ఇంగ్లిష్ మీడియంపై కేంద్రం “కౌంటర్”..!

ఆంధ్రప్రదేశ్‌లో తెలుగుమీడియం లేకుండా ఎత్తేసి ఒక్క ఇంగ్లిష్ మీడియమే పెట్టాలన్న పట్టదలతో ఉన్న జగన్మోహన్ రెడ్డికి కేంద్రం కౌంటర్ ఇచ్చింది. సుప్రీంకోర్టులో వేసిన కౌంటర్‌తో.. జగన్ నిర్ణయం అమలు చేయడం చట్ట విరుద్ధమని తేల్చేసింది. ప్రాథమిక విద్యాబోధన మాతృభాషలో సాగాలన్నదే తమ విధానమని కేంద్రం స్పష్టం చేస్తూ సుప్రీంకోర్టులో అఫిడవిట్ దాఖలు చేసింది. ఇంగ్లిష్ మీడియాన్ని నిర్బంధం చేస్తూ ఆంధ్రప్రదేశ్‌ ప్రభుత్వం ఇచ్చిన జీవోను కొట్టేస్తూ హైకోర్టు ఇచ్చిన తీర్పును సవాల్‌ చేస్తూ రాష్ట్ర ప్రభుత్వం సుప్రీంకోర్టులో పిటిషన్ దాఖలు చేసింది. దానిపై కేంద్రానికి సుప్రీంకోర్టు నోటీసులు జారీ చేసింది. దీంతో కేంద్ర పాఠశాల విద్యాశాఖ గురువారం కౌంటర్‌ అఫిడవిట్‌ దాఖలు చేసింది.

ప్రాథమిక విద్యాబోధన తప్పనిసరిగా పిల్లల మాతృభాషలోనే సాగాలని.. రాజ్యాంగంలోని ఆర్టికల్‌ 350ఎ ప్రకారం భాషాపరంగా మైనార్టీ వర్గాల పిల్లలకు సైతం ప్రాథమిక విద్యను వారి మాతృభాషలోనే బోధించాల్సి ఉందని కేంద్రం అఫిడవిట్‌లో స్పష్టం చేసింది. అందుకు అనువైన సౌకర్యాలు కల్పించాల్సిన బాధ్యత రాష్ట్ర ప్రభుత్వంపై ఉందని తెలిపింది. 2009 విద్యాహక్కు చట్టంలోని సెక్షన్‌ 29 (ఎఫ్‌) కూడా సాధ్యమైనంత మేరకు విద్యాబోధన మాతృభాషలోనే ఉండాలని చెబుతోందని అఫిడవిట్‌లో తెలిపింది. నూతన విద్యావిధానం కూడా ఇదే చెబుతున్నట్లు వివరించింది.

పిల్లలు తమ మాతృభాషల్లో అయితేనే క్లిష్టమైన అంశాలను సులభంగా నేర్చుకోగలరు. కనీసం ఐదో తరగతి వరకైనా మాతృభాషలో విద్యాబోధన ఉండాలి. దీన్ని 8వ తరగతి, అంతకుమించి కొనసాగించడానికి ప్రాధాన్యం ఇవ్వాలని కేంద్రం స్పష్టం చేసింది. మరో వైపు తెలుగు భాషా పండితులు కూడా సుప్రీంకోర్టులో ఇంప్లీడ్ పిటిషన్ దాఖలు చేశారు. కేంద్రం సుప్రీంకోర్టులో వేసిన అఫిడవిట్‌తో ఏపీ సర్కార్ కు మరో విషయంలో కోర్టుల్లో ఎదురుదెబ్బ తగలడం ఖాయమన్న చర్చ న్యాయవాద వర్గాల్లో ప్రారంభమయింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సోనూ రేటు: రోజుకి 20 ల‌క్ష‌లు

ఈ కరోనా స‌మ‌యంలో.. సోనూసూద్ రియ‌ల్ హీరో అయిపోయాడు. హీరోల‌కూ, రాజ‌కీయ నాయ‌కుల‌కు, ప్ర‌భుత్వాల‌కు, సంస్థ‌ల‌కు ధీటుగా - సేవ‌లు అందించాడు. త‌న యావ‌దాస్తినీ దాన ధ‌ర్మాల‌కు ఖ‌ర్చు పెట్టేస్తున్నాడా? అనేంత‌గా...

స‌ర్కారు వారి పాట అప్ డేట్: మ‌హేష్ ముందే వెళ్లిపోతున్నాడు

మ‌హేష్‌బాబు క‌థానాయ‌కుడిగా `సర్కారువారి పాట‌` తెర‌కెక్కుతున్న సంగ‌తి తెలిసిందే. జ‌న‌వ‌రి 4 నుంచి అమెరికాలో షూటింగ్ ప్రారంభం కానుంది. వీసా వ్య‌వ‌హారాల‌న్నీ ఓ కొలిక్కి వ‌స్తున్నాయి. అయితే చిత్ర‌బృందం కంటే ముందే.. మ‌హేష్...

ఏపీ విద్యార్థుల్ని కూడా పొరుగు రాష్ట్రాలకు తరిమేస్తున్నారా..!?

ఆంధ్రప్రదేశ్ ప్రభుత్వం ఏం చేస్తుందో అక్కడి ప్రజలకు అర్థమవడం లేదు. బస్సుల నుంచి మద్యం వరకూ ..ఉద్యోగాల నుంచి చదువుల వరకూ అన్నింటిపైనా పొరుగు రాష్ట్రాలపైనే ఏపీ ప్రజలు ఆధారపడేలా విధానాలు...

“పోస్కో” చేతికి విశాఖ స్టీల్ ప్లాంట్..!?

ముఖ్యమంత్రి జగన్మోహన్ రెడ్డితో రెండు రోజుల కిందట... పోస్కో అనే స్టీల్ ఉత్పత్తిలో దిగ్గజం లాంటి పరిశ్రమ ప్రతినిధులు సమావేశమయ్యారు. ఏపీలో పెట్టుబడులు పెట్టేందుకు సిద్ధంగా ఉన్నామని చెప్పారు.ఈ విషయాన్ని ముఖ్యమంత్రి జగన్మోహన్...

HOT NEWS

[X] Close
[X] Close