రాజ‌ధాని మార్చాల‌నుకుంటే టీడీపీ ఆప‌గ‌ల‌దా..?

ఆంధ్ర‌ప్ర‌దేశ్ రాజ‌ధానిపై మంత్రి బొత్స స‌త్య‌నారాయ‌ణ వ్యాఖ్య‌ల త‌రువాత రేగుతున్న దుమారం తెలిసిందే. రాజ‌ధానిని మ‌రో చోటికి మారుస్తారా అనే చ‌ర్చ తీవ్రంగా జ‌రుగుతోంది. ఈ నేప‌థ్యంలో వైకాపా నేత‌లు దీనిపై స్ప‌ష్ట‌త ఇవ్వ‌డం మాట ప‌క్క‌న‌బెట్టి, రాజ‌కీయంగా దీన్ని మ‌రింత ర‌చ్చ‌కు చూస్తున్న‌ట్టుగా ఉన్నారు!! అమ‌రావ‌తిపై ప్ర‌తిప‌క్ష టీడీపీ తీవ్ర విమ‌ర్శ‌లు చేస్తున్నారు. ఇది తుగ్ల‌క్ నిర్ణ‌యం అవుతుంద‌ని అంటూ కొడాలి నాని సోష‌ల్ మీడియాలో పోస్టు పెట్టారు. ఇక‌, రాజ‌ధాని ప్రాంతంలో రైతులు, భూములు కొన్న‌వారు కూడా ఆందోళ‌న చెందుతున్నారు. ఈ నేప‌థ్యంలో మంత్రి కొడాలి నాని కూడా చ‌ర్చ‌ను రాజేసే వ్యాఖ్య‌లే చేశారు.

అమ‌రావ‌తి విష‌య‌మై బొత్స స‌త్య‌నారాయ‌ణ చేసిన వ్యాఖ్య‌ల్లో త‌ప్పేముంద‌న్నారు మంత్రి కొడాలి నాని. వైకాపాలో అంత‌ర్గ‌తంగా జ‌రుగుతున్న చ‌ర్చ‌నే ఆయ‌న బ‌య‌ట‌పెట్టార‌న్నారు! రాజ‌ధాని న‌గ‌రాన్ని అమ‌రావ‌తి నుంచి ఎక్క‌డికైనా మార్చేస్తామ‌ని వైకాపా ప్ర‌భుత్వం ఎక్క‌డైనా చెప్పిందా అని ప్ర‌శ్నించారు? ఒక‌వేళ మార్చాల‌ని తమ ప్ర‌భుత్వం గ‌ట్టిగా నిర్ణ‌యం తీసుకుంటే తెలుగుదేశం పార్టీ దాన్ని ఆప‌గ‌ల‌దా, వారు చేప‌ట్టే ఉద్య‌మాలు అడ్డుకోగ‌ల‌వా అంటూ స‌వాల్ చేసే విధంగా వ్యాఖ్యానించారు. రాజ‌ధాని పేరుతో గ‌త ప్ర‌భుత్వం తీవ్ర అక్ర‌మాల‌కు పాల్ప‌డింద‌నీ, రియ‌ల్ ఎస్టేట్ వ్యాపారాలు చేసుకుని కోట్ల‌కు కోట్లూ కొంత‌మంది దోచుకున్నార‌నీ, అలాంటివాళ్లే ఇప్పుడు గ‌గ్గోలు పెడుతున్నార‌ని నాని అన్నారు. చంద్ర‌బాబు హ‌యాంలో జ‌రిగిన అక్ర‌మాల‌పై మంత్రి వ‌ర్గ ఉప సంఘం విచార‌ణ చేస్తోంద‌నీ, త్వ‌ర‌లోనే అన్నీ బ‌య‌ట‌కి వ‌స్తాయ‌నీ, అక్ర‌మార్కులు జైలుకు వెళ్ల‌క త‌ప్ప‌ద‌న్నారు. పోల‌వ‌రం రివ‌ర్స్ టెండ‌రింగ్ పై హైకోర్టు ఇచ్చిన స్టే తాత్కాలిక‌మేన‌నీ, ఖ‌ర్చు త‌గ్గించ‌డం కోస‌మే ముఖ్య‌మంత్రి జ‌గ‌న్ ఈ విధానాన్ని తీసుకొచ్చార‌న్నారు.

రాజ‌ధానిని ఎక్క‌డికీ మార్చేది లేదు, జ‌రుగుతున్న‌దంతా దుష్ప్ర‌చార‌మే, అలాంటి వ్యాఖ్య‌ల్ని న‌మ్మొద్దు అని స్ప‌ష్టంగా చెప్పి ఊర‌కుంటే బాగుండేది! ఒక‌వేళ మార్చాల‌నుకుంటే, దాన్ని టీడీపీ అడ్డుకోగ‌ల‌దా, త‌మ‌ని ఆప‌గ‌ల‌రా అన‌డంలోనే రాజకీయ ర‌చ్చ‌ ఉద్దేశ‌మే క‌నిపిస్తోంది. ఈ సంద‌ర్భంలో ప్ర‌తిప‌క్షానికి స‌వాల్ చేయాల్సిన అవ‌స‌రం ఏముంది..? ప్ర‌జ‌ల్లో లేనిపోని అనుమానాలు రేకెత్తించింది అధికార పార్టీవారే. దానికి ఎక్క‌డో చోట ఫుల్ స్టాప్ పెట్ట‌కుండా, ప్ర‌తిప‌క్షాన్ని కూడా రెచ్చ‌గొట్టేలా మాట్లాడుతున్న‌దీ వారే!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close