ఏపీ ప్రభుత్వానికి అత్యంత ఇష్టమైన బైజూస్ కంపెనీ రోజు రోజుకు క్షీణించిపోతోంది. ఏం చేసినా కోలుకోలేకపోగా.. చివరికి తీసేసిన ఉద్యోగులకు సెటిల్మెంట్ చేయమన్నా చేయలేకపోతున్నారు. చట్ట ప్రకారం తీసేసిన ఉద్యోగులకు.. మానేసిన ఉద్యోగులకు ఇవ్వాల్సినవి ఇవ్వడం లేదు. దీంతో వారు మీడియా, సోషల్ మడియాలకు ఎక్కి పరువు తీస్తున్నారు. కొంత మంది న్యాయపోరాటం చేస్తున్నారు. మరో వైపు తాజాగా ఈడీ రూ. 9వేల కోట్ల రూపాయలు మేర .. నగదు చెలామణిలో అవకతవకలకు పాల్పడినట్లుగా తేల్చి షోకాజు నోటీసులు జారీ చేసింది.
ఈ వ్యవహాంలో కొన్ని వందల కోట్లు జరిమానా కట్టాల్సి రావొచ్చు. మరో వైపు అమెరికాలో తీసుకన్న రుణాలకు సంబంధించిన చెల్లింపుల గడువు తీరిపోయింది. కట్టాల్సినవి పేరుకుపోతున్నాయి. వేల కోట్లు నిధులు కంపెనీలోకి వచ్చి పడినా బయటపడటం కష్టంగా మారింది. ఓ వైపు బైజూస్ వ్యాపారం పూర్తి స్థాయిలోపడిపోయింది. ఆకాష్ గ్రూప్ కూడా బైజూస్ చేతిలోనుంచి జారిపోయే పరిస్థితి ఏర్పడింది.
ఇలాంటి పరిస్థితుల్లో ఏపీ లాంటి ప్రభుత్వాలు అప్పనంగా ఇచ్చే సొమ్ముతో కాస్తైనా బయటపడవచ్చని అనుకుంటున్నారు. ఇటీవల ఈ అంశానికి సంబంధించి ఎలాంటి విషయాలు బయటకు రావడం లేదు. బైజాస్ చివరికి దివాలాకు దగ్గరగా ఉందని కార్పొరేట్ వర్గాలు అంచనా వేస్తున్నారు. కరోనా వైరస్ సమయంలో పెరిగి.. వైరస్ తగ్గిపోయాక.. క్షీణించిన ఆన్ లైన్ సంస్థగా బైజూస్ మిగిలిపోతోంది.
