బాలీవుడ్ సింగర్ అద్నాన్ సమీ ఏపీ సీఎం జగన్ రెడ్డి తీరుపై ఆసహనం వ్యక్తం చేశారు. అంతర్జాతీయంగా భారత్ పరువు తీయవద్దని సలహా ఇచ్చారు. ప్రత్యేకవాదాన్ని చూపించవద్దని.. అది దేశాన్ని కించపరచడమేనని కోపగించుకున్నారు. అసలేం జరిగిందంటే… ట్రిపుల్ ఆర్ సినిమాలోని నాటు నాటు పాటకు గోల్డెన్ గ్లోబ్ అవార్డు వచ్చింది. ఈ సందర్భంగా టీమ్‌కు శుభాకాంక్షలు చెబుతూ… ట్వీట్ చేశారు. ఇందులో తెలుగు ఫ్లాగ్ ఈస్ ఫ్లైయింగ్ హై అన్నారు. దీనిపైనే అద్నాన్ షమీ స్పందించారు.
తెలుగు ఫ్లాగ్ అంటే ఏమిటని షమీ ట్విట్టర్‌లోనే సీఎం జగన్ ను ప్రశ్నించారు. అంటే.. ఇండియన్ ఫ్లాగ్ అనే కదా అర్థం అని అడిగారు. మనం మొదట భారతీయులమని .. అందుకే.. మొదట మీరు బారత్ లోనే ప్రత్యేకమని ఆలోచనను పక్కన పెట్టాలని సూచించారు. ముఖ్యంగా అంతర్జాతీయ ఈవెంట్స్ విషయాల్లో మనదంతా ఓ కంట్రీ అనే సంగతి గుర్తుపెట్టుకోవాలన్నారు. సెపరేటిస్ట్ ఆలోచనలు ఎంత ప్రమాదకరంగా ఉంటాయో మనం 1947లో చూశామన్నారు. సమీ చేసిన కామెంట్సీ ఇప్పుడు సోషల్ మీడియాలో వైరల్ అవుతున్నాయి.
నిజానికి అద్నాన్ సమీ స్వతహాగా ఇండియన్ కాదు. ఆయన తండ్రి పాకిస్థాన్ ఎయిర్ ఫోర్స్ లో పని చేస్తారు. అయితే సమీ లండన్‌లో పుట్టి పెరిగారు. ఆయనకు పాకిస్తాన్ పౌరసత్వం ఉంది. కానీ దాన్ని వదులుకుని ఇండియన్ గా స్థిరపడ్డారు. ఆయనకు భారత ప్రభుత్వం పౌరసత్వం ఇచ్చింది. సమీ తల్లి కశ్మీర్ వాసి. అయితే సమీ ఇండియాపై అత్యంత భక్తి చూపిస్తారు. ఇప్పుడు ఇదే విషయంలో సీఎం జగన్ చేసిన సెపరేటిస్ట్ వ్యాఖ్యలు ఆయనకు నచ్చలేదు. అందుకే వెంటనే స్పందించారు.
Telugu flag? You mean INDIAN flag right? We are Indians first & so kindly stop separating yourself from the rest of the country…Especially internationally, we are one country!
This ‘separatist’ attitude is highly unhealthy as we saw in 1947!!!
Thank you…Jai HIND!🇮🇳 https://t.co/rE7Ilmcdzb— Adnan Sami (@AdnanSamiLive) January 11, 2023
