ఈసీ విఫలం అయిందని కన్నా సర్టిఫికెట్..! తేడాగా లేదూ..?

ఎన్నికల సంఘం పనితీరును అడ్డగోలుగా సమర్థించేవారిలో ముందుగా… భారతీయ జనతా పార్టీ నేతలు ఉంటారు. ఆ తర్వాత వైఎస్ఆర్ కాంగ్రెస్ పార్టీ నేతలు ఉంటారు. బీజేపీ నేతలు కేంద్రంలో అధికారంలో ఉన్నారు.. ఎట్టి పరిస్థితుల్లోనూ ఈవీఎంలతో ఎన్నికలు జరగాలని పట్టుబట్టారు. ఎన్నికల సంఘం గుప్పిట్లో ఉంది కాబట్టి.. కావాల్సినట్లుగా.. వ్యవహారాలు నడిపారు. ఏపీలో వారి టార్గెట్ చంద్రబాబును ఓడించడమే కాబట్టి.. వైసీపీకి సహకారం అందించారు. ఇప్పుడు ఎన్నికలు అయిపోయాయి. నిన్నటి వరకూ.. ఈసీని పొగిడిన చోట పొగడకుండా పొగిడారు. వైసీపీ నేతలు అయితే లేఖల మీద లేఖలు రాసి.. ఈసీ శభాష్ అనేశారు.

అయితే ఇప్పుడు మాత్రం.. మెల్లగా టోన్ మార్చుతున్నారు. ఎన్నికల సంఘంపై విమర్శలు ప్రారంభించారు. ఈవీఎంలపై చంద్రబాబు పోరాటాన్ని అనుమానించాల్సి వస్తోందంటూ.. ఏపీ బీజేపీ అధ్యక్షుడు కన్నా లక్ష్మినారాయణ మీడియా ముందుకు వచ్చారు. ఆయన చెప్పిన కారణం ఏమిటంటే… చంద్రబాబు.. అభ్యర్థులతో కలిసి నిర్వహించిన సమీక్షా సమావేశంలో కలెక్టర్లను పొగిడారట. కలెక్టర్లను పొగడటానికి .. చంద్రబాబు ఈవీఎంలపై అనుమానాలు వ్యక్తం చేయడానికి చాలా లింకులు ఉన్నాయి. ఎందుకంటే.. కలెక్టర్లను .. చంద్రబాబు అధికారంలో ఉన్నప్పుడే నియమించారు. కానీ.. వారంతా.. ఈసీ అధీనంలో పని చేస్తారు. అందుకే కన్నాకు అనుమానం వచ్చింది.

అయితే.. కలెక్టర్లు అందరూ.. ప్రతిపక్ష పార్టీకి అనుకూలంగా వ్యవహరించారంటూ… సమీక్షా సమావేశాల్లో పలువురు నేతలు… చంద్రబాబుకు ఫిర్యాదు చేశారు. అయినా కన్నాకు మాత్రం పొగిడినట్లు అనిపించింది. అందుకే కన్నా లక్ష్మినారాయణ… రాష్ట్రంలో ఎన్నికల కమిషన్‌ పూర్తిగా విఫలం అయిందని తేల్చేశారు. ఇలాంటి ఎన్నికలు ఇంతవరకూ ఎప్పుడూ జరగలేదని తేల్చేశారు. టీడీపీ నేతలు కూడా… ఎన్నికలు జరిగిన మరుక్షణం నుంచి అదే చెబుతున్నారు. ఏపీలో ఇప్పుడు జరిగినటువంటి ఎన్నికలు ఎప్పుడూ జరగలేదని చెబుతున్నారు. మొత్తానికి అసలు విషయం తేడాగా ఉందనే ఫీడ్ బ్యాక్ వస్తూండే సరికి.. బీజేపీ నేతలు కూడా.. ఈసీపైనా.. ఈవీఎంలపైనా అనుమానాలు వ్యక్తం చేస్తున్నట్లుగా ప్రచారం జరుగుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

హైకోర్టు తీర్పుకే వక్రభాష్యం..! ప్రభుత్వం తప్పు మీద తప్పు చేస్తోందా..?

నిమ్మగడ్డ రమేష్‌కుమార్ విషయంలో ప్రభుత్వం తప్పు మీద తప్పు చేస్తోందా.. అన్న అభిప్రాయం న్యాయనిపుణుల్లో వినిపిస్తోంది. ఇప్పటి వరకూ వివిధ కేసుల్లో హైకోర్టు తీర్పును అమలు చేయకుండా.. దొడ్డిదారి ప్రయత్నాలు చేశారు... కానీ...

ప్రభుత్వం సుప్రీంకోర్టుకు వెళ్లే వరకూ రమేష్‌కుమార్ బాధ్యతలు తీసుకోకూడదట..!

స్టేట్ ఎలక్షన్ కమిషనర్‌గా నిమ్మగడ్డ రమేష్‌కుమార్ బాధ్యతలు తీసుకున్నట్లుగా ప్రకటించుకుని.. సిబ్బందికి ఆదేశాలు జారీ చేయడం చట్ట విరుద్ధమని తాజాగా ఏపీ ప్రభుత్వం వాదన వినిపించడం ప్రారంభించింది. సోమవారం.. ఎస్‌ఈసీగా రమేష్...

అన్‌లాక్ 1 : 8వ తేదీ నుంచి హోటళ్లు, ఆలయాలు ఓపెన్..!

దేశంలో లాక్‌డౌన్‌ను కంటెన్మెంట్‌జోన్లకే పరిమితం చేస్తూ... కేంద్ర ప్రభుత్వం నిర్ణయం తీసుకుంది. లాక్ డౌన్‌ ముగింపు కోసం.. అన్‌లాక్ పాలసీని ప్రకటించింది. దీనిలో భాగంగా జూన్ ఎనిమిదో తేదీ నుంచి ఆలయాలు, హోటళ్లు,...

ఇన్ సైడ్ న్యూస్: సొంత పత్రిక , ఛానల్ ప్రారంభించడం కోసం జనసేన కసరత్తు

త్వరలోనే సొంత పత్రిక, టీవి ఛానల్ ప్రారంభించాలనే యోచన తో జనసేన పార్టీ ఆ దిశగా అడుగులు వేస్తున్నట్లుగా సమాచారం. ఈ మేరకు పార్టీలో క్యాడర్ నుంచే కాకుండా, పార్టీ ముఖ్య నేతల...

HOT NEWS

[X] Close
[X] Close