లాక్‌డౌన్ పెట్టాల్సిందేనంటున్న చంద్రబాబు..!

పరీక్షలు రద్దు చేయాలని నిన్నటిదాకా లోకేష్ ఆన్ లైన్ ఉద్యమం నడిపితే.. ఇప్పుడు లాక్ డౌన్ పెట్టాలని టీడీపీ అధినేత చంద్రబాబు వాయిస్ పెంచారు. గత రెండు ప్రెస్‌మీట్లలోనూ చంద్రబాబు ప్రధాన డిమాండ్ లాక్ డౌన్‌ పెట్టాలనే. ఏపీ సర్కార్ ప్రజల్ని కరోనాకు వదిలేసి… టీడీపీ నేతల కక్ష సాధింపులు.. ప్రజా ఆస్తులను ఇతరులకు ధారదత్తం చేయడం వంటి వాటి మీద దృష్టి పెట్టిందని ఆరోపిస్తూ.. చంద్రబాబు అత్యవసర పొలిట్ బ్యూరో భేటీ నిర్వహించారు. కొన్ని తీర్మానాలు చేసి.. ప్రెస్‌మీట్ పెట్టి మీడియా ద్వారా ప్రభుత్వానికి వినిపించారు. సీసీఎంబీ చెప్పిన కొత్త కరోనా వైరస్ మ్యూటెంట్ ప్రమాదకరంగా మారిందని.. తక్షణం లాక్ డౌన్ పెట్టకపోతే..ప్రజలు తీవ్రంగా నష్టపోతారని.. చంద్రబాబు అంటున్నారు.

అదే సమయంలో వ్యాక్సిన్లను కొనుగోలు చేయకుండా ప్రజల్ని మోసం చేస్తున్నారని చంద్రబాబు ఆరోపిస్తున్నారు. అడ్డగోలు ప్రచారానికి వందల కోట్లు కేటాయించిన ప్రభుత్వం వ్యాక్సిన్ కొనుగోలు కోసం కేవలం రూ. 45 కోట్లు మాత్రమే కేటాయించిందని మండిపడ్డారు. తక్షణం లాక్ డౌన్ పెట్టి… నిరుపేదలకు సాయం చేయాలని ఆయన కోరుతున్నారు. ఇప్పుడు ప్రభుత్వం పెట్టిన కర్ఫ్యూ వల్ల ఉపయోగం లేదని తేల్చేశారు. కర్ఫ్యూ పెట్టి నిత్యవసరాలకు ప్రాధాన్యం ఇవ్వకుండా.. ఉ.6 గంటలకే మద్యం దుకాణాలకు ఎలా అనుమతిస్తారని విమర్శలు గుప్పించారు.

నిజానికి లాక్ డౌన్ పెట్టాలన్న సూచనలు.. సలహాలు.. డిమాండ్లు… కేంద్ర, రాష్ట్ర ప్రభుత్వాలకు అన్ని వైపుల నుంచి వస్తున్నాయి. కానీ లాక్ డౌన్ పెడితే… గతంలోలా ఆర్థిక వ్యవస్థ చితికిపోతుందని.. అదే జరిగితే .. కోలుకోవడం అసాధ్యమని.. ప్రభుత్వాలు భావిస్తున్నాయి. అందుకే వ్యవస్థ కొనసాగేలా.. ఆంక్షలు పెడుతున్నారు. కానీ ఇలాంటి వాటి వల్ల కరోనా కట్టడి కాదని.. లాక్ డౌన్ పెట్టాల్సిందేనన్న డిమాండ్లు వినిపిస్తున్నాయి. పెట్టక తప్పదేమో అన్న పరిస్థితి కూడా వచ్చింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కత్తి మహేష్ టెంప్లేట్ వైకాపా వదలదా? కత్తి స్థానాన్ని పోసాని భర్తీ చేయగలరా ?

ప్రస్తుతం ఆంధ్రప్రదేశ్ రాజకీయాలలో వైఎస్ఆర్సిపి మంత్రులు వర్సెస్ పవన్ కళ్యాణ్ అంటూ చిన్న సైజు యుద్ధమే జరుగుతుంది. సినిమా టికెట్లను ప్రభుత్వ పోర్టల్ ద్వారా అమ్మాలి అన్న జగన్ నిర్ణయాన్ని వ్యతిరేకిస్తూ పవన్...

పోసాని మళ్లీ రచ్చ – దాడికి ప్రయత్నించిన పవన్ ఫ్యాన్స్ !

పవన్ కల్యాణ్ ఫ్యాన్స్ తన భార్యపై అనుచిత వ్యాఖ్యలు చేశారంటూ మరోసారి మీడియా ముందుకు వచ్చిన పోసాని కృష్ణమురళి ఆయనపై అనుచిత వ్యాఖ్యలు చేశారు. ప్రెస్‌క్లబ్‌లో మీడియా సమావేశం పెట్టి "పవన్ నీకెంత...

ప్రజల వరద కష్టాల కన్నా మీడియాకు సినిమా గొడవలే మిన్న !

ఓ వైపు తెలుగు రాష్ట్రాల్లో తుపాన్ బీభత్సం సృష్టించింది. ఏపీలో ఉత్తరాంధ్ర, ఉభయగోదావరి జిల్లాలు తీవ్రంగా నష్టపోయాయి. ఇప్పటికీ తేరుకోలేదు. కొన్ని వందల గ్రామాల్లో అంధకారం అలుముకుంది. ఇక నష్టపోయిన వారి గురించిచెప్పాల్సిన...

పంజాబ్ కాంగ్రెస్ చిందర వందర !

అసెంబ్లీ ఎన్నికల ముందు ఏదో చేద్దామని ప్రయత్నించిన కాంగ్రెస్ హైకమాండ్... పంజాబ్ లో పార్టీని చిందర వందర చేసుకుంది. సిద్దూకు పీసీసీ చీఫ్ పదవి ఇచ్చి అందర్నీ కూల్ చేయాలనుకుంటే చివరికి అదే...

HOT NEWS

[X] Close
[X] Close