జగన్ అక్రమాస్తుల కేసులన్నీ సిబిఐ కోర్టే విచారిస్తుంది

వైకాపా అధ్యక్షుడు జగన్మోహన్ రెడ్డి యొక్క అక్రమాస్తుల కేసులను ఈడి కోర్టుకు బదిలీ చేయాలని ఈడీ అభ్యర్ధనను సిబిఐ కోర్టు తిరస్కరించింది. మాధవ రామచంద్రన్, టిఆర్ కన్నన్ మరియు ఎకె దండమూడి అనే ముగ్గురు పారిశ్రామిక వేత్తలు మాజీ ముఖ్యమంత్రి స్వర్గీయ డా. రాజశేఖర్ రెడ్డి ప్రభుత్వం నుండి పొందిన ప్రయోజనాలకు ప్రతిగా క్విడ్ ప్రొ పద్దతిలో రూ.34 కోట్లు జగన్మోహన్ రెడ్డికి చెందిన జగతి పబ్లికేషన్స్ లో పెట్టుబడి పెట్టారని సీబీఐ ఒక కేసు నమోదు చేసింది. సిబిఐ కోర్టు ఆ కేసును విచారిస్తోంది. అదే సమయంలో ఈడి అధికారులు కూడా దానితో సహా జగన్ పై సీబీఐ నమోదు చేసిన అన్ని కేసులపై సమాంతరంగా విచారణ చేపట్టడానికి సిద్దం అయ్యారు.

దానిపై అభ్యంతరం తెలుపుతూ జగన్ తరపున న్యాయవాదులు హైకోర్టులో ఒక పిటిషన్ వేశారు. దానిపై హైకోర్టు స్పందిస్తూ ఆ కేసులను అన్నిటినీ ఈడికి బదిలీ చేసే విషయంపై సిబిఐ కోర్టుని తన అభిప్రాయం తెలుపవలసినదిగా కోరింది. అందుకోసం ఈడి కూడా సిబిఐ కోర్టులో ఒక పిటిషన్ వేసింది. దానిపై సిబిఐ కోర్టులో నిన్న ఈడి, సిబిఐ, జగన్ తరపున న్యాయవాదుల వాదనలు వినిపించారు. పి.ఎం.ఎల్. చట్టంలోని సెక్షన్:44 (1) (సి) ప్రకారం ఈ కేసును విచారించే అధికారం తమకే ఉంటుందని ఈడి న్యాయవాది వాదించగా, దానిని సిబిఐ న్యాయవాది వ్యతిరేకించారు. కేంద్రప్రభుత్వం ఈడికి ఆ అధికారాలు కల్పిస్తూ ప్రత్యేక ఆదేశాలు జారీ చేస్తే తప్ప సిబిఐ పరిధిలో ఉన్న ఆ కేసును ఈడికి అప్పగించడం సాధ్యం కాదని వాదించారు. జగన్ తరపున న్యాయవాది కూడా సిబిఐ కోర్టు విచారిస్తున్న కేసును ఈడికి బదిలీ చేయడం సరికాదని వాదించారు. ముగ్గురి వాదనలు విన్న తరువాత సిబిఐ న్యాయమూర్తి ఈడి పిటిషన్ని తిరస్కరిస్తున్నట్లు ప్రకటించారు. కనుక జగన్ అక్రమాస్తుల కేసులన్నీ ఇక ముందు కూడా సిబిఐ కోర్టే విచారిస్తుంది. దీనిపై ఈడి ఏవిధంగా స్పందిస్తుందో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ట్రావెన్‌కోర్ రాజకుటుంబానికే ” అనంత పద్మనాభుని” బాధ్యతలు..!

దేశంలో అత్యంత ధనిక ఆలయంగా పేరు తెచ్చుకున్న కేరళలోని అనంతపద్మనాభ స్వామి ఆలయం బాధ్యత ట్రావెన్‌కోర్ రాజ కుటుంబానిదేనని.. సుప్రీంకోర్టు స్పష్టం చేసింది. ఈ మేరకు తుది తీర్పు వెలువరించింది. అలాగే త్రివేండ్రం...

జగన్ పార్టీకి ” వైఎస్ఆర్” నోటీసులొచ్చాయ్..!

జగన్మోహన్ రెడ్డి సారధ్యంలోని యువజన శ్రామిత రైతు కాంగ్రెస్ పార్టీకి కొత్త చిక్కులు వచ్చిపడ్డాయి. వైఎస్ఆర్ కాంగ్రెస్ పార్టీ అనే పేరును ఎలా వాడుకుంటున్నారంటూ.. ఢిల్లీ హైకోర్టు నోటీసులు జారీ చేసింది. అలా...

పవన్ కి మద్దతివ్వను, జగన్ ని ప్రశ్నించను, కేంద్రంపై నెట్టిస్తా, తప్పుకుంటా: ముద్రగడ లేఖ

ముద్రగడ పద్మనాభం తమ జాతిని ఉద్దేశించి మరొకసారి సుదీర్ఘమైన లేఖ రాశారు. 2 వారాల క్రితం ముద్రగడ ముఖ్యమంత్రి గారిని ఉద్దేశించి రాసిన లేఖ సొంత సామాజిక వర్గం నుండే విమర్శలు పొందడం...

“కాపు రిజర్వేషన్ ఉద్యమం” కాడి దించేసిన ముద్రగడ..!

గజదొంగ, కులద్రోహి అంటున్నారని.. ఆ ఆవేదన భరించలేని.. అందుకే కాపు ఉద్యమం నుంచి పూర్తిగా వైదొలుగుతున్నానని... ముద్రగడ పద్మనాభం ప్రకటన చేశారు. ఈ మేరకు..బహిరంగ లేఖ విడుదల చేశారు. చంద్రబాబు ప్రభుత్వం కాపులకు...

HOT NEWS

[X] Close
[X] Close