బోయ‌పాటి శ్రీ‌ను షాకిచ్చాడు. బాల‌కృష్ణ సినిమా కోసం ఓ కొత్త టైటిల్ ప్ర‌క‌టించి, అంద‌రినీ ఆశ్చ‌ర్య‌పరిచాడు. బాల‌కృష్ణ – బోయ‌పాటి శ్రీ‌ను కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే. ఈ సినిమాని `మోనార్క్` అనే టైటిల్ పెడ‌తార‌ని ముందు నుంచీ ప్ర‌చారం జ‌రుగుతోంది. ఉగాది రోజున టైటిల్ ప్ర‌క‌టిస్తామ‌ని చిత్ర‌బృందం చెప్పిన‌ప్పుడు కూడా `మోనార్క్` ఫిక్స‌వుతుంద‌ని అనుకున్నారు. కానీ.. ఇప్పుడు `అఖండ` అనే కొత్త టైటిల్ ప్ర‌క‌టించి ఆశ్చ‌ర్య‌పరిచాడు. దాంతో పాటు ఓ చిన్న టీజ‌ర్ నీ జోడించాడు.
”హ‌ర‌హ‌ర మ‌హాదేవ శంభో
కాలుదువ్వే నంది ముందు రంగు మార్చిన పంది
కారు కూత‌లు కూస్తే క‌పాలం ప‌గిలిపోద్దీ…” బాల‌య్య ద‌ర్శ‌న‌మిచ్చాడు. ఈ సినిమాలో బాల‌కృష్ణ రెండు ర‌కాల పాత్ర‌ల్లో క‌నిపించ‌నున్నాడ‌న్న సంగ‌తి తెలిసిందే. మొద‌టి పాత్ర‌ని ఇది వ‌ర‌కే ప‌రిచ‌యం చేశారు. ఇప్పుడు రెండో పాత్ర‌నీ ప్రేక్ష‌కుల ముందుకు తీసుకొచ్చారు. చేతిలో త్రిశూలం, భుజానికి టాటూలు, స‌హ‌జ‌మైన హెయిర్ స్టైల్ తో.. బాల‌య్య క‌నిపించాడు. త‌మ‌న్ ఇచ్చిన ఆర్‌.ఆర్‌.. బాల‌య్య సింహ‌గ‌ర్జ‌న ఈ టీజ‌ర్ కి ప్ల‌స్ పాయింట్. నేల‌కు కొట్టిన రౌడీలు ఎగిరి, గాల్లో గింగిరాలు తిర‌గ‌డం… అనే మార్క్‌… బోయ‌పాటి ఈ సినిమాలోనూ చూపించిన‌ట్టైంది. మొత్తానికి ఈ ఉగాది పండ‌గ రోజున బాల‌య్య రౌద్ర రూపం చూసే ఛాన్స్ ఫ్యాన్స్ కి ద‌క్కింది.
