వరద ప్రభుత్వ వైపరీత్యమే..! చంద్రబాబు ప్రజంటేషన్…!

అమరావతి ముంపు ప్రాంతమని… కుట్రపూరితంగా నిరూపించేందుకు ప్రభుత్వం… రాయలసీమకు సైతం నీళ్లివ్వకుండా..కృష్ణానదిలో కృత్రిమ వరద సృష్టించిందని.. మాజీ ముఖ్యమంత్రి చంద్రబాబు నాయుడు.. పవర్ పాయింట్ ప్రజెంటేషన్ ద్వారా వివరించారు. కృష్ణా నదిలో ప్రవాహాలు ఎప్పుడెప్పుడు ఎలా ఉన్నాయి..? ఏ ఏ ప్రాజెక్టులకు ఏ సమయంలో తరలించుకోవాలి..? ఏపీ సర్కార్ ఎప్పుడు తరలించింది..? ఇలా ప్రతి విషయాన్ని.. చంద్రబాబు పవర్ పాయింట్ ప్రజెంటేషన్ ద్వారా వివరించారు. ఉద్దేశపూర్వకంగా నీళ్లంటిని బిగబట్టి.. ఒక్క సారి ప్రకాశం బ్యారేజీ వైపు వదలారని.. స్పష్టం చేశారు. దీని వల్ల రాజధాని గ్రామాల్లోకి నీరు వస్తుందని.. తన ఇంట్లోకి కూడా నీరొస్తే.. రాజధానికి ముంపు ముప్పు ఉందని చెప్పాలనుకున్నారని మండిపడ్డారు.

ఆల్మట్టి నుంచి నారాయణపూర్‌కు వరద రావాలంటే 12 గంటలు, నారాయణపూర్‌ నుంచి జూరాలకు 30 , జూరాల నుంచి శ్రీశైలానికి 30 గంటలు, శ్రీశైలం నుంచి సాగర్‌కు వరద రావాలంటే 12 గంటలు, సాగర్‌ నుంచి ప్రకాశం బ్యారేజీకి రావాలంటే 24 గంటలు పడుతుందని .. అంటే.. బ్యారేజీ వద్దకు అల్మట్టి నుంచి… బ్యారేజీకి రావడానికి ఐదారు రోజులు సమయం పడుతుంది. ఇంత సమయం లభించినా… ఎంత వరద వస్తుందో.. కేంద్ర జల సంఘం నుంచి స్పష్టమైన సమాచారం.. ఎప్పటికప్పుడు.. ప్రభుత్వానికి సమాచారం ఉన్నా.. నీటిని ఎందుకు బిగపట్టారని చంద్రబాబు ప్రశ్నించారు. వరదలు వచ్చే సమయానికి రాష్ట్రంలో ప్రాజెక్టులన్నీ ఖాళీగా ఉన్నాయని … అలాంటి సమయంలో వచ్చిన వరదల్ని చాలా జాగ్రత్తగా… ప్రాజెక్టుల్ని నింపుకునే అవకాశం ఉన్నా.. వినియోగించుకోలేదన్నారు. ఆగస్టు ఏడో తేదీ వరకూ… రాయలసీమకు నీటిని ఎదుకు పంపింగ్ ప్రారంభించలేదో చెప్పాలన్నారు. కండలేరు, సోమశిల సహా పలు రిజర్వాయర్లకు నీటిని పంపలేకపోయారన్నారు.

నేను ఉంటున్న ఇంటిని ముంచడం కోసం.. కృష్ణా పరివాహక లంక గ్రామాలన్నింటినీ ముంచారని ఆవేదన వ్యక్తం చేశారు. ఫ్లడ్‌ మేనేజ్‌మెంట్‌ చేయకపోతే ప్రభుత్వంలో ఉండే అర్హతే లేదని తేల్చేశారు. ప్రభుత్వ నిర్వాకం వల్ల రైతులకు సుమారు రూ.3వేల కోట్ల నష్టం జరిగిందన్నారు. ఎందుకు తప్పుడు విధానాలు అవలంబించారో ప్రభుత్వం సమాధానం చెప్పాలని డిమాండ్ చేశారు. ప్రభుత్వం సృష్టించిన వరదలు కాబట్టి రైతులకు పూర్తి పరిహారం చెల్లించాలన్నారు. తెలంగాణతో సంబంధాలు బాగున్నాయని చెబుతున్నారు.. పోతిరెడ్డిపాడుకు మళ్లిస్తేనే ఓర్వలేని పరిస్థితిలో తెలంగాణ ఉందన్నారు.

ప్రభుత్వం తీరును ప్రజల్లోకి తీసుకెళ్లడంతో పాటు.. న్యాయపోరాటం చేయాలని టీడీపీ భావిస్తున్నట్లుగా తెలుస్తోంది. కేంద్ర జలసంఘానికి.. ప్రాజెక్టుల నిర్వహణ తీరుపై.. ముందుగా ఫిర్యాదు చేసే అవకాశం ఉంది. కేంద్ర జలసంఘం హెచ్చరికలను ఏ మాత్రం పట్టించుకోకుండా.. ప్రజల్ని ముంచిన వైనాన్ని.. కేంద్రానికి కూడా ఫిర్యాదు చేసే ఆలోచనలో ఉన్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

విజయసాయిరెడ్డి నీళ్లు నమిలిన ప్రశ్న..!

రఘురామకృష్ణంరాజుకు వేటు కోసం ప్రత్యేక విమానంలో ఢిల్లీ వెళ్లిన విజయసాయిరెడ్డి బృందానికి .. లోక్‌సభ స్పీకర్ ఏం చెప్పారో .. ఏం హామీ ఇచ్చి పంపారో కానీ బయట మీడియా దగ్గర మాత్రం...

లద్దాఖ్‌లో సడన్‌ టూర్.. చైనాకు హెచ్చరికలు పంపిన మోడీ..!

భారత భాభాగాన్ని కొద్ది కొద్దిగా ఆక్రమించుకుంటూ.. చర్చల పేరుతో టైంపాస్ చేస్తున్న చైనా కు చెక్ పెట్టేందుకు ప్రధానమంత్రి నరేంద్రమోడీ వ్యూహాత్మకంగా అడుగులేశారు. హఠాత్తుగా చైనా సరిహద్దుల్లో పర్యటించారు. అక్కడి సైనికులతో...

ఆర్ఆర్ఆర్‌పై ఎలా వేటేయాలో కూడా స్పీకర్‌కు చెప్పిన వైసీపీ బృందం..!

రాజ్యాంగంలోని ఆర్టికల్ 2 ప్రకారం.. నర్సాపురం ఎంపీ రఘురామకృష్ణంరాజుపై అనర్హతా వేటు వేయాలని వైసీపీ నేతలు.. స్పీకర్ ఓంబిర్లాకు వినతి పత్రం సమర్పించారు. ఆ వినతి పత్రంలో వారు.. పలు కోర్టు తీర్పులను...

వ‌ర్మ టీమ్‌లో ‘క‌రోనా’ భ‌యం

లాక్‌డౌన్ స‌మ‌యంలోనూ... సినిమాలు తీసే ధైర్యం చేశాడు రాంగోపాల్ వ‌ర్మ‌. అవి ఎలాంటి సినిమాలు? ఎవ‌రికి న‌చ్చాయి? అనేది ప‌క్క‌న పెడితే - క్లిష్ట‌మైన ప‌రిస్థితుల్లోనూ ప‌నైతే చేయ‌గ‌లిగాడు. వ‌ర్మ‌కి...

HOT NEWS

[X] Close
[X] Close