‘సైరా’ విడుద‌ల‌కు సిద్ధం అవుతోంది. ఇప్పటికే టీజ‌ర్‌, ట్రైల‌ర్ వ‌చ్చేశాయి. రేప‌టి నుంచి ప్ర‌మోష‌న్ల హ‌డావుడీ మొద‌లైపోతోంది. అక్టోబ‌రు 2 లోపుగా వీలైనంత ప్ర‌చారం చేసుకోవాల‌ని భావిస్తోంది చిత్ర‌బృందం. ఆదివారం జ‌ర‌గ‌బోయే ప్రీ రిలీజ్ ఫంక్ష‌న్ ఒక్క‌టే.. హైదరాబాద్ లో జ‌రిగే ఏకైక వేడుక. చెన్నై, బెంగ‌ళూరు, కొచ్చిల‌లోనూ కొన్ని ఈవెంట్లు ప్లాన్ చేస్తున్నారు. వీటిలో ఏ ఒక్క‌దానికైనా బిగ్ బీ అమితాబ్ బ‌చ్చ‌న్‌ని తీసుకురావాల‌ని సైరా టీమ్ భావించింది. అయితే.. బిగ్ బీ మాత్రం ప్ర‌చార కార్య‌క్ర‌మాల్లో పాల్గొన‌డం లేదు. బిగ్ బీ అరోగ్యం స‌రిగా లేద‌ని, అందుకే ఆయ‌న ప్ర‌చార కార్య‌క్ర‌మాల‌కు హాజ‌ర‌వ్వ‌డం లేద‌ని `సైరా`టీమ్ చెబుతున్నా – `ప్ర‌మోష‌న్ల‌కు రాను` అని అమితాబ్‌బ‌చ్చ‌న్ ముందే సైరా బృందానికి చెప్పిన‌ట్టు టాక్‌. ఇక న‌య‌న‌తార సంగ‌తి స‌రేస‌రి. త‌ను ప్ర‌మోష‌న్ల‌కు దూరంగా ఉంటుంది. సైరా కైనా ఆమెను తీసుకురావాల‌ని చిత్ర‌బృందం భావించింది. అయితే ఇప్పుడు న‌య‌న‌తార కూడా అందుబాటులో లేకుండా పోయింది. వీళ్లిద్ద‌రూ లేకుండానే సైరా ప్ర‌మోష‌న్లు మొద‌లుకాబోతున్నాయి.
‘సైరా’కి హ్యాండిచ్చిన సూప‌ర్ స్టార్‌
