చంద్రబాబు గురించే మాట్లాడుతున్న బీజేపీ..!

తెలుగుదేశం పార్టీ నేతలు ఎక్కడా తాము మళ్లీ బీజేపీతో కలుస్తామని చెప్పలేదు కానీ… భారతీయ జనతాపార్టీ నేతలు మాత్రం.. తమకు చంద్రబాబుతో స్నేహం అక్కర్లేదనే ప్రకటనలు చేసేస్తున్నారు. గత వారం రోజులుగా.. ఏపీకి వస్తున్న బీజేపీ ఢిల్లీ నేతలు అదే చెబుతున్నారు. మొదటగా ఏపీ వ్యవహారాల ఇన్చార్జ్ సునీల్ ధియోధర్..ఆ ప్రకటన చేయగా.. ఇప్పుడు… చాలా రోజుల తర్వాత ఏపీకి వచ్చిన యూపీ రాజ్యసభ సభ్యుడు జీవీఎల్ నరసింహారావు కూడా అదే చెబుతున్నారు. తమకు చంద్రబాబుతో స్నేహం అవసరం లేదని.. చెప్పుకొచ్చారు. బీజేపీతో స్నేహం వదులుకుని తప్పు చేశామని చంద్రబాబు ఇప్పుడు బాధపడుతున్నారని.. ఆ విషయాన్ని తాము ఎప్పుడో చెప్పామని గుర్తు చేస్తున్నారు.

ఏపీలో పర్యటిస్తున్న సునీల్ ధియోధర్, జీవీఎల్ నరసింహారవు మీడియాతో వేర్వేరుగా మాట్లాడుతూ.. టీడీపీనే హైలెట్ చేశారు. వచ్చే ఎన్నికల్లో తాము ఒంటరిగా పోటీ చేస్తామని సునీల్ ధియోధర్ ప్రకటించగా… తాము ఎంత శక్తిగా అవతరించబోతున్నామో.. వచ్చే ఎన్నికల్లో చూస్తారని.. జీవీఎల్ .. సవాల్ చేశారు. గట్టిగా ఎన్నికలు పూర్తయ్యి ఐదు నెలలు కూడా కాలేదు. అప్పుడే.. ఏపీలో బీజేపీ నేతలు.. వచ్చే ఎన్నికల గురించి మాట్లాడేస్తున్నారు. ఇందులో ప్రధానంగా తెలుగుదేశం పార్టీ గురించే మాట్లాడుతున్నారు. ఆ పార్టీ నేతలు బీజేపీతో సయోధ్య కోసం ప్రయత్నిస్తున్నారంటూ.. మీడియాలో వార్తలు వస్తున్న నేపధ్యంలో.. బీజేపీ నేతల వ్యాఖ్యలు హైలెట్ అవుతున్నాయి.

త్వరలో స్థానిక సంస్థల ఎన్నికలు జరగనున్నాయి. పంచాయతీ, పరిషత్, మున్సిపల్ ఎన్నికలు జరగాల్సి ఉంది. ఇటీవలి కాలంలో.. వైసీపీ దాడుల భయంతో.. పలువురు నేతలు బీజేపీలో చేరినప్పటికీ.. సంస్థాగతంగా బీజేపీకి బలం పెరిగిందేమీ లేదు. ఆయా నేతల వ్యక్తిగత బలం ఆధారంగా వచ్చే బలం మాత్రమే ఉంది. వారి ద్వారా ఎవరైనా లోకల్ బాడీస్ ఎన్నికల్లో గెలిస్తే.. అది బీజేపీ బలం అయ్యే అవకాశం లేదు. అయితే.. అలా గెలిచేవారందరూ బీజేపీ ఖాతాలోకే వస్తారు కాబట్టి.. బలమైన నేతల్ని ఆకర్షించేందుకు తీవ్రంగా ప్రయత్నిస్తోంది. ఎలాగైనా.. క్షేత్ర స్థాయిలో బలపడాలనే లక్ష్యంతోనే ప్రస్తుతానికి బీజేపీ ఉంది. ఇప్పుడు మళ్లీ టీడీపీతో సన్నిహిత సంబంధాలంటే.. ఎదిగాలనే ఉత్సాహం చల్లబడిపోతుందని ఆ పార్టీ నేతలు భావిస్తున్నట్లుగా తెలుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జగన్ పై ప్రత్యక్ష, చిరంజీవి పై పరోక్ష విమర్శలు చేసిన బాలకృష్ణ

బాలకృష్ణ మరో మూడు రోజుల్లో షష్టి పూర్తి చేసుకోబోతున్నారు. ఈ సందర్భంగా కొన్ని టీవీ చానల్స్ కు బాలకృష్ణ ఇంటర్వ్యూలు ఇస్తున్నారు. తాజాగా ఒక ఛానల్ కిచ్చిన ఇంటర్వ్యూలో ఏపీ సీఎం జగన్...

రివ్యూ : రాంగోపాల్ వ‌ర్మ ‘ క్లైమాక్స్‌ ‘

పాడుబ‌డ్డ బావిలో మురికే ఉంటుంది. ఒక‌ప్పుడు తీయ్య‌టి నీళ్లు ఇచ్చింది క‌దా అని, ఓ గుక్కెడు నీళ్లు గొంతులోకి దించుకోం క‌దా..? రాంగోపాల్ వ‌ర్మ అదే టైపు. శివ నుంచి స‌ర్కార్ వ‌ర‌కూ... 'సినిమా...

జగన్ తో భేటీతో సినీ పరిశ్రమ సాధించేది ఏమీ లేదు: బాలకృష్ణ

జగన్ తో తెలుగు సినీ పరిశ్రమ పెద్దలు త్వరలో భేటీ కానున్నారు. తెలంగాణ ప్రభుత్వం తో సినీ పరిశ్రమ భేటీ అయిన సందర్భంలో తనను పిలవలేదని బాలకృష్ణ అలగడం, భేటీకి హాజరైన పరిశ్రమ...

సూర్య తండ్రిపై కేసు పెట్టిన టీటీడీ..!

తమిళ స్టార్ సూర్య తండ్రి శివకుమార్‌పై తిరుమల తిరుపతి దేవస్థానం కేసు పెట్టింది. తమిళనాడులో జరిగిన ఓ సభలో శివకుమార్‌ తిరుమల ఆలయానికి వెళ్లవద్దని పిలుపునిచ్చిట్లుగా టీటీడీకి ఫిర్యాదు అందింది. తిరుమలలో డబ్బులున్న...

HOT NEWS

[X] Close
[X] Close