బిగ్ బాస్ – 4 వాయిదా?

బిగ్ బాస్ రియాలిటీ షో.. తెలుగులోనూ సూప‌ర్ హిట్ట‌య్యింది. ఎన్టీఆర్‌, నాగార్జున‌, నాని లాంటి హోస్ట్ లు దొర‌క‌డంతో బిగ్ బాస్ కి తెలుగు ఆన‌ట ఆద‌ర‌ణ ద‌క్కింది. ఇప్పుడు నాలుగో సీజ‌న్ మొద‌లు కాబోతోంది. ఈనెల‌లోనే బిగ్ బాస్ 4కి తెర లేస్తుంద‌ని భావించారంతా. కానీ.. కాస్త ఆల‌స్యంగా బిగ్ బాస్ మొద‌లు కాబోతోంది. ఆగ‌స్టులో కాకుండా, సెప్టెంబ‌రులో ఈ షో ని ప్రారంభించ‌బోతున్నారు. సెట్ కి సంబంధించిన కొన్ని ప‌నులు పెండింగ్ లో ఉన్నాయ‌ని తెలుస్తోంది. దాంతో పాటు.. కంటెస్టెంట్ల‌ను 14 రోజుల హోం క్వారెంటైన్‌లో ఉంచాల‌న్న నిబంధ‌న ఉంది. హోం క్వారెంటైన్ లో ఉన్న త‌ర‌వాత కొవిడ్ ప‌రీక్ష‌ల్ని మ‌ళ్లీ నిర్వ‌హిస్తారు. ఆ ప‌రీక్ష‌ల్లో నెగిటీవ్ వ‌చ్చిన త‌ర‌వాతే.. షో ప్రారంభం కాబోతోంది. ఇదంతా జ‌ర‌గ‌డానికి టైమ్ ప‌డుతుంది. అందుకే.. షో ఆలస్యంగా ప్రారంభం కానుంది. త్వ‌ర‌లోనే బిగ్ బాస్ 4 అఫీషియ‌ల్ డేట్ ని ప్ర‌క‌టించ‌నున్నారు. ఈ షోలో పాల్గొనే సెల‌బ్రెటీల లిస్టు ఆల్రెడీ లీక్ అయిపోయింది. అయితే.. అందులో ఎవ‌రెవ‌రు చివ‌రి జాబితా వ‌ర‌కూ ఉంటార‌న్న‌ది సందేహ‌మే. బిగ్ బాస్ నుంచి అఫీషియ‌ల్ ఎనౌన్స్‌మెంట్ వ‌చ్చేంత వ‌ర‌కూ… సెల‌బ్రెటీల‌ను ఊహించ‌డం క‌ష్ట‌మే.