బీజేపీ మత అసహనాన్ని సజీవంగా ఉంచాలనుకొంటోందా?

ముందుగా ఒక చిన్న కధ చెప్పుకొన్న తరువాత అసలు విషయంలోకి వెళదాము. ఒక యోగీశ్వరుడు తన శిష్యులతో కలిసి చిన్న నదిని దాటుతుంటే ఒక అందమయిన అమ్మాయి వచ్చి “స్వామీ..నన్ను కూడా ఈ నదిని దాటించండి” అని అడుగుతుంది. అందుకు ఆయన అంగీకరించి ఆమెను తన వీపు మీద మోసుకొని నదిని దాటిస్తాడు. ఆ తరువాత ఆమె తన దారిన తను వెళ్ళిపోతుంది. యోగీశ్వరుడు తన శిష్యులతో కలిసి ముందుకు సాగిపోతాడు. కొన్ని రోజుల తరువాత ఆయన శిష్యులలో ఒకడు “స్వామీ..నాకో సందేహం..సర్వసంగ పరిత్యాగులయిన మీరు, వయసులో ఉన్న ఒక అందమయిన అమ్మాయిని వీపు మీద మోసుకొని వస్తునప్పుడు మీకేమీ అనిపించలేదా? అది తమకు తగునా?” అని ప్రశ్నించాడు. ఆ ప్రశ్న విని యోగీశ్వరుడు నవ్వుతూ “నాయినా… నేను ఆ అమ్మాయిని అక్కడే దించేశాను..కానీ నువ్వేమిటి.. ఆమె గురించి ఇంకా ఆలోచిస్తూనే ఉన్నావా?” అని ప్రశ్నించేసరికి, తన ఆలోచన ఇంకా ఆ నది దగ్గరే..ఆ అందమయిన అమ్మాయి చుట్టూనే తిరుగుతోందని గ్రహించి శిష్యుడు సిగ్గుపడతాడు.

ఇక ఇప్పుడు అసలు విషయంలోకి వస్తే బీజేపీ కేంద్రంలో అధికారంలోకి వచ్చేక దేశంలో మత అసహనం పెరిగిపోతోందని కాంగ్రెస్ దాని మిత్రపక్షాలు చేసిన ప్రచారం దెబ్బకి బీజేపీ బీహార్ అసెంబ్లీ ఎన్నికలలో ఘోరంగా దెబ్బయిపోయిన సంగతి అందరూ చూసారు. అనుకొన్న లక్ష్యం నెరవేరడంతో ఆ తరువాత కాంగ్రెస్ పార్టీ ఊహాజనితమయిన ఆ మత అసహనం గురించి మాట్లాడటం మానేసింది. మేధావులు తమ అవార్డులను వెనక్కి తిరిగి ఇవ్వడం మానేశారు. అంటే దేశంలో మత అసహనం తగ్గిపోయిందనుకోవాలన్న మాట!

కాంగ్రెస్ పార్టీ దానిని బిహార్ ఎన్నికలతోనే విడిచిపెట్టేసినా బీజేపీ నేతలు మాత్రం యోగీశ్వరుడి శిష్యుడిలా దానినే పట్టుకొని ఇంకా వ్రేలాడుతూనే ఉండటం విశేషం. మత అసహనం గురించి బాలీవుడ్ నటుడు అమీర్ ఖాన్ మాట్లాడిన మాటల గురించి బీజేపీ జాతీయ కార్యదర్శి రామ్ మాధవ్ ఇటీవల కొన్ని వ్యాఖ్యలు చేయడం కూడా అలాగే చూడాల్సి ఉంటుంది. అలాగే మరో బీజేపీ ప్రధాన కార్యదర్శి కైలాష్ విజయ్ వర్గియా మీడియాతో మాట్లాడుతూ “ఇంతకు ముందు షారూక్ ఖాన్ కి బుద్ది చెప్పాము..అలాగే ఇప్పుడు అమీర్ ఖాన్ కి కూడా బుద్ధి చెప్పవలసిన సమయం వచ్చింది.. షారూక్ ఖాన్ నటించిన దిల్ వాలే సినిమాకు ఆటంకం కలిగించినట్లే, త్వరలో విడుదల కానున్న అమీర్ ఖాన్ చిత్రం ‘దంగల్’ కి ఆటంకాలు కలిగించాలి” అని అర్ధం వచ్చే విధంగా మాట్లాడటం చాలా విస్మయం కలిగిస్తుంది.

ఒకప్పుడు కాంగ్రెస్, దాని మిత్రపక్షాలు మత సహనం గురించి గట్టిగా మాట్లాడుతునప్పుడు, దానిని ఏవిధంగా ఎదుర్కోవాలో తెలియక బీజేపీ నేతలు తలలు పట్టుకొన్నారు. చివరికి బిహార్ ని కోల్పోయారు. మళ్ళీ ఇప్పుడు ఆ బీజేపీ నేతలే ఇటువంటి మాటలు మాట్లాడుతూ దేశంలో మత అసహనం సజీవంగా ఉందని చాటి చెపుతున్నారు. బహుశః అది కొరివితో తల గోక్కోవడంగానే భావించవచ్చును.

ఈ ఏడాది పశ్చిమ బెంగాల్, తమిళనాడు, కేరళ, పుదుచేరి అసెంబ్లీ ఎన్నికలు, వచ్చే ఏడాదిలో ఉత్తర ప్రదేశ్ అసెంబ్లీ ఎన్నికలు ఉన్నాయి. బీహార్ ఎన్నికలలో తమను చావు దెబ్బ తీసిన ఆ మత అసహనంతోనే ఆ రాష్ట్రాలలో గెలవాలని బీజేపీ బావిస్తోందేమో తెలియదు కానీ బీజేపీ నేతల మాటలు వింటుంటే ఆ పార్టీ తనపై ఉన్న మతతత్వ ముద్రను ఎన్నటికీ వదిలించుకోదనే విషయం స్పష్టం అవుతోంది. అది ప్రయోగించాలనుకొంటున్న ‘మతం కార్డు’ ఉత్తరాదిన ఏదో ఒక రాష్ట్రంలో పని చేయవచ్చునేమో కానీ పశ్చిమ బెంగాల్, దక్షిణాది రాష్ట్రాలలో పనిచేస్తుందనుకొంటే అంతకంటే అవివేకం మరొకటి ఉండబోదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రాజధాని తరలింపుపై కొత్త కదలికలు నిజమేనా..!?

రాజధాని తరలింపు బిల్లులను మళ్లీ అసెంబ్లీలో పెట్టడంపై.. టీడీపీ ఎమ్మెల్సీ దీపక్ రెడ్డి సుప్రీంకోర్టులో పిటిషన్ వేశారు. అంతకు ముందు ఆయన హైకోర్టును కూడా ఆశ్రయించారు. అక్కడ ఆలస్యం అవుతూండటంతో.. సుప్రీంను ఆశ్రయించారు....

కాపు నేస్తం పథకం దుర్వినియోగం

కాపులకు మేనిఫెస్టోలో హామీ ఇచ్చానంటూ.. కాపు నేస్తం అనే పథకాన్ని పెట్టిన ఏపీ సర్కార్.. ఆ పథకం పేరుతో రెడ్డి సామాజికవర్గానికి సాయం చేశారన్న విమర్శలు కొంత కాలం నుంచి వస్తున్నాయి. దానికి...

పోతిరెడ్డిపాడు సామర్థ్యం పెంపు చట్ట ఉల్లంఘనేనన్న కేఆర్ఎంబీ..!

రాయలసీమ ఎత్తిపోతల ప్రాజెక్టు పేరుతో.. సంగమేశ్వరం వద్ద నుంచి నీటిని ఎత్తి పోసుకునే ప్రాజెక్ట్‌కు.. రూపకల్పన చేసిన ప్రభుత్వం.. దానికి అభ్యంతరాలు రాకుండా.. చేసుకోవడంలో మాత్రం దారుణంగా విఫలమయింది. చివరికి కృష్ణా బోర్డును...

22న ఏపీలో ఇద్దరు కొత్త మంత్రుల ప్రమాణం..!

రాజ్యసభకు ఎన్నికయిన పిల్లి, మోపిదేవి స్థానాల్లో ఇద్దరు కొత్త మంత్రులను.. ఏపీ కేబినెట్‌లోకి ఇరవై రెండో తేదీన కేబినెట్‌లోకి తీసుకోనున్నట్లు తెలుస్తోంది. ఈ మేరకు వైసీపీ పెద్దలు ముహుర్తం ఖరారు చేసినట్లుగా తెలుస్తోంది....

HOT NEWS

[X] Close
[X] Close