ఉమ్మడి చిత్తూరు జిల్లాలో శివారున ఉండే కుప్పం నియోజకవర్గానికి నీటి కష్టాలు ఇప్పటివి కావు. తక్కువ వర్షపాతం.. జలవనరులు.. ప్రాజెక్టుల కాలువలు వంటివి తక్కువ. అందుకే చంద్రబాబునాయుడు ఇజ్రాయెల్ టెక్నాలజీతో నీటిని పొదుపుగా వాడే పద్దతుల్ని రైతులకు నేర్పించారు. కావాల్సిన సబ్సిడీలు అందించారు. అయితే ఎల్లకాలం కాదని..నీటి సౌకర్యం ఉండాల్సిందేనని కృష్ణా నీటిని తీసుకు రావడానికి పునాదులు వేశారు. కుప్పం బెంగళూరు శివారులోని ఉంటుంది.. కృష్ణా నీరు..శ్రీశైలం వద్ద ఉంటుంది. అక్కడి నుంచి తరలించుకురావడం అంటే మహా యజ్ఞమే. దాన్ని చంద్రబాబు పూర్తి చేశారు. ఇప్పుడు కృష్ణా నీటితో కుప్పం చెరువులు నిండుతున్నాయి.

738 కి.మీ ప్రయాణించి కుప్పానికి కృష్ణమ్మ

శ్రీశైలం నుంచి 19 నియోజకవర్గాలను తాకుతూ….10 రిజర్వాయర్లను నింపుతూ శ్రీశైలం నుంచి నదీ జలాలు కుప్పం చేరుకున్నాయి. రాయలసీమను కోనసీమ చేసేలా రికార్డు టైంలో హంద్రీ-నీవా విస్తరణ పనులు జరిగాయి. ఈ ప్రాజెక్టు ద్వారా మొత్తంగా 6 లక్షల ఎకరాలకు సాగునీరు, 33 లక్షల మందికి తాగునీరు అందుతోంది. విస్తరించిన కాల్వల ద్వారా పరుగులు పెడుతున్న కృష్ణమ్మ 19 నియోజకవర్గాలను తాకింది. 10 రిజర్వాయర్‌లను నింపుతోంది. కర్నూలు జిల్లాలో కృష్ణగిరి, పత్తికొండ, అనంతపురం జిల్లాలో జీడిపల్లి, పెన్నా అహోబిలం బ్యాలెన్సింగ్ రిజర్వాయర్‌లు నిండాయి. సత్యసాయి జిల్లాలో మారాల, గొల్లపల్లి, చెర్లోపల్లి… అన్నమయ్య జిల్లాలోని శ్రీనివాసాపురం, అడవిపల్లి రిజర్వాయర్లు నిండుతున్నాయి. అలాగే గాజుల దిన్నెకు నీరు చేరింది.

హంద్రీ నీవాకు శంకుస్థాపన చేసింది చంద్రబాబే !

హంద్రీ నీవాకు ఉమ్మడి రాష్ట్రంలో 1999 జులై 9 చంద్రబాబు శంకుస్థాపన చేశారు. ఈ రోజు బీడు భూముల్లో నీళ్లు పారేలా చేశారు. ఇదంతా రాత్రికి రాత్రి ఇది జరగలేదు. 2014 నుంచి నేటి వరకు ప్రభుత్వం భారీ ఎత్తున సాగునీటి ప్రాజెక్టులపై నిధుల ఖర్చు చేయడం వల్ల నేడు హంద్రీనీవా నీళ్లు చిత్తూరు జిల్లాలో చివరి ఆయకట్టు భూములకు చేరాయి. హంద్రీనీవా ప్రాజెక్టుపై 2014-19 మధ్య రూ.4,183 కోట్లు ఖర్చు పెట్టి చంద్రబాబు ప్రాజెక్టును పరుగులు పెట్టించారు. 2019లో అధికారంలోకి వచ్చిన వైసీపీ పూర్తిగా చేతులెత్తేసింది. మళ్లీ చంద్రబాబు వచ్చాక రికార్డు స్థాయిలో కేవలం 100 రోజుల్లో మెయిన్ కెనాల్ విస్తరణ, లైనింగ్ పనులు పూర్తి చేసి ప్రధాన కాలువ సామర్థ్యాన్ని 3850 క్యూసెక్కులకు పెంచారు.

నేరుగా కుప్పానికి కాదు.. మధ్యలో అందరి అవసరాలు తీర్చిన తర్వాతే కుప్పానికి !

హంద్రీనీవా ఆయకట్టులో చిట్ట చివరి జిల్లా చిత్తూరు. చిత్తూరు జిల్లాలో 16 లక్షల ఎకరాల సాగుభూమి ఉన్నా… కేవలం 6 లక్షల ఎకరాలకే సాగునీరు అందుతోంది. మిగిలిన 10 లక్షల ఎకరాలకు సాగునీరిస్తే…రైతన్నకు నీటి కొరతే ఉండదు. చిత్తూరు జిల్లాలో సాగు అంతా బోర్లపైనే ఆధారపడి ఉంది. 565 కి.మీ. మేర ఉన్న పుంగనూరు, నీవా, తంబళ్లపల్లి, కుప్పం, చింతపర్తి, ఎల్లుట్ల, వాయల్పాడు, సదుం బ్రాంచ్ కాలువలతో 1,86,500 ఎకరాలకు సాగునీరు అందుతుంది. పీలేరు, పుంగనూరు, చంద్రగిరి, పూతలపట్టు, చిత్తూరు, జీడీ నెల్లూరు నియోజకవర్గాల ప్రజలకు దీంతో ప్రయోజనం కలుగుతుంది.

చంద్రబాబు జల హారతి

తరలి వచ్చిన కృష్ణమ్మ కుప్పం నియోజకవర్గంలో ప్రజలు సంబరాలు చేసుకుంటున్నారు. జల హారతి కార్యక్రమం కోసం కుప్పం వెళుతున్న సిఎం వారి సంతోషాన్ని పంచుకోనున్నారు. కృష్ణమ్మకు జలహారతి ఇవ్వనున్నారు.