నాగ్ చైతన్య..అక్కినేని వారసత్వం పుచ్చుకుని, హీరోగా నిలదొక్కుకోవడానికి కిందా మీదా స్ట్రగుల్ అవుతున్న హీరో. చేసిన సినిమాల్లో సగం హిట్ లు, సగం ఫ్లాడపులుగా ఖాతాలో వున్న చైతూ ఇటీవల వరుస ఫ్లాపులతో బాధపడుతున్నాడు. రారండోయ్ వేడుక చూద్దాం సినిమాకు ముందు ఒకటి తరువాత నాలుగు ఫ్లాపులు చైతూ ఖాతాలో వున్నాయి. ఇప్పుడు చైతూను ఆదుకోవడం కోసం సమంత రంగంలోకి దిగాల్సి వచ్చింది. మరో రెండు రోజుల్లో విడుదలవుతున్న మజిలీ సినిమా విజయం సాధించాల్సిన అవసరం చైతన్యకు చాలా వుంది.
దీని తరువాత వెంకీ మామ ఒక్కటే ప్రస్తుతానికి చైతన్య ఖాతాలో వుంది. చైతన్య ఫ్లాపుల్లో ఎక్కువగా మాస్ సినిమాలే వున్నాయి. అందుకే తనకు అచ్చివచ్చిన ఫ్యామిలీ, లవ్ టచ్ వున్న క్లాస్ సినిమాను ట్రై చేస్తున్నాడు ఈసారి. ఈ సినిమా మీద మొదటి నుంచి మాంచి బజ్ వుంటూ వచ్చింది. కానీ ఎప్పడయితే ట్రయిలర్ బయటకు వచ్చిందో, మరీ టూ క్లాస్ సినిమా అవుతుందేమో అన్న టెన్షన్ అభిమానుల్లో, అదే అభిప్రాయం ఇండస్ట్రీలో వినిపిస్తోంది. ఇంత ఎమోషనల్ సినిమా అంటే చైతూ ఎలా చేస్తాడో అన్నది మరో టెన్షన్.
ఇలాంటి బ్యాక్ డ్రాప్ లో మజిలీ విడుదలవుతోంది. దీనికి మరోసమస్య ఎలక్షన్ల కీలక సమయంలో వస్తుండడం అన్నది. ఈ సమస్యలు అన్నీ అధిగమించి మజిలీ సినిమా విజయం సాధించాలి. ఇది హిట్ అయితేనే చైతూ కెరీర్ మరింత ముందుకు సాగుతుంది. వెంకీ మామ తరువాత మరో సినిమా పట్టాలు ఎక్కుతుంది. లేదూ అంటే ఒడిదుడుకులలో పడుతుంది.
