారని తాజా సమాచారం. నారా లోకేష్ ఈనెల 22 నుంచి 27 వరకు పార్టీ తెలంగాణా నేతలతో కలిసి డివిజన్లలో పాదయాత్రలు చేయబోతున్నట్లు సమాచారం. అలాగే చంద్రబాబు నాయుడు ఈనెల 28 నుంచి 30వ తేదీ వరకు ఎంపికచేసిన డివిజన్లలో రోడ్ షోలు నిర్వహించబోతున్నట్లు తెలుస్తోంది. ఈ ఎన్నికలను ఎదుర్కొనేందుకు నారా లోకేష్ పార్టీ నేతల మధ్య సమన్వయకర్తగా వ్యవహరిస్తున్నారు.

కొన్ని రోజుల క్రితం నిజం కాలేజి మైదానంలో తెదేపా, బీజేపీలు కలిసి నిర్వహించిన బహిరంగ సభలో నారా లోకేష్ తెరాస ప్రభుత్వాన్ని, తెలంగాణా ముఖ్యమంత్రి కేసీఆర్ ని చాలా తీవ్రంగా విమర్శించారు. కానీ అదే సభలో ప్రసంగించిన చంద్రబాబు నాయుడు మాత్రం తెరాస ప్రభుత్వాన్ని, ముఖ్యమంత్రి కేసీఆర్ ని పల్లెత్తు మాట అనకుండా, హైదరాబాద్ నగరాన్ని తాను ఏవిధంగా అభివృద్ధి చేసినది వివరించి సరిపెట్టారు. కనుక తను నిర్వహించబోయే రోడ్ షోలో కూడా అదే విధంగా మాట్లాడే అవకాశం ఉంది.

చంద్రబాబు నాయుడు తెలంగాణా ప్రభుత్వాన్ని, ముఖ్యమంత్రి కేసీఆర్ ని విమర్శించకపోయినా, ఆయన ఆంధ్ర ప్రజలు ఎక్కువగా స్థిరపడిన ప్రాంతాలలో రోడ్ షోలు నిర్వహించినట్లయితే తప్పకుండా వారిపై ఆ ప్రభావం ఎంతోకొంత పడుతుంది కనుక తెదేపా, బీజేపీ అభ్యర్ధులకు దాని వలన ప్రయోజనం కలుగవచ్చును. ఈ ఎన్నికలలో ఎలాగయినా గెలిచితీరాలనే పట్టుదలగా ఉన్న తెరాస ఒక మెట్టు దిగి, ఆంధ్రా ప్రాంతాలకు చెందిన కొందరిని తన పార్టీ అభ్యర్ధులుగా నిలుపుతోంది. కానీ చంద్రబాబు నాయుడు, నారా లోకేష్ కారణంగా తన పార్టీకి నష్టం కలిగే ప్రమాదం ఉందని భావించినట్లయితే, మళ్ళీ తెరాస నేతలు అందరూ వారిరువురిపై విమర్శలు గుప్పించవచ్చును. ఏమయినప్పటికీ జి.హెచ్.ఎం.సి. ఎన్నికలలో చంద్రబాబు నాయుడు ప్రచారానికి అంగీకరించడం విశేషమే అని చెప్పుకోవచ్చును.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

తనను వేరే ఆస్పత్రికి రిఫర్ చేయాలని డాక్టర్ సుధాకర్ లేఖ..!

విశాఖ మానసిక ఆస్పత్రిలో తనకు వాడుతున్న మందులపై అనుమానం వ్యక్తం చేస్తూ.. డాక్టర్ సుధాకర్... ఆ ఆస్పత్రి సూపరింటెండెంట్‌కు సంచలన లేఖ రాశారు. తనకు వాడుతున్న మెడిసిన్స్ వల్ల.. తనకు సైడ్ ఎఫెక్ట్స్...

ప‌ర‌శురామ్ క‌థ మార్చేశాడా?

మ‌హేష్‌బాబు - ప‌ర‌శురామ్ కాంబినేష‌న్‌లో ఓ సినిమా తెర‌కెక్కుతోంది. లాక్ డౌన్ ఎత్తేశాక‌... మ‌హేష్ చేయ‌బోయే సినిమా ఇదే. క‌థ పూర్త‌య్యింది. ఈ సినిమా కోసం `స‌ర్కారు వాటి పాట‌` అనే టైటిల్...

లాక్‌డౌన్ టైమ్‌లో ఫిట్‌నెస్‌ గోల్స్ సాధించిన లోకేష్..!

నారా లోకేష్ లాక్ డౌన్ సమయాన్ని చాలా పకడ్బందీగా ఉపయోగించుకున్నారు. వ్యక్తిగత గోల్స్ సాధించారు. తన బరువును రెండు నెలల్లో కనీసం ఇరవై కిలోల మేర తగ్గించుకున్నారు. మంగళగిరిలోని టీడీపీ ఆఫీసులో మహానాడు...

కన్నా మళ్లీ చంద్రబాబుకు అమ్ముడు పోయారట..!

బీజేపీ ఏపీ అధ్యక్షుడు కన్నా లక్ష్మినారాయణకు కౌంటర్ ఇచ్చే బాధ్యతను వైసీపీ దేవాదాయ మంత్రి వెల్లంపల్లి శ్రీనివాస్‌కు అప్పగించింది. ఆయన వైసీపీ స్టైల్లో... దూకుడైన ఆరోపణలు.. విమర్శలతో ఎదురుదాడి చేస్తున్నారు. దేవుడి ఆస్తులపై...

HOT NEWS

[X] Close
[X] Close