ముఖ్య‌మంత్రి మీద‌ ముస్లిం ముద్రవేసిన ల‌క్ష్మ‌ణ్‌

ఎలాగో ఒక‌లా భాజ‌పా మార్కు హిందుత్వ అంశాన్ని తెలంగాణ‌లో జొప్పించ‌డానికి తీవ్ర ప్ర‌య‌త్నాలు చేస్తున్నారు ఆ పార్టీ రాష్ట్ర అధ్య‌క్షుడు ల‌క్ష్మ‌ణ్‌. హిందుత్వ ప‌రిర‌క్ష‌ణ‌కు తామే పూనుకున్నామ‌ని చాటిచెప్పే ప్ర‌య‌త్నం ప‌దేప‌దే చేస్తున్నారు. అలాంటి మ‌రో ప్ర‌య‌త్న‌మే మ‌రోసారి చేశారు. నిజామాబాద్ లో జ‌రిగిన ఓ స‌భ‌లో ఆయ‌న మాట్లాడుతూ.. ముఖ్య‌మంత్రి కేసీఆర్ హిందువు ఎలా అవుతారంటూ విమ‌ర్శ‌లు చేశారు. తెలంగాణ ప్ర‌భుత్వాన్ని అస‌దుద్దీన్ ఒవైసీ న‌డిపిస్తున్నాడా అనే అనుమానాలు క‌లుగుతున్నాయ‌న్నారు. ఒవైసీతో మూడేసి గంట‌లు చ‌ర్చ‌లు జ‌రిపేందుకు ముఖ్య‌మంత్రి కేసీఆర్ స‌మ‌యం కేటాయిస్తుంటారనీ, కానీ సొంత పార్టీ ఎమ్మెల్యేలూ మంత్రుల‌తో మూడు నిమిషాలు కూడా మాట్లాడ‌టానికి ఇష్ట‌ప‌డ‌ర‌న్నారు.

సీఎం కేసీఆరే పెద్ద ముస్లిం అనీ, ఒవైసీ క‌న్నా పెద్ద ముస్లిం అంటూ ల‌క్ష్మ‌ణ్ వ్యాఖ్యానించారు. కానీ, త‌న‌కంటే గొప్ప హిందువు లేడ‌న్న‌ట్టుగా ఆయ‌న య‌జ్ఞ యాగాలు పెద్ద ఎత్తున చేస్తుంటార‌నీ, రాక్ష‌సులు కూడా ఇలానే భారీ ఎత్తున పూజా కార్య‌క్ర‌మాలు చేస్తార‌ని కేసీఆర్ కి తెలియ‌దేమో అంటూ ఎద్దేవా చేశారు. ద‌క్షిణాది అయోధ్య‌గా పిలుచుకునే భ‌ద్రాచలంలో ప్ర‌తీయేటా జ‌రిగే శ్రీ‌రాముడి క‌ల్యాణానికి త‌లంబ్రాలు స‌మ‌ర్పించడానికి ముఖ్య‌మంత్రి దంప‌తులు వెళ్ల‌డం ఒక ఆన‌వాయితీ ఉంద‌నీ, అది ఈ ప్రాంత ప్ర‌జ‌ల మ‌నోభావాల‌తో ముడిప‌డిన అంశ‌మ‌న్నారు. కానీ, నువ్వు వెళ్ల‌కుండా మ‌న‌వ‌డితో పంపిస్తే నువ్వు హిందువు ఎట్ల‌వుతావ‌ని ప్ర‌శ్నిస్తున్నా అన్నారు ల‌క్ష్మ‌ణ్‌? ఇలాంటి చ‌ర్య‌ల ద్వారా హిందువుల మ‌నోభావాల‌ను కేసీఆర్ దెబ్బ తీస్తున్నార‌ని విమ‌ర్శించారు.

భాజ‌పా మార్కు ప్ర‌య‌త్న‌మంటే ఇదే..! ద‌క్షిణాదిలో లేని హిందుత్వ అంశాన్ని బ‌లవ‌తంగా రుద్దే ప్ర‌య‌త్నంలా క‌నిపిస్తోంది. కేసీఆర్ ముస్లిం అనీ, హిందూ వ్య‌తిరేకి అని బ‌హిరంగానే ఆరోపించే ద‌శ‌కు ల‌క్ష్మ‌ణ్ వ‌చ్చేశారు. నిజానికి, ఆ మ‌ధ్య యాదాద్రి ఆల‌యంలో సంస్కృతీ సంప్ర‌దాయాల‌ను కేసీఆర్ మంట‌గ‌లుపుతున్నార‌నీ, హిందుత్వ వ్య‌తిరేక చ‌ర్య‌లు చేస్తున్నారంటూ ఇలాగే తీవ్రంగా ఆరోపించారు. ఇప్పుడు శ్రీ‌రాముడిని తెర మీదికి తెచ్చే ప్ర‌య‌త్నం చేస్తున్నారు. భ‌ద్రాద్రిని ద‌క్షిణ భార‌త అయోధ్య అంటూ… ఒక ఎమోష‌న‌ల్ క‌నెక్ష‌న్ తెచ్చేందుకు ప్ర‌య‌త్నిస్తున్నారు! భాజ‌పా గ‌ట్టి ప్ర‌య‌త్న‌మే చేస్తున్నా… ఈ కోణంలో ప్ర‌జ‌ల నుంచి ఇంత‌వ‌ర‌కూ ఎలాంటి సానుకూల స్పంద‌నైతే భాజ‌పాకి లేదు! ఇలా అదేప‌నిగా రుద్దుతూపోతే మున్ముందు ఏమౌతుందో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చిరంజీవిని కలిసి ఆశీర్వాదం తీసుకున్న సోము వీర్రాజు..!

ఆంధ్రప్రదేశ్ బీజేపీ అధ్యక్షుడిగా కొత్తగా నియమితులైన సోము వీర్రాజు మొదటగా మెగాస్టార్ చిరంజీవిని కలిసి ఆశీస్సులు తీసుకున్నారు. సాధారణంగా ఆయన...మొదట పవన్ కల్యాణ్‌ని కలుస్తారని భావించారు. అయితే.. పవన్ కల్యాణ్‌తో భేటీ కంటే...

అమరావతి నిధుల లెక్కలన్నీ అడిగిన హైకోర్టు..!

అమరావతిలో గత ప్రభుత్వం పెట్టిన రూ. వేల కోట్ల ప్రజాధనం వృధా పోతుందన్న పిటిషన్‌పై హైకోర్టు విచారమలో ఆసక్తికర విషయాలు వెలుగులోకి వచ్చాయి. అమరావతిలో రూ. 52 వేల కోట్ల రూపాయల...

జగన్‌కు గుడి కాదు చర్చి కట్టాలన్న ఆర్ఆర్ఆర్..!

తూర్పుగోదావరి జిల్లా గోపాలపురం ఎమ్మెల్యే తలారి వెంకట్రావు ముఖ్యమంత్రి జగన్ కు గుడి కట్టడానికి ఏర్పాట్లు చేయడం.. భూమి పూజ చేయడం వివాదాస్పదమవుతోంది. ఖచ్చితంగా అయోధ్య రామాలయానికి శంకుస్థాపన జరుగుతున్నప్పుడే.. తలారి...

మంచు వారి ‘ఓటీటీ’

ప్ర‌తీ సినీ కుటుంబానికీ ఓ నిర్మాణ సంస్థ ఉండ‌డం ఎంత స‌హ‌జంగా మారిందో, ఇప్పుడు ఓ ఓటీటీ సంస్థ ఉండ‌డం కూడా అంతే రివాజుగా మార‌బోతోంది. ఓటీటీ సంస్థ‌ల ప్రాధాన్యం క్ర‌మంగా పెరుగుతోంది....

HOT NEWS

[X] Close
[X] Close